1 Tasalonikaɨ 1:6 - Dadiya NT

⁶ Jǝ́ banga nǝn nǝbɔ Tɛlalɔ. Jǝ́ yo kɛl Kwaamaɨ nǝn fulotǝm nǝl nɨ Yʊwa Kwaamaɨ nǝ lɛɨ, a mʊgɔ gaalan nɨ jǝ́ nɔɔ lɛɨ.

1 Tasalonikaɨ 1:6 ပူးပေါင်းရင်းမြစ်များ

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Maajɨ Bɛtɔ Twamagɨɨ 13:52

Nǝb bwangtǝm Kwaamaɨ a Antakiyaɨ, ja maa fulotǝm nǝl dangǝn, ja yii nǝn Yʊwa Kwaamaɨ.

Maajɨ Bɛtɔ Twamagɨɨ 5:41

Bɛtɔ twama nɨ a gun a bǝla nǝb dʊʊm koteregɔ, ja jel. Jǝ maa bǝlátǝm lɛ gɔ jǝ kuwo, jǝ la nyɔ, jǝ nɔɔ gaalan a kɛl dun Yesui.

Maajɨ Bɛtɔ Twamagɨɨ 9:31

Nǝngɔ la mʊrkalɨ nǝb bwangtǝm Kwaamaɨ nɨ a Yahudiyaɨ, jǝbɔ Galilii, jǝbɔ Samariyaɨ, ja nya lǝma yɨmɔ, ja nya kwaan ja ja kǝga dangǝn, jǝ yɔ lɛ nǝn maajɨ jinɔ jǝ dʊʊl Tɛlalɔ lɛ, Yʊwa Kwaamaɨ tɨka ji lɛ, jǝ bwi lɛ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

1 Korinti 11:1

Jǝ́ maa mɛlalɨ nǝn mǝ kanga mǝ maa mɛlalɨ nǝn Kiristii.

1 Korinti 11:2

Mǝ buu jem kang lɛ jʊ a bwɨɨ jǝ́ bʊʊla lɛ nǝn mǝ a kanjǝlɔ gǝm gwam, jǝ́ ta kanjǝlɔ gwam mǝ mɛla jemi.

1 Korinti 4:16

A dul kɛl nɨ mǝ kela jen nɛ, jǝ́ mɛla jʊ mǝ maa lɛɨ.

2 Korinti 6:10

Maamɔ nǝn na a fitǝm nǝl, kwangkwang nǝ na a mʊgɔ fulotǝm nǝl. Maamɔ nǝn nǝb bʊnǝn, nǝn shi nǝn nǝbɔ a lada. Maamɔ mɨ nǝn nǝn kaa jǝl, kanjǝlɔ gwam na a nǝn.

2 Korinti 8:5

Nǝtǝm jinɔ a laa kanga nǝn bʊʊla lɛɨ. Ja nǝ dul jinɔ a daagɔ Tɛlalɔ woi dɨn, nǝngɔ la ja nǝ dul jinɔ a daa nǝn woi kanga Kwaama swɨ lɛ ja maaɨ.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Afisa 5:1

Bɛ jǝ́ mɛla yɨm Kwaamaɨ. Nǝjen jǝ́ bɛtɔ lɔ gɨɨ swɨ lɛ nyangǝnɨ.

Filibii 3:17

Kambɔ, bɛ jǝ́ maa mɛlalɨ nǝn mǝ. Jǝ́ dʌng nǝb nɨ yɨm jinɔ win jǝbɔ mɛlalɨ nɨ nǝ maaɨ.

2 Tasalonikaɨ 1:4

A dul kɛl nɨ, nǝn nǝn dul nǝn, n lɨyal nǝn maa lɛ nǝn jen a mʊgɔ mʊrkalɨtɨn nǝb bwangtǝm Kwaamaɨ, n kɛl kʊtǝm nǝl jenɔ, jǝbɔ nǝtǝm bɨlǝngkɛl jenɔ a mʊgɔ gaalan jenɔ nɨ jǝ́ nɔɔ lɛɨ, jǝbɔ gʌtǝm nɨ jen a mʊgɔ gǝnɨ.

2 Tasalonikaɨ 3:7

Jen nǝn kang jen, bɛ jǝ́ nyǝm kanga jǝ́ banga nǝn nɛɨ. Kwama nǝn dakini nǝbɔ jeni, nǝn mɛla jem bɔ yɨm sʊla.

2 Tasalonikaɨ 3:9

Nǝn maa nyɔ, a nʊng bɔ gɔ mɨ nǝn nǝn fɔlɔn nɨ. Nǝn maa nyɔ sǝ nǝn yǝlam jǝ nʊngtǝm a daagɔ jen woi, sǝ jǝ́ banga nǝn.

2 Timoti 4:2

Bɛ ń kiyo kɛl Kwaamaɨ. Bɛ ń fɛka kwangkwang kum jǝbɔ kɔkɔ. Fɛka nǝbɔ lɛ. Mʊ gʊ jim lɔl lɛ. Mʊ kʊʊ jim nǝl lɛ nǝn bwatǝm nǝl jǝbɔ mɛlalɨ.

Ibranii 10:34

Jʊ a bwɨɨ, jǝ́ ji bʊnǝn nǝb nɨ a lɔsomii. Jǝ́ jǝla nǝn swɨtǝm nǝl jen nǝn kanjǝlɔ ja yem jemi, jʊ a bwɨɨ jǝ́ nyǝm jen nǝn kʊlagɔ a lada, wʊnɨ mɨ yemtǝm woi.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Bitrus 3:13

Nuwo nyʊwa jem twɨla lɛɨ, na jǝ́ sʊtǝn kwaan maatǝm jʊ nɨ lɛ a bʊmɨ?

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.