1 Tasalonikaɨ 5:11 - Dadiya NT

¹¹ A dul kɛl nɨ bɛ ya jǝ́ kʊʊka nǝl lɛ, ya jǝ́ tɨkaka lɛ, kanga jǝ́ maam lɛ kǝngkɨɨ.

1 Tasalonikaɨ 5:11 ပူးပေါင်းရင်းမြစ်များ

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

Roma 15:14

Kambɔ, n jǝla nǝn jen, mǝʊ jǝ́ nǝb nyan dangǝn, nǝb nyǝmtǝm nyangǝn, nǝb nɨ a la kanga mɛla kambɔ gǝm lɛɨ.

Roma 15:2

Bɛ bǝ maa fatǝm yɨm bǝnɔ gǝm jǝ nyan. Bɛ bǝ maa jʊ nɨ tɨka ji lɛɨ, sǝ ja dʊʊl a mʊgɔ nǝtǝm bɨlǝngkɛl jinɔ gǝm.

1 Korinti 10:23

“Kanjǝlɔ gwam n jǝ jǝlatǝm.” Ke bɔ kanjǝlɔ gwam n jǝ nyaɨ. “Kanjǝlɔ gwam n jǝ jǝlatǝm.” Ke bɔ kanjǝlɔ gwam bɛ lɛ nǝn mɔtǝmɨ.

1 Korinti 14:12

Gǝ na nyɔ a daa jen woi. Na nɨ jǝ́ saa nǝtǝm lǝma Yʊwagɨɨ, jǝ́ ya kwaan a fɛkalɨ mʊrkalɨ nǝb bwangtǝm Kwaamaɨ.

1 Korinti 14:29

Nǝbkuwotǝmkǝgagɔ, nǝbɔ yo a yɔ nǝn a taal ja sʊwa kɛl, tangǝnɔ ja dʌng kɛl jinɔ.

1 Korinti 14:5

Mǝ swɨ lɛ gwam jenɔ jǝ́ sʊwa kɛl nǝn kaam nyiyo. Jʊ mǝ swɨ lɛ a laa jǝlɨ, jǝ́ maa kuwotǝmkǝga. Nʊ nɨ a maa kuwotǝmkǝgaɨ, a laa nʊ nɨ a sʊwa kɛl nǝn kaam nyiyoi. Na kaa nǝl fɛta fɛta nǝbɔ jʊ nɨ gǝ sʊwa lɛɨ, ga fɛ mʊrkalɨ nǝb bwangtǝm Kwaamaɨ.

2 Korinti 12:19

Jǝ́ maa bʊʊlalɨ jengɔ nǝn bɛ nǝn kɛl sǝ nǝn kʌshi dul nǝnɔ ka? Mɨ nyɔ! A kǝga Kwaamaɨ nǝ sʊwa kɛlɔ lɛɨ, nǝn na a Kiristii. Gwam jʊ nɨ nǝ maa sǝ nǝ sʊ jem kwaan, jǝ́ nǝbɔ nǝ swɨ lɛɨ.

Afisa 4:12

A maa nyɔ sǝ a fɛka nǝb bwangtǝm Kwaamaɨ a maatǝm maajɨ gǝn, sǝ bʊtɔ Kiristii a sʊtǝn dʊʊltǝmɔ.

Afisa 4:16

N daa gǝ woi pʌd bʊtɔgɔ a mʊrkamɨ, kanga jinʌnɔ gǝ mʊrka bʊtɔ nǝlɨ lɛɨ. Na jinʌn bʊtɔgɔ gwam maa maajɨ jinɔ lɛɨ, bʊtɔgɔ pʌd dʊʊl lɛ, nya kwaan nɛ, swɨ tangǝn jinʌnɔ lɛ.

Afisa 4:29

Ka kaa kɛl bwɨlan ya jel lɛ a nyiyo jen, na ke bɔ kɛl nyan nɨ kwam jim nǝl lɛ a jʊ nɨ bʊm jim lɛɨ, sǝ a bɛ nǝn lǝma a nǝb nɨ a nyʊwa gǝnɨ.

1 Tasalonikaɨ 4:10

N bɨlǝngǝn jǝ́ swɨ kambɔ gwam a tǝm Makidoniyaɨ. Nǝn kel jen nɛ kambɔ, jǝ́ sʊtǝn maatǝmɔ nǝn bɨlǝngǝn dangǝn.

1 Tasalonikaɨ 4:18

Gǝ na nyɔ, bɛ ya jǝ́ kʊʊka nǝl lɛ nǝn kɛl nɨɨ.

1 Timoti 1:4

Ka ja kal lɛ kwama jinɔ nǝn kwan a shinitɨn jǝbɔ kiyotǝm dun tʊgalam jinɔ nɨ a laa kwaanɨ. Kanjǝl nɨ gǝ bɛ nǝn gʊbkatǝm, mɨ gǝ bɛ lɛ nǝn dʊʊlǝn a fɛkalɨ Kwaamaɨ, wʊnɨ jǝ nyǝm lɛ a gola nǝtǝm bɨlǝngkɛlɨ.

Ibranii 10:25

Bɛ ka bǝ bǝla lɛ mʊrkatǝm dakini, bǝ bǝlá Kwaama kanga kaam nǝbɔ maa lɛɨ. Bɛ bǝ ja kǝga ya bǝ kʊʊka nǝl lɛ, kanga jǝ́ kuwo kɔkɔ nɨ a dwamaɨ.

Ibranii 3:13

Ya jǝ́ kʊʊka nǝl lɛ kwangkwang, kanga kaa kwama wo jǝ jo lɛ gɔ, “Dwiyeni,” kage bwɨlangkɛlɔ a swag kaam jenɔ ja maa bǝngɨ lɔl.

2 Bitrus 1:12

Jǝ́ kwɛl jǝ́ nyǝm kanjǝl nɨ sul, jǝ́ kwɛl jǝ́ kwam a mʊgɔ bɨlǝngkɛl nɨ jǝ́ nǝngǝnɨ, mɨsɔ dǝg ɨ lɛ n bǝla bʊʊlatǝmɔ nǝn jen a dul jin.

Yahuza 1:20

Jǝ́ fatǝm nyan mǝndɨ, bɛ jǝ́ sʊtǝn mɔtǝm dul jenɔ a nǝtǝm bɨlǝngkɛl jenɔ gǝm wʊnɨ sagsagɨɨ. Ya jǝ́ maa keli lɛ nǝn tɨkalɨ Yʊwa Kwaamaɨ.