1 Tasalonikaɨ 1:10 - Dadiya NT

¹⁰ Ja sʊwa kanga jǝ́ yam yǝlatǝm Bʊla gɨɨ nɨ lɛ a dʌbʌl kwamaɨ, wʊnɨ a gung a bwaaɨ, nǝn gɔ nǝn Yesu, wʊnɨ jǝg bǝn nɛ a mʊgɔ nabwɨl Kwaamaɨ nɨ bɛ lɛɨ.

1 Tasalonikaɨ 1:10 ပူးပေါင်းရင်းမြစ်များ

Matta 1:21

Bʌ mʊn bʌ bwɛ, mʊ ja gǝm dunɔ gɔ Yesu, jʊ a bwɨɨ nǝn gɔ bʊʊ lɛ nǝn nǝbam gǝnɔ a bwɨlangkɛl jinɔ gǝmɨ.”

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 16:28

Bɨlǝngkɛl mǝ sʊwa jen nɛɨ, kaam nǝb nɨ tɨlam fǝɨ, mɨsɔ jǝ bʊla lɛ, na ja kuwo bɔ Bʊla Nǝlɨ bɛ lɛ a mʊgɔ fɔlɔn gǝnɔ gǝmɨ.”

Matta 3:7

Nǝn kwama a kuwo nǝbɔ Farisaɨ jǝbɔ nǝbɔ Sadukiyaɨ a lada nyɔ bɛ lɛ a daa gǝ woi, sǝ ga yʊ ji mwɛ sagsagɨɨ, nǝngɔ a sʊwa ji gɔ, “Jǝ́ bɛlɨ faatɨn! Nuwo a gʊ lɔl jenɔ gɔ jǝ́ mwal nabwɨl Kwaamaɨ nɨ bɛ lɛɨ?

Luka 2:25

Kaa nǝl wo a mʊgɔ Urushalima, dun gǝnɔ nǝn Saminu. N nǝ dǝngdǝng a bwangtǝm kɛl Kwaamaɨ, yam nʊ nɨ lɛ yʌb Israila gǝm nǝl lɛɨ. Yʊwa Kwaamaɨ gǝ na jǝbɔ gɔ.

Luka 3:7

A dul kɛl nɨɨ, a sʊwa kʌm nǝb nɨ bɛ lɛ a daa gǝ woi sǝ ga yʊ ji mwɛ sagsagɨɨ gɔ, “Jǝ́ bɛlɨ faatɨn! Nuwo a gʊ lɔl jenɔ gɔ jǝ́ mwal nabwɨl Kwaamaɨ nɨ bɛ lɛɨ?

Maajɨ Bɛtɔ Twamagɨɨ 1:11

Nǝngɔ ja sʊwa gɔ, “Jǝ́ nǝbɔ Galilii, n wɛ a bwɨ jǝ́ tɨm, jǝ́ dʌng dʌbʌlɔ lɛɨ? Yesu nɨ ja dem gǝn a daa jen woi, ja shu nǝn a dʌbʌli, yǝla bɛ bɛ kanga jǝ́ kuwo gǝn a shumi.”

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 2:24

Nǝngɔ Kwaama a gung gǝn nǝn kʊlɨɨ, a jǝg gǝn a kwaan bwaagɔ gǝmɨ. Bwaagɔ a dwal bɔ a ta gǝn.

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Maajɨ Bɛtɔ Twamagɨɨ 4:10

Bɛ jǝ́ nyǝm pʌd gwam jenɔ jǝbɔ nǝbɔ Israilaɨ gwam, n mʊgɔ dun Yesu Kiristii, Bwɛ Nazarat wʊnɨ jǝ́ kʊʊ a dʌbʌl tɨyaɨ, wʊnɨ tag Kwaama a gung gǝn a bwaaɨ, n kɛl dul gǝn nʊ nɨ tɨm a kǝga jen kwamɨgǝnɨ.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Roma 2:7

Nǝ nǝ kʊlɨ nɨ mɨ dɨtǝm woi a nǝb nɨ a ja kǝga nǝn maatǝm jǝ nyaɨ, nǝb nɨ saa dʊʊlǝn nɛ jǝbɔ gungtǝmɨ.

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Roma 8:34

Nuwo a la nyɔ nǝ bǝn bwɨlangkɛl lɛɨ? Mɨ wo! Kiristi Yesu a bʊla, a gun nǝn kʊlɨ, yǝm a daa yɨm dʊʊn a kang jajǝng Kwaamaɨ, kela Kwaama lɛ a kɛl dul bǝn.

1 Korinti 1:7

A jenɔ jǝ́ ke bɔ nǝb gɨyatǝm a gola nǝtǝm lǝma nɨ Yʊwa Kwaamaɨ a nǝ jeni, kanga jǝ́ yam bɛtǝm Tɛlalɔ bǝn Yesu Kiristii lɛɨ,

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

Kolosii 1:18

Nǝn gɔ n dul bʊtɔgɨɨ, mʊrkalɨ nǝb bwangtǝm Kwaamaɨ. Nǝn gɔ n jʌngi. Nǝn gɔ n bwɛ tɨkǝga a mʊgɔ nǝbɔ gun nɛ a bwaaɨ, sǝ a mʊgɔ kanjǝlɔ gǝm gwam nǝn gɔ a laa jii.

1 Tasalonikaɨ 1:7

N jʊ a bwɨ jǝ́ yǝlam jǝ mɛlalɨ a nǝb nǝtǝm bɨlǝngkɛl nɨ gwam a tǝm Makidoniyaɨ jǝbɔ Akayaɨ.

1 Tasalonikaɨ 2:16

Ja bǝla nǝn bɔ nǝn kiyo Bʌtʌbɔ gǝm kage ja nya bʊʊtǝm. A na nyɔ, kwangkwang jǝ yii bʊtɔ jinɔ sǝgǝr nǝn bwɨlangkɛl jinɔ. A dɨltǝmɔ gǝmɨ, nabwɨl Kwaamaɨ a gǝla jim.

1 Tasalonikaɨ 2:7

Nǝn dʌng jen nɛ kanga nɛ bwɛ gǝ dʌngʌm bɛtɔ lɔ gɨɨ lɛɨ.

1 Tasalonikaɨ 5:9

Kwaama a ya bǝn bɔ gɔ bǝ gʌ nabwɨl gǝnɔ. A ya bǝn gɔ bǝ nya bʊʊlɨ a gola Tɛlalɔ bǝn Yesu Kiristii,

2 Timoti 4:1

N mʊrka ń jǝbɔ Kwaama, jǝbɔ Kiristi Yesu nʊ nɨ maa borang lɛ a dul nǝb nɨ nǝn kʊlɨɨ jǝbɔ nǝbɔ a bʊla bʊlaɨ. N mʊrka ń jǝbɔ yǝlatǝm gǝnɔ jǝbɔ fɔlɔn gǝnɔ.

Titus 2:13

Bɛ bǝ yɨ nyɔ, bǝ yam bwili yatǝm nǝl nɨ lɛ wʊnɨ nǝn gɔ n kumɔ Kwaama dʊʊn bǝnɔ jǝbɔ Nǝbʊʊlɨ Yesu Kiristi bɛm lɛ nǝn dʊʊlǝn gǝnɨ.

Ibranii 10:27

N gʌleng jǝ yaltǝm kuli a borang nɨ bɛ lɛɨ, jǝbɔ kǝla nɨ a shilo shiloi, wʊnