1 Tasalonikaɨ 1:5 - Dadiya NT

⁵ Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.

1 Tasalonikaɨ 1:5 ပူးပေါင်းရင်းမြစ်များ

Markus 16:20

Bɛtɔ mɛlalɨ gǝnɔ ja jel ja shu, jǝ kiyo fulon kɛl lǝmɨ gǝnɔ lɛ a daatɨnɔ gǝm gwam. Tɛlalɔ maa maajɨ lɛ jǝbɔ ji, nʊng bɨlǝngkɛl jinɔ lɛ a kanjǝl jǝ laatǝm kang nɨ sǝ a nʊng jʊ ja sʊwaɨ, n bɨlǝngkɛl.

Luka 1:1

Nǝbɔ a lada na a saa golagɔ jǝ mʊlam kanjǝl nɨ lɛ a bwɨ a kʊm nǝnɨ.

Maajɨ Bɛtɔ Twamagɨɨ 11:21

Kwaan Tɛlalɔɨ dakini jǝbɔ ji. Nǝbɔ a lada a nǝ bɨlǝngkɛlɨ, ja yǝla a daa Tɛlalɔ woi.

Maajɨ Bɛtɔ Twamagɨɨ 16:14

Kaa nɔɔlɨ wo dunɔ nǝn Lidiya, n nǝ bwangtǝm Kwaamaɨ, nyʊwa nǝn nɛ. N bwɛn tuulɔ Tayatiraɨ. Gǝ miyo dwang felʌng wʊnɨ kemʌn gǝnɔ a kwam nyɨɨ. Tɛlalɔ a wum nǝl gǝnɔ, nǝngɔ a ya nǝl gǝnɔ a nyʊwa jʊ Bulus a sʊwaɨ.

Maajɨ Bɛtɔ Twamagɨɨ 2:33

Kwaama a gun gǝn sǝ a yɔ ya yɨ a kang jajǝng gǝn, nǝngɔ a nya Yʊwa Kwaamaɨ wʊnɨ Tɛtɛ a maa swatǝm yaaɨ. Nǝngɔ a bɛ nǝn jʊ nɨ jǝ́ kuwo lɛ, jǝ́ nyʊwa lɛ dwiyeni.

Roma 1:16

Fulon kɛl lǝmɨgɔ ke bɔ jǝ gunidul a daa mǝ woi, nǝn gɔ kwaan Kwaamaɨ wʊnɨ yɔ lɛ nǝn nǝb nɨ gwam a nǝ bɨlǝngkɛl a nyatǝm bʊʊtǝmɨ, Yahudawagɔ nǝn tɨkǝga, sǝla Bʌtʌbɔ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 2:16

Jʊ nɨ bwɨ nǝn kumɔ Kwaama maa nǝfitʌmɔ gǝm borang lɛ a gola Yesu Kiristii, a jʊ nɨ jǝ maa lɛ daddadɨ, kanga fulon kɛl lǝmɨ nɨ mǝ kiyo lɛɨ a sʊwaɨ.

1 Korinti 1:24

A daagɔ nǝb nɨ Kwaama a jo joi, Yahudawagɔ jǝbɔ nǝbɔ Girikaɨ pʌd yo, Kiristi n kwaan Kwaamaɨ jǝbɔ yʊlan Kwaamaɨ.

1 Korinti 10:33

Mǝ maa sǝ n fulo nǝbɔ gǝm nǝl a mʊgɔ kanjǝlɔ gǝm gwam mǝ maa lɛɨ. Ke bɔ dul mɨ mǝ saam lɛɨ. Mǝ maa nyɔ a dul nǝbɨɨ a lada sǝ ja nya bʊʊtǝm.

1 Korinti 3:16

Jǝ́ nyǝm bɔ, jǝ́ Kan Kwaaman Kwaamaɨ ka? Jǝ́ nyǝm bɔ Yʊwa Kwaamaɨ yǝm a mʊgɔ nǝl jen tagɨ ka?

1 Korinti 3:6

Nǝmǝ mǝ kwal dʊʊmɨ. Afolos nǝn gɔ a tal mwɛmɨ. Nǝn Kwaama a dʊʊl nǝnɨ.

1 Korinti 4:20

Jʊ a bwɨɨ fɔlɔn lɔ Kwaamaɨ ke bɔ a kɛl nyiyo kwaagɔ, gǝ na a kwaan Kwaamaɨ.

1 Korinti 9:14

Gǝ na nyɔ Tɛlalɔ a nǝ diil gɔ, a bʊm nyɔ nǝb nɨ sʊwa fulon kɛl lǝmɨ lɛɨ, jǝ ja nǝn ji a dul fulon kɛl lǝmɨ.

2 Korinti 3:6

Nǝn gɔ a nǝ nǝn kwaan nǝn yǝlam nǝb maajɨ swatǝm yaa fɨgɨɨ, wʊnɨ a bɛ a daagɔ Yʊwa Kwaamaɨ woi, ke bɔ a mʊlalɨ diil. Jʊ a bwɨɨ mʊlalɨ diilɔ gǝ bɛ nǝn jʌtǝm. Yʊwagɔ gǝ bɛ nǝn kʊlɨ.

