1 Tasalonikaɨ 4:6 - Dadiya NT

⁶ A mʊgɔ jʊ nɨ ka nǝl ya maa lɛ kɨla gɔ gǝm bwɨlangkɛl, a ja mɨbam gǝnɔ. Jʊ a bwɨɨ Tɛlalɔ biyo gǝm biyo borang a dul kanjǝl nɨɨ, kanga nǝn sʊwa jen a tǝltǝmɨ, nǝn gʊ jem lɔlɨ.

1 Tasalonikaɨ 4:6 ပူးပေါင်းရင်းမြစ်များ

Markus 10:19

Ń nyǝm jʊ diiltɨnɔ a sʊwaɨ gɔ, ‘Bɛ ka ń jʌ lɛ nǝl. Bɛ ka ń maa lɛ bulon. Bɛ ka ń kuu lɛ kuul. Bɛ ka ń maa lɛ gabakɛl. Bɛ ka ń ja lɛ mɨbam nǝlɨ. Nǝ tɛtɛ mɔ jǝbɔ nɛnɛ mɔ dʊʊn.’ ”

Luka 12:5

Mǝ sʊwa jen sʊwa nʊ nɨ jǝ́ nyʊwa taal gǝnɔ lɛɨ. Jǝ́ nyʊwa taal nʊ nɨ na a jʌ bʊtɔgɨɨ, nǝn kwaan a mal dʊʊmɨgɔ a mʊgɔ lɔ kǝlaɨ. Bɨlǝngkɛl mǝ sʊwa jen nɛɨ, nǝn gɔ nʊ jǝ́ nyʊwa taal gǝnɔ lɛɨ.

Luka 16:28

Mǝ nǝngǝn nǝn kɛtǝlam batǝnɔ nʊ sǝ a gʊ jim lɔl a kɛl bwangtǝn Kwaamaɨ, kage ba ja dɔ daa gaalan nɨ.’

Roma 1:18

Kwaama a nʊng nabwɨl gǝnɔ a dʌbʌl a dul nǝb nɨ a kɔ bwangtǝm gǝnɨ jǝbɔ nǝb maatǝm bwɨlangkɛlɔ. Nǝb nɨ n nǝbɔ jǝ bǝm bɨlǝngkɛl lɛ a gola bwɨlangkɛl jinɔ gǝmɨ.

Roma 12:19

Jǝ́ nǝb nɨ mǝ swɨ lɛɨ, ka jǝ́ ywa lɛ bwɨlangkɛl nǝn bwɨlangkɛl. Bɛ jǝ́ bǝla Kwaama a ywa jem nǝn nabwɨl gǝnɔ. A mʊla mʊlaɨ gɔ, “Ywatǝm naanɔ na a mɨ, nǝmǝ mǝ yǝla lɛ n ywaɨ, n jʊ Tɛlalɔ a sʊwaɨ.”

Roma 13:4

N bwɛ jwaalɛ Kwaamaɨ maa mʊn jǝ nyan nɛɨ. Na mʊ nǝ maajɨ shili, bɛ ń nyʊwa taal. Ke bɔ nǝn kwan a ta gulʌni. Gɔ, n bwɛ jwaalɛ Kwaamaɨ, gǝ ywa nǝ bwɨla nǝn nabwɨl.

2 Korinti 7:11

Bɛ jǝ́ dʌng kaltǝm nǝl nɨ Kwaama a dǝg a mʊgɔ nǝl jeni, a maa jemi. Jǝ́ swɨ lɛ jǝ́ maa jʊ nɨ dǝngdǝngɨ. Jǝ́ swɨ lɛ jǝ́ nʊng jǝ́ maa bɔ bwɨlangkɛl. Jǝ́ nyʊwa nabwɨl a bwɨlangkɛlɔ ga maaɨ. Jǝ́ ta kang a nyiyo a jʊ ga maaɨ. Jǝ́ swɨ lɛ jǝ́ kuwo nǝn. Jǝ́ swɨ lɛ jǝ́ maa jʊ mǝ sʊwa jeni. Jǝ́ mwɛ nǝb bwɨlangkɛlɔ dangǝn. A golantɨn nɨ, jǝ́ nʊng mɨ jen nǝn bwɨlangkɛl.

Galatiya 5:21

jǝbɔ nungon bwɨlan, jǝbɔ nɔɔtǝm bʊgɛ ya maa ń nɛ, jǝbɔ mʊrkatǝm dul nɨ bɛ lɛ nǝn kanjǝl nɔɔlatǝm nɨ ke bɔ a nyaɨ, jǝbɔ tangǝn kanjǝl nɨ nyɨɨ. Mǝ fɛ mǝ gʊ lɔl jenɔ lɛ kanga mǝ kwɛl mǝ sʊwa jen sʊwaɨ galɨgǝnɨ, mǝʊ nǝb nɨ maa jʊtǝb nɨ lɛɨ mɨsɔ jǝ nya kʊlɨ lɛ a fɔlɔn lɔ Kwaamaɨ.

Afisa 4:17

Mǝ sʊwa jen nɛ, mǝ sʊtǝn sʊwatǝm jenɔ lɛ a mʊgɔ dun Tɛlalɔɨ, ka jǝ́ yɨ lɛ na Bʌtʌbɔ tag, nǝb sʊwalatǝm katɨ nǝn kwan a bʊʊlalɨ jinɔ gǝm.

Afisa 4:28

Nʊ nɨ kuu kuul lɛɨ, ka ga ja lɛ kǝga nǝn kuulɔ. Na bʊm bʊm ga yǝla ga maa maajɨ nyan nǝn kang gǝn, sǝ ga nya jʊ nɨ gǝ nǝ nǝb bʊnǝnɔ lɛɨ.

Afisa 5:6

Bɛ ka kaa nǝl ya swag jen nɛ nǝn kɛl nǝn kwan. N kɛl dul bwɨlangkɛltɨn nɨɨ nabwɨl Kwaamaɨ gǝ gǝla lɛ a dul nǝb kwamǝn duli.

1 Tasalonikaɨ 2:11

Jǝ́ nyǝm nǝn bwangtǝn nɛ nǝn jen kanga tɛ bwɛ gǝ bwangtǝn nɛ nǝn bɛtɔ lɔ gɨɨ.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

Ibranii 2:6

Kaa, a mʊlalɨ langǝn bwangǝn Kwaamaɨ a sʊwa gɔ, “Nǝfili mʊ bʊʊla lɛ nǝn gɨɨ, n wɛ? Bʊla nǝlɨ mʊ dʌng gǝn, a wɛ tǝgǝn?

Yakubu 2:6

A jenɔ jǝ́ soga nǝb bʊnǝnɔ. Ke bɔ nǝb shilogɔ nǝ jen gaalan nɛɨ ka? Ke bɔ ji jǝ gʊ jen nɛ jǝ yɔ nǝn jen a kan borangɨ ka?

Yakubu 5:4

Wi naan nǝb maajɨ nɨ a maa maajɨ a twam jen jǝ́ kɔ ywatǝm jini, a yɔ a daa Kwaama woi. Wi nǝb nɨ kʌso jem twam jenɔ lɛɨ, a la a daa Kwaama woi, Tɛlalɔ Nǝ Kwaan.