1 Tasalonikaɨ 4:9 - Dadiya NT

⁹ A kɛl dul swɨtǝm kambɨɨ, a yǝlam bɔ nyɔ nǝn mʊla jem mʊlaɨ, jʊ a bwɨɨ, jen nǝn kang jen Kwaama a mɛla jem gɔ bɛ jǝ́ swɨka.

1 Tasalonikaɨ 4:9 ပူးပေါင်းရင်းမြစ်များ

Matta 22:39

Na yogɔ a jelka na winɔ, ‘Bɛ ń swɨ fwalɨ yɨm mʊnɔ kanga mʊ swɨm dul mʊnɔ lɛɨ.’

Yohana 14:26

Nǝ tɨkalɨ nɨ n Yʊwa Kwaamaɨ, wʊnɨ Tɛtɛ twam lɛ a mʊgɔ dun mɨɨ, nǝn gɔ mɛla jem kanjǝl nɨ lɛ gwamɨ, sǝ a bʊʊla jem kɛltɨn nɨ gwam mǝ sʊwa jeni.

Maajɨ Bɛtɔ Twamagɨɨ 4:32

Nǝb bwangtǝmɔ gwam, nyiyo jinɔ win, nǝl jinɔ win. Mɨ nǝn nʊ nɨ a kʊm jin a sʊwa gɔ jʊ nɨ gǝ nǝnɨ, na a gɔ kwaagɨɨ. Jǝ sʊwa gɔ na a ji gwam.

Roma 12:10

A swɨtǝm kambɨɨ, bɛ jǝ́ swɨka dangǝn. A daa nǝtǝm dʊʊn, bɛ ń laa kɨla mɔ.

2 Korinti 9:1

A yǝlam bɔ nyɔ n yǝla n mʊla jem kɛl tɨkalɨ a dul nǝb sagsagɨɨ tag.

Filibii 3:15

Gwam bǝnɔ nɨ bǝ yǝlam nǝfitʌm a mʊgɔ bwangtǝmɨ, bɛ bǝ bʊʊla nǝn kanjǝl nɨ nyɔ. Na jǝ́ jǝla bɔ nǝn kaam kanjǝl nɨɨ, Kwaama nʊng jen nʊng jʊ nɨ dǝngdǝngɨ.

1 Tasalonikaɨ 5:1

Kǝngkɔ kambɔ, a dul kɛl kɔkɔgɔ jǝbɔ kumɔ kanjǝl nɨ bwɨm lɛɨ, a yǝlam bɔ nyɔ nǝn mʊla jem mʊlaɨ.

Ibranii 10:16

“Jʊ nɨ nǝn gɔ n swatǝm yaagɔ mǝ maa lɛ nǝbɔ jii a gul kumtɨn gɨɨ, sʊwatǝm Tɛlalɔɨ. Mǝ dǝg dǝg diil mǝndɨ a mʊgɔ nǝl jinɔ gǝm, mǝ mʊla mʊla a mʊgɔ bʊʊlalɨ jinɔ gǝm.”

Ibranii 13:1

Bɛ jǝ́ ja kǝga a swɨtǝm kambɨɨ gǝm.

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

1 Yohana 2:10

Nʊ nɨ swɨ kɨla gɔ lɛɨ, yǝm a mʊgɔ nyalǝm. Mɨsɔ yǝlam tɛl fǝtǝm naa kaa nǝlɨ lɛ.

1 Yohana 3:11

Wʊnɨ nǝn gɔ kɛlɔ jǝ́ nyʊwa nǝn tɨkǝgaɨ gɔ, bɛ bǝ swɨka.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 4:21

Wʊnɨ nǝn gɔ diilɔ bǝ nya a daa gǝ woi gɔ, nʊ nɨ swɨ Kwaama lɛɨ, bɛ ga swɨ kɨla gɔ tag.