1 Tasalonikaɨ 2:9 - Dadiya NT

⁹ Kambɔ, bɛ jǝ́ bʊʊla nǝn gaalanɔ nǝn nɔɔɨ, jǝbɔ gʌtǝmɔ nǝn gʌi kwama nǝn kiyom fulon kɛl lǝmɨ Kwaamaɨ lɛɨ, nǝn maa maajɨ lɛ kum jǝbɔ kɔkɔ, nǝn gɔ ka nǝn ya jem tuulo.

1 Tasalonikaɨ 2:9 ပူးပေါင်းရင်းမြစ်များ

Luka 18:7

Kwaama mɨsɔ bɛ lɛ nǝn bɨlǝngkɛl a nǝbɔ ga jǝgǝmɨ ka? A bɛ nǝn bɨlǝngkɛl a nǝbɔ kel gǝn nɛ kum jǝbɔ kɔkɔɨ ka? Mɨsɔ nyʊwa ji lɛ ka? Tɨla tɨla nǝn tɨkatǝm jinɔ ka?

Luka 2:37

A yǝlam nɔɔkʊla jolɔ fʊlnaalǝb jeli naal. Mɨ bǝla Kan Kwaamanɔ lɛ, nǝ Kwaama dʊʊn nɛ nǝn dotǝm diil mwɛ, maa keli lɛ kum jǝbɔ kɔkɔ.

Maajɨ Bɛtɔ Twamagɨɨ 18:3

Maajɨ kang jinɔ win jǝbɔ a gǝnɔ, jǝ fɛ gushi. N kɛl dul jʊ nɨ a yɨ jǝbɔ jii. Jǝ maa maajɨgɔ lɛ dakini.

Maajɨ Bɛtɔ Twamagɨɨ 20:24

Mǝ do bɔ kʊlɨ mǝndɨ a kaa jǝl. Mǝ swɨ lɛ n dɨ maajɨ nɨ Tɛlalɔ Yesu a nɨ ɨɨ. Mǝ swɨ lɛ n kiyo fulon kɛl lǝmɨ a dul lǝma Kwaamaɨ.

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Roma 15:16

A jǝg ɨ n yǝlam bwɛ jwaalɛ Yesu Kiristii a daagɔ Bʌtʌbɔ woi. A dǝg ɨ n yǝlam nǝkǝla sǝ n kiyo fulon kɛl lǝmɨ Kwaamaɨ a daagɔ Bʌtʌbɔ woi. A maa nyɔ sǝ ja yǝlam na twɨtǝm yulʌn wʊnɨ Kwaama yo lɛɨ, sǝ ja yǝlam sagsag a gola Yʊwa Kwaamaɨ.

Roma 15:19

Yʊwa Kwaamaɨ a nɨ ɨ kwaan maatǝm kanjǝl nʊngtǝm jǝbɔ kanjǝl tatǝm kang a nyiyo. Jʊ a ta a Urushalima a yɔ nǝn a Ilirikuni, n dɨɨ kiyotǝm fulon kɛl lǝmɨ Kiristii a daatɨn gɔ gǝm gwam.

1 Korinti 4:12

N mɨbam nǝn nǝ ja lɛɨ. Na ja tuwo nǝnɨ, nǝn dǝg jim dǝg bwili. Na ja nǝ nǝn gaalanɨ, nǝn kʊ kʊ nǝl.

1 Korinti 9:15

Mǝ maa bɔ maajɨ nǝn jʊ nɨ wo win. Mǝ mʊla bɔ jʊ nɨ sǝ jǝ́ maa mɨ nyɔ. A laa jǝl n bʊla, na nǝl kal kal maajɨ lɨyal mɨ nǝn kwanɨ.

