1 Tasalonikaɨ 4:13 - Dadiya NT

¹³ Kambɔ, nǝn swɨ bɔ jǝ́ yǝlam nǝb nɨ mɨ nǝn nyǝmtǝm a dul nǝb nɨ a bʊlalaɨ. Nǝn swɨ bɔ jǝ́ maa fitǝm nǝl kanga nǝb nɨ mɨ nǝn yatǝm nǝlɨ gǝ maa lɛɨ.

1 Tasalonikaɨ 4:13 ပူးပေါင်းရင်းမြစ်များ

Matta 27:52

Tuutɨnɔ a wumola, bʊtɔ nǝb nɨ sagsag a lada nyɔ a daa dumi, ja gun.

Yohana 11:24

Marta a sʊwa gǝn gɔ, “N nyǝm yǝla yǝla nǝn kʊlɨ a guntǝm nǝn kʊlɨ a kɔkɔ dɨltǝm tǝmɔ gǝm.”

Maajɨ Bɛtɔ Twamagɨɨ 13:36

“Nǝn kwama Dauda a dɨm maajɨgɔ Kwaama a nǝ gǝn a jol gǝnɨ, nǝngɔ a bʊlaɨ. Ja fʌl gǝn jǝbɔ tʊgalam gǝnɔ. A bʊta.

Maajɨ Bɛtɔ Twamagɨɨ 7:60

Nǝngɔ a gǝla a jʊng a gung diil gǝnɔ nǝn kwaan gɔ, “Tɛlalɔ, bɛ ka ń ta lɛ bwɨlangkɛl nɨ a dul jin.” Sʊwatǝmɔ nyɨɨ, nǝngɔ a bʊlaɨ.

Maajɨ Bɛtɔ Twamagɨɨ 8:2

Kaam nǝb bwangtǝm Kwaamaɨ ba fʌl Istifanus. Ja ji wi bwaa gǝnɔ dangǝn.

Roma 1:13

Kɛtǝlam mɨ, mǝ swɨ lɛ jǝ́ nyǝm kwangkwang mǝ maa fɛkalɨ yɔm lɛ a daa jen woi, ja nɨ ɨ bɔ gola dɨn. Mǝ swɨ lɛ n yɔ, sǝ n nya kaam nǝb bwangtǝm a daa jen woi, kanga mǝ nya a daagɔ kaam Bʌtʌbɔ woi.

1 Korinti 10:1

Mǝ swɨ lɛ jǝ́ nyǝm, kambɔ, tʊgalam bǝnɔ gwam ja bwangtǝn lul. Gwam jinɔ ja yab a mʊgɔ wɨma.

1 Korinti 12:1

A kǝngkɔ kambɔ, a kɛl nǝtǝm lǝma Yʊwa Kwaamaɨ, mǝ swɨ bɔ jǝ́ lɛ nyǝmtǝm.

1 Korinti 15:6

Nǝngɔ la a nʊng kambɔ nɨ ja shu fʊlkʊb nʊɨ dul gǝnɔ naagɔ wini. Kɔrɔ jinɔ wo ba la nǝn kǝngkɨɨ, kaamɨ a daa dum.

2 Korinti 1:8

Kambɔ, nǝn swɨ lɛ jǝ́ nyǝm gaalanɔ nǝn nɔɔ a tǝm Asiyaɨ, nǝn nyʊwa nǝn bʊtɔ dangǝn. Jʊ nɨ a laa kwaan nǝnɔ. Nǝn do maamɔ mɨsɔ nǝn jel lɛ nǝn kʊlɨ.

Afisa 2:12

Bɛ jǝ́ bʊʊla galɨgǝn jǝ́ nyǝm bɔ Kiristi. Jǝ́ Bʌtʌb a daagɔ nǝbɔ Israilaɨ. Jǝ́ faabǝm a swatǝm yaa nɨ Kwaama a maa jimi. Jǝ́ yǝm a yooli nɨ mɨ jen nǝn yatǝm nǝl. Mɨ jen nǝn Kwaama.

Afisa 2:3

Pʌd bǝnɔ galɨgǝn bǝ yɨ a kʊm jin. Bǝ bwangtǝn wɛl kanjǝl bʊtɔ. Bǝ bwangtǝn kanjǝl nɨ bʊtɔgɔ jǝbɔ nǝlɔ swɨ lɛɨ. Bɨlǝngǝn a yɨm bʊtɔ nabwɨl Kwaamaɨ gǝla gǝla a dul bǝn na a tangǝn nǝfitʌmi.

1 Tasalonikaɨ 4:14

Kanga bǝ nǝ bɨlǝngkɛl bǝngɔ Yesu a bʊla, a guni, bǝ nǝ bɨlǝngkɛl bǝngɔ nǝbɔ a bʊla a bwangtǝm Yesui, Kwaama yǝla yǝla nǝn ji jǝbɔ gɔ.

1 Tasalonikaɨ 4:15

Nǝn nǝ jen lɔl kɛl lɛ a sʊwatǝm Tɛlalɔɨ gɔ, bǝn nɨ a bǝla nǝn kʊlɨ, ba la nǝn di bɛtǝm Tɛlalɔɨ, mɨsɔ bǝ laa nǝb nɨ lɛ a bʊlaɨ guntǝm.

1 Tasalonikaɨ 5:10

wʊnɨ a bʊla a kɛl dul bǝnɨ, sǝ na bǝ nǝn kʊlɨ, na bǝ bʊla bʊlaɨ, kwama a bɛmɨ, bǝ yɨ dakini jǝbɔ gɔ.

1 Tasalonikaɨ 5:6

A na nyɔ ka bǝ daa lɛ dum kanga kaamɨ gǝ maam lɛɨ. Bɛ bǝ yɨ yɨm nǝn fɛkalɨ jǝbɔ tɔɔtǝm.

2 Bitrus 3:4

Jǝ sʊwa sʊwa gɔ, “N wɛ a bwɨ nǝn swatǝm yaa bɛtǝm gǝnɨ? Nǝn kwama tʊgam tʊgalam bǝnɔ a bʊlalaɨ a ba la nǝn dwiyeni, mɨ nǝn jʊ nɨ a fʌtoi. Nǝn kwama ja fwalǝm yooligɔ ba a la nǝn a dwiyeni, kanjǝlɔ yɔ lɛ dǝngdǝng.”

2 Bitrus 3:8

Kɛtǝlam mɨ nɨ mǝ swɨ lɛɨ, ka jǝ́ twab lɛ kɛl nɨ win swar gɔ, a daa Tɛlalɔ woi kumɔ win swar a maa na jolɔ fʊlkʊblǝn, jolɔ fʊlkʊblǝn a maa na kumɔ win swar.