1 Tasalonikaɨ 3:13 - Dadiya NT

¹³ Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

1 Tasalonikaɨ 3:13 ပူးပေါင်းရင်းမြစ်များ

Matta 25:31

“Nǝn kwama Bʊla Nǝlɨ bɛm lɛ a mʊgɔ dʊʊn gǝnɔ gǝm jǝbɔ bɛtɔ twama Kwaamaɨ gwamɨ, yɨ yɨ a kotere dʊʊlǝn fɔlɔn gǝnɔ gǝm.

Markus 8:38

Nʊ nɨ nyʊwa gunidul mǝndɨ lɛɨ, a nyʊwa gunidul sʊwatǝm kɛl mǝndɨ a kal bwɨlan nɨɨ, Bʊla Nǝlɨ nyʊwa nyʊwa gunidul gǝnɔ a di bɛm lɛ a mʊgɔ dʊʊlǝn Tɛtɛ gɨɨ jǝbɔ bɛtɔ twama Kwaamaɨ sagsagɨ.”

Luka 1:6

Gwam jinɔ nɨ yoi jǝ nǝb dǝngdǝng a kǝga Kwaamaɨ, jǝ kɨla diiltɨn Tɛlalɔɨ lɛ kanga ja mʊla a langǝn bwangǝn Kwaamaɨ. Mɨ ji nǝn jǝ tuwol.

Roma 14:4

Nǝmɔ mʊ wo mʊ ya bwɨlan nɛ a dul kaa bwɛ jwaalɛ nǝlɨ? Na tɨ tɨɨ, na yal yalɨ, n mwɛ tɛlalɔ gǝnɨ. Jǝ tɨ tɨ nǝn gɔ, jʊ a bwɨɨ Tɛlalɔ nǝn kwaan nɨ tɨ lɛ nǝn gɨɨ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

1 Korinti 15:23

Gwam bǝnɔ Kwaama gung bǝn gung win win. Kiristi nǝn gɔ tɨkǝga guntǝmɨ, na a yǝla a bɛɨ, nǝbam gǝnɔ gwam gun gun.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

1 Tasalonikaɨ 2:19

N wɛ nyɨɨ n jǝ yatǝm nǝl nǝnɨ, jǝbɔ jǝ fulotǝm nǝl nǝnɨ, jǝbɔ dwang dul lɨyal nǝnɔ a kǝga Tɛlalɔ bǝn Yesui a di yǝlatǝm gǝnɨ? N ke bɔ jen ka?

1 Tasalonikaɨ 3:11

Bɛ Kwaama bǝnɔ, Tɛtɛ bǝn nǝn kang gǝn, jǝbɔ Tɛlalɔ bǝn Yesu, a fɛka nǝm gola sǝ nǝn yɔ a daa jen woi.

1 Tasalonikaɨ 3:2

Nǝn twam Timoti, wʊnɨ nǝn kɨla nǝnɨ, n fwalɨ maajɨ nǝn a dul maajɨ Kwaamaɨ a kiyotǝm fulon kɛl lǝmɨ Kiristii, sǝ a sʊ jem kwaan, a kʊʊ jem nǝl a nǝtǝm bɨlǝngkɛl jenɔ gǝm.

1 Tasalonikaɨ 4:15

Nǝn nǝ jen lɔl kɛl lɛ a sʊwatǝm Tɛlalɔɨ gɔ, bǝn nɨ a bǝla nǝn kʊlɨ, ba la nǝn di bɛtǝm Tɛlalɔɨ, mɨsɔ bǝ laa nǝb nɨ lɛ a bʊlaɨ guntǝm.

1 Tasalonikaɨ 4:17

A bwangtǝnɨ, bǝn nɨ a bǝla nǝn kʊlɨ a kwama gɨɨ, jǝ do bǝn do sǝ bǝ nya ji a mʊgɔ lul, sǝ bǝ tǝgaka jǝbɔ Tɛlalɔ a dʌbʌl kwama. A kwama gɔ bǝ yɨ dakini bǝnɔ Tɛlalɔ mɨ dɨltǝm wo.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 1:10

Nǝn di nɨ bɛm lɛɨ, nǝb sagsag gǝnɔ jǝ dʊʊl gǝn dʊʊl. Gwam nǝb nǝtǝm bɨlǝngkɛlɔ jǝ ta ta kang a nyiyo a kɔkɔ gɔ, jʊ a bwɨɨ, jǝ́ nǝ bɨlǝngkɛl nǝn nǝtǝm nyiyogɔ nǝn maa jemi.

2 Tasalonikaɨ 1:7

Kwaama nǝ jen nǝ fǝbtǝm jǝbɔ nǝn, jen nɨ jǝ nyʊwa jem lɛɨ. Jʊ nɨ bwɨ nǝn di nɨ Tɛlalɔ Yesu ba nʊng dul gǝnɔ lɛ a dʌbʌl kwamaɨ, dakini jǝbɔ kwaan daltɔ bɛtɔ twama Kwaamaɨ, a mʊgɔ ben kǝla.

2 Tasalonikaɨ 2:1

Kambɔ, a kɛl yǝlatǝm Tɛlalɔ bǝn Yesu Kiristii, jǝbɔ mʊrkatǝm bǝnɔ sǝ bǝ tǝgaka bǝnɔ gɨɨ, nǝn kela jen nɛ,

Yakubu 5:8

Jen tʌjen bɛ jǝ́ yɨ nǝn bwatǝm nǝl, jǝ́ kʊʊ nǝl, jʊ a bwɨɨ bɛtǝm Tɛlalɔɨ a dwama.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

Yahuza 1:14

Anuhu nǝn gɔ kal na nʌbʌlɔ a gul Adamui, a maa kuwotǝmkǝga a dul nǝb nɨɨ gɔ, “N wɔ, Tɛlalɔ bɛ lɛ jǝbɔ fʊlkʊblǝn a dul fʊlkʊblǝn a bɛtɔ twama Kwaamaɨ sagsagɨ,

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.