1 Tasalonikaɨ 1:3 - Dadiya NT

³ Nǝn bʊʊla lɛ nǝn jen a keli nǝnɔ gǝm a kǝga Kwaama Tɛtɛ bǝnɨ a maajɨ nɨ jǝ́ maa lɛ a gola nǝtǝm bɨlǝngkɛlɨ, jǝbɔ gaalan maajɨgɔ jǝ́ nɔɔ lɛ a gola swɨtǝmɨ, jǝbɔ bwatǝm nǝlɔ jǝ́ maa lɛ nǝn yatǝm nǝl a mʊgɔ Tɛlalɔ bǝn Yesu Kiristii.

1 Tasalonikaɨ 1:3 ပူးပေါင်းရင်းမြစ်များ

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

Yohana 15:10

Mǝ, n bwangtǝn diil Tɛtɛ mɨɨ. N yɨ a mʊgɔ swɨtǝm gǝn. Jen tʌjen, na jǝ́ bwangtǝn diil mǝndɨ, jǝ́ yɨ yɨ a mʊgɔ swɨtǝm mɨ.

Maajɨ Bɛtɔ Twamagɨɨ 10:31

Balɨgɔ a sʊwa gɔ, ‘Karniliyas, Kwaama a yo keli mʊnɔ. A bʊʊla nǝn tɨkalɨ nǝb bʊnǝnɔ mʊ maa lɛɨ.

Maajɨ Bɛtɔ Twamagɨɨ 3:19

A dul kɛl nɨɨ, jǝ́ yǝla jǝ́ bǝla bwɨlangkɛl jenɔ, jǝ́ yǝla a daa Kwaama woi, sǝ a saal jem bwɨlangkɛl jenɔ, a nǝ jen fǝbtǝm.

Roma 12:12

Bɛ yatǝm nǝl jenɔ a dǝg jen fulotǝm nǝl. Jǝ́ bwa nǝl jenɔ a kwama gaalan. Jǝ́ ja kǝga nǝn maatǝm keligɔ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 15:4

Pʌd jʊ nɨ a mʊla mʊlaɨ galɨgǝnɨ, ja mʊla sǝ a mɛla bǝm, sǝ a nǝ bǝn yatǝm nǝl a gola bwatǝm nǝl jǝbɔ kʊʊtǝm nǝl wʊnɨ kɛl Kwaamaɨ a nǝ bǝnɨ.

Roma 16:26

Jǝ yʊtǝm nɨ ja sʊwa Bʌtʌbɔ gwamɨ. Kwaama nɨ mɨ dɨtǝm woi, a nǝ nǝbkuwotǝmkǝgagɔ diil gɔ ja mʊla a dul fulon kɛl lǝmɨ nɨ, sǝ yooligɔ gwam a jǝla a bwangtǝn Kwaama sǝ ja nǝ bɨlǝngkɛl.

Roma 16:6

Jǝ́ yal Maryamu wʊnɨ a maa maajɨ dangǝn nǝn bɨlǝngǝn a kɛl dul jeni.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

1 Korinti 13:13

Kǝngkɔ kanjǝlɔ taal a yɨɨ, nǝtǝm bɨlǝngkɛl, jǝbɔ yatǝm nǝl, jǝbɔ swɨkan. Nʊ a laa ji gwamɨ n swɨkan.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 2:17

Jʊ a bwɨɨ nǝn na bɔ na nǝb nɨ a ladaɨ, nǝbɔ kiyo kɛl Kwaamaɨ lɛ sǝ ja nyam kemʌni. A nǝnɔ nǝn sʊwa bɨlǝngkɛl kanga Kwaama a gul nǝm bwiyeli, nǝn sʊwa nyɔ a kǝga Kwaamaɨ, na bɛtɔ jwaalɛn Kiristii.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Galatiya 6:9

Bɛ ka bʊtɔ bǝnɔ ya yʌb lɛ a maatǝm maajɨ nya. Na a lʊwa bǝn bɔ bǝ gɨyaɨ, kwamagɔ bɛ lɛ wo bǝ kʌso kʌso bwili.

1 Tasalonikaɨ 3:6

N wɔ, kǝngkɔ, Timoti a yǝla a bɛ a daa jen woi. A bɛ nǝm nǝn fulon kɛl lǝmɨ a dul nǝtǝm bɨlǝngkɛl jenɔ gǝm jǝbɔ swɨtǝm jenɔ. A sʊwa nǝn kanga kwangkwang jǝ́ bʊʊla lɛ nǝn nǝnɨ, nǝn bʊʊlalɨ nyanɨ, jǝ́ ya nǝl lɛ dangǝn jǝ́ kuwo nǝn, kanga nǝn tǝnǝn nǝn ya nǝl lɛ nǝn kuwo jeni.

