1 Tasalonikaɨ 3:11 - Dadiya NT

¹¹ Bɛ Kwaama bǝnɔ, Tɛtɛ bǝn nǝn kang gǝn, jǝbɔ Tɛlalɔ bǝn Yesu, a fɛka nǝm gola sǝ nǝn yɔ a daa jen woi.

1 Tasalonikaɨ 3:11 ပူးပေါင်းရင်းမြစ်များ

Matta 6:14

“Na jǝ́ kǝlǝm nǝb nɨ gǝm a maa jem bwɨlangkɛlɨ, Tɨya jen nɨ a kwamaɨ kǝlǝm jem kǝlǝm.

Matta 6:18

kage nǝbɔ a nyǝm gɔ mɔ do diil mwɛ lɛ. Nǝn Tɨya mɔ nɨ kwaagɔ mʊ kel lɛɨ, kuwo lɛɨ. Tɨya mɔ nɨ kwaagɔ wʊnɨ mɨ jǝ kuwo lɛɨ, wʊnɨ kuwo kanjǝl nɨ lɛ mɔ maa lɛ shig shigi, nǝ ń lǝmagɔ lɛɨ.

Matta 6:26

Jǝ́ dʌng lǝbɨtɨnɔ. Mɨ jǝ kwal lɛ, mɨ jǝ kʌso lɛ, mɨ jǝ tal lɛ a bʌnitɨn. Tɨya jen nɨ a kwamaɨ nǝ ji jǝjalǝnɔ lɛ. Jǝ́ laa ji bʊmǝn, mɨ nyɔ ka?

Matta 6:32

Nǝb nɨ a nyǝm bɔ Kwaamaɨ, saa kanjǝl nɨ lɛ gwam. Tɨya jen nɨ a kwamaɨ a nyǝm komʌn jenɔ.

Matta 6:4

Maa nyɔ, sǝ nǝtǝm mʊnɔ a yǝlam shig shig. Tɨya jen nɨ a kuwo jʊ mʊ maa shig shigi, nǝn gɔ nǝ ń lǝma gǝnɔ lɛɨ.

Matta 6:6

A kwama nɨ jǝ́ maa keli lɛɨ, bɛ jǝ́ dɔ mʊgɔ kan, jǝ́ nʊng nyanga kanɔ, sǝ jǝ́ kela Tɨya jen nɨ mɨ jǝ́ kuwo lɛɨ. Wʊnɨ kuwo jʊ nɨ lɛ jǝ́ maa lɛ shig shigi, nǝ jen nǝ lǝma.

Markus 1:3

Nǝn gɔ diilɔ jo jangajǝng lɛ a mʊgɔ kuuli gɔ, ‘Jǝ́ fɛka Tɛlalɔ gǝm daagɔ yɔm lɛɨ, jǝ́ fɛ golantɨnɔ sɨn.’ ”

Luka 12:30

Nǝb nɨ a yooli nɨ a nyǝm bɔ Kwaamaɨ, jǝ saa kanjǝl gɔ. Tɨya jen nɨ a kwamaɨ a nyǝm komʌn jenɔ.

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Yohana 20:17

Yesu a sʊwa gǝn gɔ, “Ka ń ta ɨ lɛ, jʊ a bwɨɨ mǝ gwi bɔ n yɔ a daa Tɛtɛ mɨ woi dɨn. Yɔ a daa kɛtǝlam mɨ woi ya ń sʊwa ji mɔʊ, ‘Mǝ yi a daa Tɛtɛ mɨ woi jǝbɔ Tɛtɛ jen, Kwaama mɨ jǝbɔ Kwaama jen.’ ”

Roma 1:3

Fulon kɛl lǝmɨ nɨ gǝ na a dul Bʊla gɨɨ, Tɛlalɔ bǝn Yesu Kiristi. A bʊtɔɨ, a jel a guu Daudaɨ.

2 Korinti 6:18

Mǝ yǝlam yǝlam Tɛ a daa jen woi. Jen tʌjen jǝ́ yǝlam yǝlam bɛtɔ lɔ mɨɨ, batǝm jǝbɔ nɔɔtǝm, N sʊwatǝm Tɛlalɔ Nǝ Kwaanɨ.”

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Kolosii 1:2

Nǝn mʊla nǝb sagsagɔ gǝm lɛ jǝbɔ kambɔ nɨ a ta swatǝm yaa a mʊgɔ Kiristii a Kolosii. Bɛ lǝmagɔ jǝbɔ yɨm kwamɨgǝn a yɨɨ jǝbɔ jen a daagɔ Tɛtɛ bǝn Kwaama woi.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

1 Tasalonikaɨ 4:16

Jʊ a bwɨɨ Tɛlalɔ nǝn dul gǝn gǝla gǝla a dʌbʌl kwama nǝn jotǝm jangajǝng nǝn kwaan, jǝbɔ diil dalɨ bwɛ twama Kwaamaɨ jǝbɔ guutǝm jum Kwaamaɨ. Nǝb nɨ a bʊla a mʊgɔ Kiristii, nǝji jǝ tǝl guntǝmɔ lɛɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

2 Tasalonikaɨ 2:16

Bɛ Tɛlalɔ bǝn Yesu Kiristi nǝn dul gǝn, jǝbɔ Kwaama Tɛtɛ bǝn wʊnɨ a swɨ bǝn a gola lǝma gǝnɨ, a kʊʊ bǝm nǝl nɨ mɨ dɨtǝm woi, a nǝ bǝn yatǝm nǝl nyan,

2 Tasalonikaɨ 3:16

Bɛ Tɛlalɔ nɨ bɛ lɛ nǝn yɨm kwamɨgǝnɨ a nǝ jen yɨm kwamɨgǝn kwangkwang a daa nɨ jǝ́ nya dul jenɔ woi. Bɛ Tɛlalɔ a yɨ dakini jǝbɔ jen gwam.

2 Tasalonikaɨ 3:5

Bɛ Tɛlalɔ a yɔ nǝn nǝl jenɔ a swɨtǝm Kwaamaɨ, jǝbɔ kʊtǝm nǝl nɨ jel lɛ a daagɔ Kiristi woi.

1 Yohana 3:1

Jǝ́ dʌng swɨtǝm nɨ Tɛtɛ a nʊng bǝmɨ. A jo bǝn gɔ bǝ bɛtɔ lɔ Kwaamaɨ, bǝ na nyɔ kǝngkɔ. Nǝb nɨ a yooli nɨɨ a nyǝm bǝn bɔ, jʊ a bwɨɨ ja nyǝm gǝn bɔ.

Dʊgam Nyangnyang 21:3

N nyʊwa kaa diil nǝn kwaan nyɔ a daagɔ kotere fɔlɔnɔ woi, sʊwa lɛ gɔ, “Jǝ́ kuwo, daa yɨm Kwaamaɨ gǝ na jǝbɔ nǝbɔ, yɨ jǝbɔ ji. Jǝ yǝlam nǝbam gǝn, Kwaama nǝn dul gǝn yɨ yɨ jǝbɔ ji a yǝlam Kwaama ji.