1 Tasalonikaɨ 4:4 - Dadiya NT

⁴ Bɛ gwam jenɔ jǝ́ mɛla kanga jǝ́ tam dul jenɔ lɛ sagsag jǝbɔ nǝtǝm dʊʊnɨ,

1 Tasalonikaɨ 4:4 ပူးပေါင်းရင်းမြစ်များ

Maajɨ Bɛtɔ Twamagɨɨ 9:15

Nǝngɔ Tɛlalɔ a sʊwa gǝn gɔ, “Mɔ, yɔ! N nʊ nɨ mǝ jǝgǝm jǝgǝmɨ sǝ a maa maajɨ mǝndɨ, sǝ a sʊwa fulon dun mǝndɨ a daagɔ Bʌtʌbɔ woi, jǝbɔ fɔlɔlɔm jini, jǝbɔ nǝbɔ Israilaɨ.

Roma 1:24

Gǝ na nyɔ Kwaama a bǝla ji nǝn nǝl bwɨlangkɛl jinɔ na bulon, sǝ ja maa jǝ gunidul nǝn bʊtɔ jinɔ, a kʊm jin.

Roma 12:1

A dul kɛl nɨ kambɔ, mǝ kela jen nɛ a dul bʊnatǝm Kwaamaɨ, jǝ́ nǝ bʊtɔ jenɔ jǝ twɨtǝm yulʌn wʊnɨ nǝn kʊlɨɨ, wʊnɨ sagsagɨ, wʊnɨ fulo Kwaama gǝm nǝl lɛɨ. Wʊnɨ nǝn gɔ bǝlátǝmɔ nyangǝnɨ.

Roma 6:19

Mǝ sʊwa jen kɛl nǝfitʌmi, jʊ a bwɨɨ jǝ́ gɨya a bʊʊlalɨ jenɔ gǝm. Kanga galɨgǝn jǝ́ nǝ jinʌn bʊtɔ jenɔ a maatǝm jwaalɛn a maajɨ bwɨlanɨ, wʊnɨ sʊtǝn shil lɛɨ, kǝngkɔ bɛ jǝ́ nǝ jinʌn bʊtɔ jenɔ a bwangtǝm maajɨ dǝngdǝng, wʊnɨ yɔ lɛ nǝn jen jǝ́ yǝlam sagsagɨ.

1 Korinti 6:15

Jǝ́ nyǝm bɔ bʊtɔ jenɔ n jinʌn Kiristii ka? Mǝ do do jinʌn Kiristii n dǝg a yǝlam jinʌn nɔɔlɨ kalalɨ ka? Mɨ nyɔ!

1 Korinti 7:2

A kaa gola a dul taal bulon, bɛ balɨ a daa nǝn nwala gɔ. Bɛ nɔɔlɨ tǝgǝn a daa nǝn bwɨla gɔ.

1 Korinti 7:9

Na mɨsɔ jǝ dwal lɛ ja ta dul jini, bɛ ja maa naakan. A laa jǝl ja maa naakan kage wɛl bulonɔ a dɔ nǝlɔ.

2 Korinti 4:7

Shilo nɨ nǝn nǝnɨ, gǝ na a mʊgɔ suubʌl boli, sǝ ja nʊng gʌleng kwaan nɨ na a Kwaamaɨ, ke bɔ a nǝn.

Filibii 4:8

A dɨltǝmɔ gǝmɨ kambɔ, jǝ́ maa bʊʊlalɨ a jʊ nɨ n bɨlǝngkɛlɨ, jǝbɔ jʊ nɨ na nǝtǝm dʊʊnɨ, jǝbɔ jʊ nɨ dǝngdǝngɨ, jǝbɔ jʊ nɨ sagsagɨ, jǝbɔ jʊ nɨ na swɨtǝmɨ, jǝbɔ jʊ nɨ a daa tʌgoi, jǝbɔ jʊ nɨ a la nǝtǝm dʊʊn jǝbɔ bǝlátǝmɨ. Jǝ́ maa bʊʊlalɨ a dul kanjǝl nɨ gǝm gwam.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

1 Bitrus 3:7

Jǝ́ batǝmɔ tʌjen, jǝ́ yɨ yɨm nyan jǝbɔ nɔɔtǝlam jenɔ, jǝ́ nǝ ji dʊʊn, jʊ a bwɨɨ, jǝ fatǝm nɨ mɨ nǝn kwaanɨ. Jen jǝbɔ nɔɔtǝlam jenɔ jǝ́ yo lǝma Kwaamaɨ nɨ n kʊlɨɨ, jǝ́ maa nyɔ ka kaa jǝl a kal keli jenɔ.