2 Tasalonikaɨ 1:11

N kɛl nɨ kwangkwang nǝn maa jem keli lɛɨ. Bɛ Kwaama bǝnɔ a dǝg jǝ́ yii jotǝm gǝnɔ. Bɛ kwaan gǝnɔ a tɨka jen jǝ́ maa kanjǝl nyanɔ gwam wʊnɨ jǝ́ ya nǝl maatǝmɔ lɛɨ. Bɛ ga tɨka jen jǝ́ maa jʊ nǝtǝm bɨlǝngkɛl jenɔ dǝg jen nɛɨ, jǝ́ maa jʊ jǝ́ swɨ lɛ jǝ́ maaɨ.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

1 Timoti 1:14

Tɛlalɔ bǝn a tal mɨ lǝma gǝnɔ dangǝn. A dǝg ɨ n nǝ bɨlǝngkɛl jǝbɔ swɨtǝm a mʊgɔ Kiristi Yesui.

1 Timoti 2:3

Wʊnɨ n jǝ nya, n jǝ yotǝm a kǝga Kwaamaɨ, Nǝbʊʊlɨ bǝnɔ,

Ibranii 10:36

Jǝ́ kʊ nǝl, sǝ na jǝ́ maa jʊ Kwaama swɨ lɛɨ, jǝ́ nya nya jʊ nɨ a maa jem swatǝm yaaɨ.

Ibranii 11:17

N gola nǝtǝm bɨlǝngkɛl Ibrahimi, nǝn kwama Kwaama a tɛl gǝn gɔ a twɨ yulʌn nǝn bʊla gɔ Ishakui, Ibrahim n nʊ nɨ a ta swatǝm yaa nɨɨ. A maa fɛkalɨ twɨtǝm bʊla gɨɨ nɨ win swarɨ.

Ibranii 13:21

a fɛka jen a kanjǝl nyanɔ gǝm gwam, sǝ jǝ́ maa maajɨ nɨ swɨ lɛɨ, sǝ a maa maajɨ a mʊgɔ bǝn, sǝ a yǝlam jǝ bǝlátǝm a daa gǝ woi a gola Yesu Kiristii. Bɛ dʊʊlǝnɔ a ta tʌgo gwanggwang a daa gǝ woi mɨ dɨtǝm wo. A daa nyɔ.

Ibranii 4:11

Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

Ibranii 6:15

A dul kɛl nɨ, Ibrahim a kʊ nǝlɨ, nǝngɔ a yo yiitǝm swatǝm yaagɨɨ.

1 Bitrus 3:4

Bɛ bʊmǝn jenɔ a yǝlam a bʊʊlalɨ mʊgɔ nǝl. Bɛ dʊʊl jenɔ, jǝbɔ yʌbtǝm dul jenɔ, jǝbɔ lǝma nǝl jenɔ wʊnɨ mɨsɔ dumo lɛ woi a yǝlam jǝ yotǝm nyan a kǝga Kwaamaɨ.

1 Yohana 3:18

Jǝ́ bɛtɔ dwalǝnɔ, ka jǝ́ nʊng lɛ swɨtǝm a ben. Bɛ a yǝlam a maatǝm jǝbɔ bɨlǝngkɛl.

1 Yohana 3:21

Jǝ́ fatǝm nyan mǝndɨ, na nǝl bǝnɔ a nʊng bǝn bɔ gɔ bǝ nǝb bwɨlangkɛlɨ, bǝ nǝngǝn nǝn kwaan bʊtɔ nɨ bǝ tɨ lɛ a kǝga Kwaamaɨ.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

1 Yohana 5:3

Jʊ a bwɨɨ, swɨtǝm Kwaamaɨ n bwangtǝm diil gǝn. Bwangtǝm diil gǝnɔ a bwa bɔ.

Dʊgam Nyangnyang 2:19

N nyǝm maajɨ mʊnɔ, jǝbɔ swɨkan mʊnɔ, jǝbɔ nǝtǝm bɨlǝngkɛl mʊnɔ, jǝbɔ tɨkalɨ nǝbɨɨ, jǝbɔ kʊtǝm nǝl mʊnɔ. N nyǝm maajɨ mʊnɔ tag kǝngkɨɨ, a laa na tɨkǝgagɔ.

Dʊgam Nyangnyang 3:10

Ń kɨla kɛlɔ mǝ sʊwa ń a dul kʊtǝm nǝlɨ, n jʊ a bwɨ mǝ tǝmɨ mǝ kɨla ń nɛ a jʊ nɨ bwɨ lɛ a kwama tɛltǝmɨ, wʊnɨ gǝla lɛ a dul yooli nɨɨ, sǝ ja tɛl nǝb nɨ yǝm a yooli nɨɨ.