1 Tasalonikaɨ 5:10 - Dadiya NT

¹⁰ wʊnɨ a bʊla a kɛl dul bǝnɨ, sǝ na bǝ nǝn kʊlɨ, na bǝ bʊla bʊlaɨ, kwama a bɛmɨ, bǝ yɨ dakini jǝbɔ gɔ.

1 Tasalonikaɨ 5:10 ပူးပေါင်းရင်းမြစ်များ

Matta 20:28

A na nyɔ Bʊla Nǝlɨ a bɛ bɔ sǝ ja nǝ gǝn dʊʊn, a bɛ sǝ ba jʊng, sǝ a nǝ kʊlɨ gǝnɔ sǝ a jǝg nǝbɔ a lada.”

Yohana 10:11

“Nǝmǝ mǝ nǝ tɔɔtǝm kwamɨ nyaɨ. Nǝ tɔɔtǝm kwamɨ nyagɔ, gǝ nǝ nǝ kʊlɨ gǝnɔ a dul kwamɨtɨn.

Yohana 10:15

kanga mǝ nyǝm Tɛtɛɨ, Tɛtɛ tǝgǝn a nyǝm ɨ. Mǝ nǝ kʊlɨ mǝndɨ a dul kwamɨtɨnɔ gǝm.

Yohana 10:17

Jʊ a bwɨ Tɛtɛ swɨ ɨ lɛɨ nǝn gɔ, n nǝ kʊlɨ mǝndɨɨ, sǝ n yǝla n yo tag.

Yohana 15:13

Mɨ nǝn swɨtǝm nɨ a laa a wʊnɨ, na nǝl a nǝ kʊlɨ gǝnɔ a dul fatǝlam gǝnɨ.

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

1 Korinti 15:3

Kɛl nɨ a laa jǝl dangǝn wʊnɨ mǝ sʊwa jeni, nǝn gɔ nʊ nɨ mǝ yoi, gɔ, Kiristi a bʊla a dul bwɨlangkɛl bǝn kanga mʊlalɨ kɛl Kwaamaɨ a sʊwaɨ.

2 Korinti 5:15

A bʊla a kɛl dul nǝbɨɨ pʌd, sǝ nǝb nɨ a nya kʊlɨ fɨɨ kage ja yɨ yɨm dul jin a kǝga nɨ, bɛ ja yɨ yɨm nʊ nɨ a bʊla a gun a kɛl dul jini.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

1 Tasalonikaɨ 4:13

Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Tasalonikaɨ 4:15

Nǝn nǝ jen lɔl kɛl lɛ a sʊwatǝm Tɛlalɔɨ gɔ, bǝn nɨ a bǝla nǝn kʊlɨ, ba la nǝn di bɛtǝm Tɛlalɔɨ, mɨsɔ bǝ laa nǝb nɨ lɛ a bʊlaɨ guntǝm.

1 Tasalonikaɨ 4:17

A bwangtǝnɨ, bǝn nɨ a bǝla nǝn kʊlɨ a kwama gɨɨ, jǝ do bǝn do sǝ bǝ nya ji a mʊgɔ lul, sǝ bǝ tǝgaka jǝbɔ Tɛlalɔ a dʌbʌl kwama. A kwama gɔ bǝ yɨ dakini bǝnɔ Tɛlalɔ mɨ dɨltǝm wo.

1 Tasalonikaɨ 5:6

A na nyɔ ka bǝ daa lɛ dum kanga kaamɨ gǝ maam lɛɨ. Bɛ bǝ yɨ yɨm nǝn fɛkalɨ jǝbɔ tɔɔtǝm.

1 Timoti 2:6

nʊ nɨ a nǝ dul gǝnɔ sǝ a jǝg nǝbɔ gwamɨ, wʊnɨ nǝn gɔ n nǝtǝm nyiyogɔ a nǝ a dǝngdǝng kwamagɨɨ.

2 Timoti 2:11

Kɛl nɨ n bɨlǝngǝn sʊwa lɛ gɔ, Na bǝ bʊla dakini jǝbɔ gɨɨ, bǝ yɨ yɨ bǝnɔ gɔ tag.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.