1 Korinti 9:18

Ywatǝm mǝndɨ n wɛ? N wɔ kwama nɨ gwam mǝ kiyo fulon kɛl lǝmɨ nɨ lɛɨ, swɨtǝm mɨ n kiyo nǝn kwan, mǝ maa bɔ maajɨ sǝ n nya jʊ nɨ a yǝlam a mɨɨ a kiyotǝm fulon kɛl lǝmɨ nɨɨ.

1 Korinti 9:4

Nǝn la bɔ nyɔ ja nǝ nǝn jǝjalǝn nǝn ja, nǝn nɔɔ ka?

2 Korinti 11:27

N nɔɔ gaalan maajɨ dangǝn. Mǝ nya bɔ daatǝm dum. N nɔɔ gaalan jʊwan jǝbɔ laatǝm mwɛ. Naagɔ a laa kwaan mǝ nya bɔ jǝjalǝn. N nyʊwa juul. N yɔ bʊtɔgɔ kwakwa.

2 Korinti 11:9

Nǝn kwama mǝ a daa jen woi, na jǝl a kom ii, mɨ mǝ bʌ jen nɛ. Mǝ ya jem bɔ tuulo mǝndɨ n saa jǝl a kang jen, jʊ a bwɨɨ kambɔ nɨ a bɛ a Makidoniyaɨ, nǝji jǝ nɨ ɨ jʊ nɨ lɛ a kom ii. N jʊ a bwɨ mǝ ya jem bɔ tuulo a golantɨnɔ gǝmɨ. Mɨsɔ mǝ ya jem tuulo lɛ wo.

2 Korinti 6:5

Nǝn nɔɔ gaalan bʊgǝn, nǝn nyʊwa bwatǝm, ja maa nǝm kɨlan, nǝn nɔɔ gaalan maajɨ, nǝn nya bɔ daatǝm dum, nǝn nyʊwa gaalan jʊwan.

Filibii 4:16

Nǝn kwama nɨ mǝ a tǝm Tasalonikaɨ, jǝ́ twam mɨ tɨkalɨ ke bɔ naagɔ win, ke bɔ naagɔ yo.

1 Tasalonikaɨ 1:3

Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 2:2

Nǝn nɔɔ gʌleng gaalan jǝbɔ sogan a tuulɔ Filibi, kanga jǝ́ nyǝmɨ, nǝn tɨkalɨ Kwaama bǝnɨ, nǝn sʊwa jen fulon kɛl lǝmɨ Kwaamaɨ a kǝga nǝb nɨ kɔ nǝn nɛɨ.

1 Tasalonikaɨ 2:6

Nǝn saa bɔ bǝlátǝm wo a daagɔ nǝbɨɨ, ke bɔ a daa jen woi jǝbɔ kaamɨ. Na na nǝn swɨ lɛɨ, na nǝn maa maajɨ nǝn fɔlɔn nǝnɔ na bɛtɔ twama Kiristii, na nǝn saa tɨkalɨ.

1 Tasalonikaɨ 3:10

Kum jǝbɔ kɔkɔ nǝn maa keli lɛ dangǝn mɨ tɨtǝm wo, sǝ nǝn nya kuwotǝm jenɔ kǝga jǝbɔ kǝga, sǝ nǝn yii jʊ nɨ a gɨya a nǝtǝm bɨlǝngkɛl jenɔ gǝmɨ.

1 Timoti 1:11

Mɛlalɨ nɨ a yɔ dǝngdǝng jǝbɔ dʊʊlǝn fulon kɛl lǝmɨ, a Kwaamaɨ nǝ bwili, wʊnɨ a dǝg mɨ a kang sǝ n kiyoi.

1 Timoti 4:10

N dul kɛl nɨ bǝ dɔta lɛɨ, jʊ a bwɨɨ bǝ ya nǝl bǝnɔ a daagɔ Kwaama nɨ nǝn Kʊlɨɨ, wʊnɨ nǝn gɔ Nǝbʊʊlɨ nǝbɔ a yoolii gwamɨ, a ga keli a nǝb nɨ a nǝ bɨlǝngkɛlɨ.

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.