1 Tasalonikaɨ 4:3 - Dadiya NT

³ Wʊnɨ nǝn gɔ n jǝlatǝm Kwaamaɨ gɔ, bɛ jǝ́ yɨ yɨm sagsag, jǝ́ kɨla yɨm bulonɔ.

1 Tasalonikaɨ 4:3 ပူးပေါင်းရင်းမြစ်များ

Matta 12:50

Na nʊ nɨ a maa jʊ nɨ Tɛtɛ mɨ nɨ a dʌbʌli swɨ lɛɨ, n nʊ nǝn kɨla mɨ balɨ jǝbɔ kɨla mɨ nɔɔlɨ jǝbɔ nɛnɛ mɨɨ.”

Matta 15:19

Bʊʊlalɨ bwɨlagɔ gǝ jel a mʊgɔ nǝl, jǝbɔ jʌtǝm dul, jǝbɔ bulon, jǝbɔ bwɨlan, jǝbɔ kuul, jǝbɔ nǝtǝm nyiyo gabakɛl jǝbɔ kaltǝm dun nǝbɨɨ.

Matta 5:32

Kǝngkǝnɨ mǝ sʊwa jen nɛ, na nʊ nɨ a dem kang a nwala gɔ gǝmɨ, na ke bɔ bulon a maaɨ, a dǝg gǝn a maatǝm bulon. Na balɨ nɨ a naa nɔɔlɨ nɨ a jʌ naakanɨ, gǝ maa bulon.

Matta 7:21

“Ke bɔ nǝb nɨ gwam jo i lɛ gɔ, ‘Tɛlalɔ, Tɛlalɔɨ,’ nya dɔtǝm fɔlɔn lɔ Kwaamaɨ lɛɨ, n nǝb nɨ maa kanjǝl nɨ lɛ Tɛtɛ mɨ nɨ a kwamaɨ swɨ lɛɨ.

Markus 3:35

Nʊ nɨ a maa jʊ Kwaama swɨ lɛɨ, nǝn gɔ nǝn kɨla mɨ balɨɨ, jǝbɔ kɨla mɨ nɔɔlɨɨ, jǝbɔ nɛnɛ mɨɨ.”

Yohana 4:34

Yesu gɔ, “Jǝjalǝn mǝndɨ nǝn gɔ sǝ n maa jʊ nɨ nʊ nɨ a twam ɨɨ swɨ lɛ gɔ n maaɨ, sǝ n tagǝm maatǝm maajɨ gǝnɔ.

Yohana 7:17

Nʊ nɨ a jǝgǝm jʊ nɨ Kwaama swɨ lɛɨ, nyǝm nyǝm gɔ mɛlalɨ mǝndɨ a jel a daagɔ Kwaama woi, ke bɔ a daagɔ mǝ woi.

Maajɨ Bɛtɔ Twamagɨɨ 15:20

Bɛ bǝ mʊla jim langǝn bwangǝn bǝ sʊwa ji ka ja ja lɛ jǝjalǝn nɨ ja tǝlam shomɔ gǝm twamaɨ, ka ja maa lɛ bulon, bɛ ka ja ja lɛ nam nɨ ja mʌlʌm mʌlʌmi kwɨlɨ, ka ja nɔɔ lɛ tʊʊm.

Maajɨ Bɛtɔ Twamagɨɨ 15:29

Kanjǝl nɨ nǝn gɔ: Bɛ ka jǝ́ ja lɛ kanjǝl nɨ ja tǝlatǝm shomɔ gǝm twamaɨ, ka jǝ́ nɔɔ lɛ tʊʊm, ka jǝ́ ja nam nɨ ja mʌlʌm mʌlʌmi kwɨlɨ, ka jǝ́ maa lɛ bulon. Na jǝ́ kɨla dul jenɔ a jʊtǝb nɨ gǝmɨ, jǝ́ maa jʊ nɨ a bʊmɨ. Jǝ́ yɨ kwamɨgǝn.

Maajɨ Bɛtɔ Twamagɨɨ 20:32

“Kǝngkɔ n ya jen a kang Kwaamaɨ jǝbɔ kɛl lǝma gǝnɔ, wʊnɨ nǝn gɔ dwal lɛ a gung jeni, sǝ a nǝ jen kʊla jǝbɔ nǝb sagsagɔ gwam.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Roma 1:29

Nǝl jinɔ a yii nǝn kanjǝl shil gwam, jǝbɔ maajɨ bwɨlan, jǝbɔ wɛl, jǝbɔ katǝm naa. Nǝl jinɔ a yii nǝn nungon, jǝbɔ jʌtǝm dul, jǝbɔ gʊbkatǝm, jǝbɔ swagkatǝm, jǝbɔ maatǝm kii. Kaamɨ n nǝb yʊʊlakatǝm,

Roma 12:2

Ka jǝ́ bwangtǝn nɛ kanjǝl joltɨn nɨ. Bɛ jǝ́ bǝla nǝl jenɔ a fʌto a gola fɨ a bʊʊlalɨ jenɔ gǝm. Sǝ jǝ́ jǝla nǝn jʊ Kwaama swɨ lɛɨ, jʊ a bʊm bʊmɨ, jǝbɔ jʊ nɨ dǝngdǝngɨ, n jʊ fulo gǝm nǝl lɛɨ.

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 7:2

A kaa gola a dul taal bulon, bɛ balɨ a daa nǝn nwala gɔ. Bɛ nɔɔlɨ tǝgǝn a daa nǝn bwɨla gɔ.

