1 Tasalonikaɨ 2:13 - Dadiya NT

¹³ Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

1 Tasalonikaɨ 2:13 ပူးပေါင်းရင်းမြစ်များ

Matta 10:20

N ke bɔ jen jǝ́ sʊwa kɛl lɛɨ. N Yʊwa Tɨya jeni sʊwa kɛl lɛ a daa jen woi.

Matta 10:40

“Nʊ nɨ a yo jeni, a yo i. Nʊ nɨ a yo ii, a yo nʊ nɨ a twam ɨɨ.

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Luka 5:1

Kaa di Yesu tɨm a nyiyo wɨma Janisarata, nǝbɔ a mʊrka a lada mǝmsa gǝn nɛ, sǝ jǝ nyʊwa kɛl Kwaamaɨ.

Luka 8:11

“Mʊsǝn kɛl nɨ nǝn gɔ, dʊʊmɔ gǝ nʊng kɛl Kwaamaɨ.

Luka 8:21

Nǝngɔ a jǝla ji gɔ, “Nɛnɛ mɨ jǝbɔ kɛtǝlam mǝndɨ n nǝb nɨ nyʊwa kɛl Kwaama lɛɨ, jǝ maa maajɨ lɛ nǝnɨ.”

Yohana 15:3

Jʊ mǝ sʊwa jeni, nǝn gɔ a dǝg jen jǝ́ yǝlam nǝb sagsagɨ.

Yohana 17:17

Kɛl mʊnɔ n bɨlǝngkɛlɨ. Bɛ ń saal ji sagsag a gola bɨlǝngkɛl.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Maajɨ Bɛtɔ Twamagɨɨ 10:33

N kɛl dul jʊ nɨ mǝ twam mǝʊ ja jo ńi. Ń maa a bʊm, mʊ bɛɨ. N wɔ nǝn mʊrka a kǝga Kwaamaɨ, sǝ nǝn nyʊwa twamagɔ Tɛlalɔ a sʊwa ńɨ.”

Maajɨ Bɛtɔ Twamagɨɨ 13:48

Nǝn kwama Bʌtʌbɔ a nyʊwa nyɨɨ, nǝngɔ ja nyʊwa lǝma nyangǝnɨ. Nǝngɔ jǝ bǝlá kɛl Tɛlalɔɨ lɛɨ. Nǝb nɨ Kwaama a jǝgǝm nya kʊlɨ lɛ mɨ dɨtǝm woi, nǝngɔ ja nǝ bɨlǝngkɛlɨ.

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 17:11

Yahudawagɔ woi a laa na Tasalonikagɔ yʊlan. Ja yo kɛl Kwaamaɨ kangɔ yo. Jǝ fɨɨ mʊlalɨ langǝn bwangǝn Kwaamaɨ lɛ kum jǝbɔ kum sǝ jǝ kuwo kɛna n dǝngdǝngɨ.

Maajɨ Bɛtɔ Twamagɨɨ 17:32

Ja nyʊwa kɛl guntǝmɔ a bwaaɨ, nǝngɔ kaamɨ a mog gǝnɨ, kaamɨ a sʊwa gɔ. “Nǝ swɨ lɛ nǝ yǝla nǝn nyʊwa jʊ nɨ mʊ sʊwa a dul kɛl nɨɨ.”

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Maajɨ Bɛtɔ Twamagɨɨ 8:14

Nǝn kwama bɛtɔ twama nɨ a Urushalimaɨ a nyʊwa nǝbɔ Samariyaɨ a yo kɛl Kwaamaɨ, nǝngɔ ja twam jim Bitrus jǝbɔ Yohanaɨ.

Roma 10:17

A dul kɛl nɨ, nǝtǝm bɨlǝngkɛlɔ a bɛ a nyʊwatǝm twama. Nyʊwatǝm twamagɔ a bɛ a kɛl kiyotǝm a dul Kiristii.

2 Korinti 3:18

Gwam bǝnɔ kǝga bǝnɔ mɨ dwang kwabtǝm wo, bǝ nʊng dʊʊlǝn Tɛlalɔɨ maa na bwaalaɨ, ja fʌto bǝn bǝ do jelkalǝng gǝnɔ lɛ a dʊʊlǝn nɨ a sʊ sʊɨ. Tɛlalɔ nɨ n Yʊwaɨ, nǝn gɔ a maa maajɨ nɨɨ.

Galatiya 4:14

Bʊtɔ mǝndɨ nɨ mɨ kwamɨgǝnɨ a yǝlam jem tɛltǝm a lada, jǝ́ kɔ bɔ yotǝm mǝndɨ. A bɨtǝnɨ, jǝ́ yo i maamɔ mǝ bwɛ twama Kwaamaɨ nɨ a dʌbʌli. Jǝ́ yo i maamɔ nǝn Kiristi Yesu nǝn kang gǝn.

Kolosii 1:6

Fulon kɛl lǝmɨ nɨ a bɛ jemi, kanga a bɛm yooligɔ gǝm gwamɨ, a bwi, kwɨya tǝmɔ lɛ, kanga maam lɛ a kʊm jeni nǝn kum nɨ jǝ́ nyʊwamɨ, jǝ́ nyǝmǝm lǝma Kwaamaɨ, a mʊgɔ bɨlǝngkɛl gǝnɔ gǝmɨ.

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.

Ibranii 4:2

Ja sʊwa bǝn fulon kɛl lǝmɨgɔ kanga ja sʊwa jii. Kɛl nɨ ja sʊwa ji ja maa bɔ maajɨ nǝn, jʊ a bwɨɨ, nǝbɔ a nyʊwaɨ ja kɔ nǝtǝm bɨlǝngkɛl nǝn jʊ ja nyʊwaɨ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

1 Bitrus 1:23

Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

1 Bitrus 1:25

A kɛl Tɛlalɔɨ, tɨ tɨ, mɨ dɨtǝm wo.” Nǝn gɔ fulon kɛl lǝmɨ nɨ ja kiyo jemi.

1 Bitrus 2:2

Kanga bɛtɔ fetʌnɔ swɨ mwɛ yʊl lɛɨ, jen tʌjen bɛ jǝ́ swɨ kɛl Kwaamaɨ nyangǝn, sǝ jǝ́ dʊʊl nǝn, sǝ a yɔ nǝn jen a nyatǝm bʊʊtǝm.

2 Bitrus 3:2

Mǝ swɨ lɛ jǝ́ bʊʊla nǝn sʊwatǝm kɛl nǝbkuwotǝmkǝga sagsagɔ, jǝbɔ diil Tɛlalɔ bǝn Nǝbʊʊlɨɨ, a nyiyo bɛtɔ twamagɨɨ.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.