Galatiya 2:2

Kwaama a nʊng ɨ a mʊgɔ dʊgam nyangnyang gɔ n shui. Mǝ la fʌleni, nǝngɔ nǝn tǝgaka nǝbɔ nǝb nɨ ja do ji gɔ dʊʊm nǝb bwangtǝmɨ. Nǝngɔ mǝ fɛta ji kanga mǝ sʊwam fulon kɛl lǝmɨ nɨ lɛ a daa Bʌtʌbi. Mǝ sʊwa ji jʊ nɨ jǝ kwaaji, kage maajɨ nɨ mǝ maa lɛɨ, jǝbɔ maajɨ nɨ mǝ kwɛl mǝ maaɨ, a yɔ nǝn kwan.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

Afisa 2:10

Bǝn bǝ kanjǝl maajɨ Kwaamaɨ. A fwal bǝn a mʊgɔ Kiristi Yesui, sǝ bǝ maa maajɨ nyantɨn nɨ Kwaama a fɛka nǝn tɨkǝga gɔ bǝ maaɨ.

Afisa 3:20

Bɛ bǝlátǝmɔ a ta tʌgo gwanggwang a nʊ nɨ dwal maa jʊ nɨ lɛ a shu shui kwaan jʊ nɨ bǝ kel lɛɨ, jǝbɔ jʊ nɨ bǝ bʊʊla lɛɨ, a mʊgɔ kwaan gǝnɔ gǝm, wʊnɨ maa maajɨ lɛ a mʊgɔ nǝl bǝnɨ.

Filibii 2:13

Kwaama a maa maajɨ a nǝl jen. Nǝn gɔ nǝ jen swɨtǝmɔ lɛɨ jǝbɔ kwaan, sǝ jǝ́ maa jʊ nɨ fulo gǝm nǝl lɛɨ.

Filibii 4:9

Jʊ nɨ jǝ́ mɛlaɨ, jǝbɔ jʊ nɨ jǝ́ yoi, jǝbɔ jʊ nɨ jǝ́ nyʊwaɨ, jǝbɔ jʊ nɨ jǝ́ kuwo a daa mǝ woi, bɛ jǝ́ ya a mɛlalɨ. Na jǝ́ maa nyɨɨ, Kwaama nǝ nǝtǝm lǝma yɨ yɨ jǝbɔ jen.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

1 Tasalonikaɨ 2:13

Nǝn buu Kwaama gǝm kang lɛ kwangkwang jʊ a bwɨɨ, nǝn kwama jǝ́ yem kɛl Kwaamaɨ, wʊnɨ jǝ́ nyʊwa a daa nǝn woi, jǝ́ yo bɔ na kɛl nǝfilii, jǝ́ yo gǝn kanga a namɨ. Kɛl Kwaamaɨ n bɨlǝngǝn, wʊnɨ maa maajɨ lɛ a mʊgɔ nǝl jen jǝ́ nǝb nǝtǝm bɨlǝngkɛlɨ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

2 Timoti 2:8

Bɛ ń bʊʊla nǝn Yesu Kiristi, nʊ nɨ ja gung a bwaaɨ, a guu Daudaɨ, kanga fulon kɛl lǝmɨ nɨ mǝ sʊwa lɛɨ a mɛlaɨ,

Ibranii 10:22

bɛ bǝ bɨtʌgo a daa Kwaama woi nǝn nǝlɔ win jǝbɔ yiitǝm nǝtǝm bɨlǝngkɛl, jǝbɔ nǝl sagsag wʊnɨ ja saalǝm mɨ jǝ gunidul woi, jǝbɔ bʊtɔ bǝnɔ nɨ ja saalǝm nǝn mwɛ sagsagɨɨ.

Ibranii 6:11

Nǝn swɨ lɛ gwam jenɔ jǝ́ ja kǝga nǝn maatǝm maajɨ nyan nɨ yɔ lɛ nǝn a dɨltǝmɨ, sǝ jǝ́ nya jʊ nɨ jǝ́ ya nǝl woi.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Bitrus 5:3

Ka jǝ́ nʊng lɛ nǝb nɨ a kang jeni dʊʊlǝn. Bɛ jǝ́ yǝlam jǝ mɛlalɨ a kʌm kwamɨ nɨ.

2 Bitrus 1:10

A dul kɛl nɨɨ kambɔ, jǝ́ fɛ jǝ́ sʊtǝn kwaan jǝ́ nʊng gɔ nǝn Kwaama a jo jeni, a jǝgam jeni. Na jǝ́ maa nyɨɨ, mɨsɔ jǝ́ yala lɛ wo.

2 Bitrus 1:19

Kanjǝl nɨ gwam a nǝ bwatǝm guu a dul kɛl nǝbkuwotǝmkǝgagɔ galɨgǝn a dul gǝnɨ. A bʊm jǝ́ ta kɛl nɨ a nǝl jen jʊ a bwɨɨ, kɛl jinɔ gǝ na na nyalǝm fitila nɨ beta lɛ a mʊgɔ kumtojili a yɔ nǝn a tǝm sɛltǝmɨ, beta lɛ sǝ ba la nǝn kwama nɨ tulkasi kumsʌlɔ a jel a nǝl jeni.