2 Korinti 12:21

Mǝ nyʊwa taal lɛ mǝʊ kage na n yǝla n yɔɨ, Kwaama mǝndɨ shig shig dul mǝndɨ a kǝga jen. N maa fitǝm nǝl a dul kaamɨ a lada, wʊnɨ kwama gɔ ja maa bwɨlangkɛl galɨgǝnɨ, ja yǝla bɔ ja bǝla maatǝm bulonɔ, jǝbɔ kanjǝl bwɨlan jinɔ nɨ ja maaɨ.

Galatiya 5:19

Bʊʊlalɨ bʊtɔgɔ gǝ na a talɨ. Bʊʊlalɨ bʊtɔgɔ nǝn gɔ, maatǝm bulon, jǝbɔ yɨm nɨ mɨ sagsagɨ, jǝbɔ maatǝm jʊtǝb nɨ a bʊm bɔ kuwotǝmɨ,

Afisa 5:17

Bɛ ka jǝ́ yǝlam lɛ nǝb swɛlatǝm. Bɛ jǝ́ nyǝm jʊ Tɛlalɔ swɨ lɛɨ.

Afisa 6:6

Jǝ́ bwang jim na jǝ woi, na mɨ jǝ woi. Jǝ́ maa nyɔ ke bɔ sǝ ja wana jen kwaagɔ. Na jwaalɛb Kiristii, jǝ́ bwangtǝn jʊ Kwaama swɨ lɛ jǝ́ maaɨ nǝn nǝl jenɔ gwam.

Kolosii 1:9

N jʊ a bwɨ nǝn di nɨ nǝn nyʊwa fuloni, nǝn bǝla jem bɔ maatǝm keligɔ, nǝn kela Kwaama lɛ sǝ a nǝ jen nyǝmtǝm jʊ nɨ swɨ lɛ jǝ́ maaɨ jǝbɔ yʊlan a dul kanjǝl Yʊwa.

Kolosii 3:5

Gǝ na nyɔ bɛ jǝ́ jǝgǝm nǝl jenɔ a wɛl yooligɔ gǝm, bulon, jǝbɔ maajɨ kalalɨ, jǝbɔ wɛl bwɨla, jǝbɔ bwɨlang nǝlǝn, jǝbɔ konatǝm nu wʊnɨ tǝgǝn n bwangtǝm shomi.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

1 Tasalonikaɨ 4:2

Jǝ́ nyǝm diil nɨ nǝn nǝ jen nǝn fɔlɔn Tɛlalɔ Yesui.

1 Tasalonikaɨ 4:4

Bɛ gwam jenɔ jǝ́ mɛla kanga jǝ́ tam dul jenɔ lɛ sagsag jǝbɔ nǝtǝm dʊʊnɨ,

1 Tasalonikaɨ 5:18

A daa nɨ jǝ́ nya dul jenɔ woi, ya jǝ́ buu Kwaama gǝm kang lɛ, jʊ a bwɨɨ n jǝlatǝm Kwaamaɨ a bwɨ nyɔ a dul jen a mʊgɔ Kiristi Yesui.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Ibranii 12:16

Ka kaa nǝl ya yǝlam lɛ nǝ bulon jǝbɔ nǝ kɔtǝm Kwaamaɨ na Isuwa, wʊnɨ n kɛl jatǝm jǝjalǝn naagɔ win a miyo dʊʊn bʌtʌm gǝnɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Ibranii 13:4

Bɛ naakanɔ a nya nǝtǝm dʊʊn, fiyodaalɨ naakanɔ a na sagsag. Nǝb bwɨlanɔ jǝbɔ nǝb bulonɔ Kwaama maa jim maa borang.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 4:2

A kǝga nɨ, gǝ tagǝm tagǝm yɨm gǝnɔ na bʊtɔ, mɨsɔ gǝ bwangtǝn wɛl nǝl gǝnɔ lɛ, ga bwangtǝn jʊ nɨ Kwaama swɨ lɛɨ.

1 Yohana 2:17

Yooligɔ shu shu jǝbɔ kanjǝl wɛl gǝnɔ. Nʊ nɨ a maa jʊ nɨ Kwaama swɨ lɛɨ, nya nya kʊlɨ nɨ mɨ dɨtǝm woi.

Dʊgam Nyangnyang 21:8

Nǝb taalɔ, jǝbɔ nǝb nɨ kǝl swatǝm yaa lɛɨ, jǝbɔ nǝb nɨ mɨ maa maajɨ bʊmɨ lɛɨ, jǝbɔ nǝb jʌtǝm dul, jǝbɔ nǝb swɨtǝm maatǝm bulon, jǝbɔ feyilʌmɔ, jǝbɔ nǝb bwangtǝm shom, jǝbɔ nǝb gabatǝm kɛl gwam, jʊ jǝ nya lɛɨ n gʌto nɨ ja kǝla lɛɨ, a fo a shii, wʊnɨ nǝn gɔ bwaa na yogɨɨ.”

Dʊgam Nyangnyang 22:15

Nǝbɔ a gul tuulɔ nɨɨ, n nǝb bwɨlan, jǝbɔ nǝb nɨ maa maajɨ feyi lɛɨ, jǝbɔ nǝb maajɨ bulon, jǝbɔ nǝb jʌtǝm dul, jǝbɔ nǝb bwangtǝm shom, jǝbɔ nǝbɔ swɨ maatǝm gabakɛl lɛ a mʊgɔ kɛltɨn jinɔ gǝm gwamɨ, jǝbɔ maajɨtɨn jinɔ.