1 Tasalonikaɨ 1:8 - Dadiya NT

⁸ N daa jen woi kɛl Tɛlalɔɨ a tǝl kwɨyatǝmɨ, ke bɔ a tǝm Makidoniya jǝbɔ Akaya kwaaji, a daatɨnɔ gǝm gwam ja nyǝm nǝtǝm bɨlǝngkɛl jenɔ a daagɔ Kwaama woi. Mɨ nǝ nǝn jǝ sʊwatǝm wo a dul gǝn.

1 Tasalonikaɨ 1:8 ပူးပေါင်းရင်းမြစ်များ

Maajɨ Bɛtɔ Twamagɨɨ 18:12

Kwama nɨ Galiyo maam fɔlɔn tǝm Akaya lɛɨ, Yahudawagɔ a mʊrkam nyiyo ja gun tʌgo a Bulus gǝm. Nǝngɔ ja yɔ nǝn gɔ a kǝga nǝb borangɨɨ.

Roma 1:8

A tǝltǝmɔ gǝm mǝ buu Kwaama mǝndɨ gǝm kang lɛ a gola Yesu Kiristii a dul jen pʌd, jʊ a bwɨɨ ja sʊwa kɛl nǝtǝm bɨlǝngkɛl jenɔ a daatɨnɔ gǝm gwam a yooli nɨ.

Roma 15:26

Nǝbɔ Makidoniyaɨ jǝbɔ nǝbɔ Akayaɨ, ja nyʊwa lǝma nǝtǝm tɨkalɨ a dul nǝb bʊnǝnɔ gǝm a mʊgɔ nǝb sagsag nɨ a Urushalimaɨ.

Roma 16:19

Nǝbɔ gwam a nyǝm kanga jǝ́ jǝla jǝ́ bwangtǝn Kwaamaɨ. N jʊ a nɨ ɨ fulotǝm nǝl jǝbɔ jeni. Mǝ swɨ lɛ jǝ́ nyǝm jʊ nɨ a bʊmɨ, ka jǝ́ dǝg lɛ dul jenɔ a jʊ nɨ a yǝlam shili.

1 Korinti 14:36

N dul jen kɛl Kwaamaɨ a tǝlɨ ka? N daa jen woi kɛl Kwaamaɨ a la kwaagɨɨ ka?

2 Korinti 2:14

Bɛ buutǝm kangɔ a yǝlam nyɔ a daagɔ Kwaama woi, wʊnɨ bwangtǝn nɛ jǝbɔ nǝn kwangkwang nǝ ku jelʌn nɛ a gola Kiristii. Nǝn gɔ maa maajɨ lɛ nǝn nǝn sǝ nǝn wa kɛl nyǝmtǝm Kiristii wʊnɨ na kunʌn lǝmɨ a tǝmɔ gǝm gwamɨ.

2 Korinti 3:4

Mɨ nyǝmatǝm wo a kanjǝl nɨ gǝm nǝn sʊwaɨ a gola Kiristii a kǝga Kwaamaɨ.

Kolosii 3:16

Bɛ kɛl Kiristii a yɨ a mʊgɔ nǝl jen a lada. Bɛ ya jǝ́ mɛlaka lɛ, bɛ ya jǝ́ mwɛka lɛ nǝn yʊlan a gola matǝm nafɨ Zaburaɨ, jǝbɔ nafɨ bǝlátǝm Kwaamaɨ, jǝbɔ nafɨtɨn nɨ Yʊwagɔ a bɛ nǝnɨ. Jǝ́ ma lɛ nǝn buutǝm kang a mʊgɔ nǝl jenɔ gǝm.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.

2 Tasalonikaɨ 3:1

A dɨltǝmɔ gǝmɨ kambɔ, jǝ́ maa nǝm keli, sǝ kɛl Tɛlalɔɨ a kwɨya dǝbǝr dǝbǝr, a nya nǝtǝm dʊʊn, kanga nɨ a nya a daa jen woi.

1 Timoti 2:8

A daa maatǝm keli gwam mǝ swɨ lɛ batǝmɔ a maa keli, jǝ gung kang sagsag lɛ, mɨ nabwɨl wo jǝbɔ gʊbkatǝm.

2 Timoti 2:9

wʊnɨ mǝ nɔɔ gaalan nɛ a kɛl dul gǝnɨ. N jʊ a bwɨ ja bwa ɨ nǝn golman na nʊ nɨ maa bwɨlang kanjǝl lɛɨ, kɛl Kwaamaɨ a bwa bɔ bwaɨ.

3 Yohana 1:12

Nǝbɔ a nǝ nyiyo nyan a dul Dimitiriyasɨ, bɨlǝngkɛlɔ dul gǝn a nǝ nyiyo nyɔ. Bǝn tǝbǝn bǝ nǝ nyiyo. Ń nyǝm nǝtǝm nyiyo bǝnɔ n bɨlǝngkɛl.

Dʊgam Nyangnyang 14:6

Nǝngɔ mǝ kuwo kaa bwɛ twama Kwaamaɨ bola lɛ a dʌbʌl kwamaɨ, bɛ lɛ nǝn fulon kɛl lǝmɨ nɨ mɨ dɨtǝm woi, sǝ a kiyo tǝmɔ yooli nɨ, jǝbɔ Bʌtʌbɔ, jǝbɔ nyiyotɨnɔ, jǝbɔ nǝbɔ gwam.

Dʊgam Nyangnyang 22:17

Yʊwagɔ jǝbɔ nɔɔgwaalɨgɔ a sʊwa gɔ, “Bɛ!” Nǝb nɨ gwam a nyʊwaɨ, bɛ ja sʊwa gɔ, “Bɛ!” Nǝb nɨ gwam nyʊwa diil mwɛ lɛɨ, bɛ ja bɛ. Nǝb nɨ swɨ mwɛ kʊlɨgɔ lɛɨ, ba ja yo lǝma mwɛ kʊlɨgɔ.