1 Tasalonikaɨ 2:14 - Dadiya NT

¹⁴ Kambɔ, jǝ́ yǝlam jǝ bangal a mʊrkalɨtɨn nǝb bwangtǝm Kwaamaɨ wʊnɨ a mʊgɔ Kiristi Yesui, wʊnɨ a tǝm Yahudiyaɨ, jʊ a bwɨɨ jen tʌjen jǝ́ nɔɔ gaalan a kang nǝb tǝm jenɔ gǝm, kanga ji tʌji ja nɔɔ gaalan a kang Yahudawagɨɨ.

1 Tasalonikaɨ 2:14 ပူးပေါင်းရင်းမြစ်များ

Maajɨ Bɛtɔ Twamagɨɨ 11:19

Nǝb bwangtǝmɔ a kwɨya tǝmɔ nǝn kwan a dul gaalan nɨ a gun a dul jʌtǝm Istifanusi. Kaamɨ a shu a tǝm Finikiya, jǝbɔ Sayifurus tǝmɔ a tɨbǝl wɨmaɨ, jǝbɔ tuulɔ Antakiya. Jǝ sʊwa kɛl Kwaamaɨ lɛ, jǝ sʊwam ka Yahudawa kwaaji.

Maajɨ Bɛtɔ Twamagɨɨ 13:50

Nǝb dʊʊm Yahudawagɔ a fǝ dul kaam nɔɔtǝm nɨ nyʊwa taal Kwaamaɨ lɛɨ, nǝbɔ jǝ nǝ ji dʊʊn nɛɨ, jǝbɔ kaam daltɔ nǝb dʊʊm a tuulɔ gɔ. Nǝngɔ ja gun tʌgo a Bulus gǝm jǝbɔ Barnabaɨ, ja kaa ji a tuulɔ gɨɨ.

Maajɨ Bɛtɔ Twamagɨɨ 14:19

Kaam Yahudawagɔ a bɛ a Antakiya jǝbɔ Ikoniyaɨ, nǝngɔ ja swag nǝbɔ ja mala Bulus nǝn tɛlɨ, ja gʊ gǝn a gul tuulɔ jǝ dʌng lɛ gɔ a bʊla.

Maajɨ Bɛtɔ Twamagɨɨ 14:2

A Yahudawa nɨ ja kɔ bwangtǝm kɛl Kwaamaɨ, ja yǝla dul Bʌtʌbi, ja kal kʊm jinɔ jǝbɔ nǝb bwangtǝmɔ.

Maajɨ Bɛtɔ Twamagɨɨ 14:4

Nǝb tuulɔ gɔ a bel lɔngɔ yo. Kaamɨ gǝ na a gul Yahudawagɨɨ, kaamɨ a gul bɛtɔ twamagɨɨ.

Maajɨ Bɛtɔ Twamagɨɨ 14:5

Nǝngɔ Bʌtʌbɔ, jǝbɔ Yahudawagɔ, jǝbɔ nǝb dʊʊm nɨ dakini jǝbɔ jii, ja fɛka ja gun tʌgo a bɛtɔ twama nɨ gǝmɨ, ja nǝ ji gaalan, ja mala ji nǝn tɛl, sǝ ja bʊla.

Maajɨ Bɛtɔ Twamagɨɨ 17:13

Kwama nɨ Yahudawa nɨ a Tasalonikaɨ a nyʊwa fulonɔ gɔ Bulus kiyo kɛl Kwaamaɨ lɛ a Biriyaɨ, nǝngɔ ja yɔ fʌlen tʌji ya ja fǝ dul mʊrkalɨ nǝbɨɨ, jǝ gung nǝl jinɔ lɛɨ.

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Maajɨ Bɛtɔ Twamagɨɨ 8:1

Shawulu a jǝla nǝn jʌtǝmɔ ja maa Istifanus gǝmɨ. Nǝn kum gɔ, gʌleng gaalanɔ a gun a mʊrkalɨ nǝb bwangtǝm Kwaamaɨ nɨ gǝm a Urushalimaɨ. Nǝb bwangtǝmɔ a kwɨya nǝn kwan a Yahudiya jǝbɔ Samariya. A bǝlam ka bɛtɔ twama a Urushalima.

Maajɨ Bɛtɔ Twamagɨɨ 8:3

Shawulu a kʊwa a yɨ mʊrkalɨ nǝb bwangtǝm Kwaamaɨ gǝm. Nǝ ji gaalan nɛ nǝn bɨlǝngǝn, bwangtǝn nɛ lɔ jǝbɔ tuulɔ, taba batǝmɔ lɛ jǝbɔ nɔɔtǝmɔ, dǝg ji lɛ a lɔsomi.

Maajɨ Bɛtɔ Twamagɨɨ 9:1

Shawulu a ja kǝga nǝn nǝtǝm nǝb bwangtǝm Tɛlalɔɨ gaalan dangǝn, sʊwa lɛ gɔ gǝ jʌ ji jʌ. Nǝngɔ a yɔ a daa dalɨ nǝkǝlagɔ woi,

Maajɨ Bɛtɔ Twamagɨɨ 9:13

Nǝngɔ Hananiya a jǝla gǝn gɔ, “Tɛlalɔ, n nyʊwa fulon kɛl balɨ nɨ a daa nǝbɔ woi a gǝlala, a kɛl shil nɨ maa nǝb bwangtǝm mʊnɔ gǝm lɛ a Urushalimaɨ.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

1 Korinti 7:17

Bɛ nǝl a yɨ yɨm nɨ Tɛlalɔ a jo gǝn gɔ ga yɨɨ. Bɛ ga yɨ yɨm gǝnɔ kanga Kwaama a jo gǝn a dul gǝnɨ. Wʊnɨ nǝn gɔ diilɔ mǝ nǝ jen nɛ gwam a mʊrkalɨtɨn nǝb bwangtǝm Kwaamaɨ.

Galatiya 1:22

A kwama gɔ, mʊrkalɨ nǝb bwangtǝm Kwaamaɨ nɨ a mʊgɔ Kiristii a Yahudiyaɨ ja kuwo i bɔ wo nu jǝbɔ nu.

1 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛɨ jǝbɔ Tɛlalɔ Yesu Kiristii. Bɛ lǝmagɔ, jǝbɔ yɨm kwamɨgǝn a yɨ jǝbɔ jen.

1 Tasalonikaɨ 1:6

Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

1 Tasalonikaɨ 3:4

Nǝn kwama nǝnɔ jeni nǝn sʊwa jen nɛ nǝn gɔ, bǝ nɔɔ nɔɔ gaalan. A ba yǝlam nyɔ kanga jǝ́ nyǝmɨ.

2 Tasalonikaɨ 1:1

Nǝmǝ mǝ Bulus mǝ mʊla langǝn bwangǝn nɨ lɛɨ, nǝbɔ Sila, jǝbɔ Timoti. Nǝn mʊla mʊrkalɨ nǝb bwangtǝm Kwaamaɨ nɨ gǝm lɛ a Tasalonikaɨ, wʊnɨ na a Kwaama Tɛtɛ bǝnɨ jǝbɔ Tɛlalɔ Yesu Kiristii.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.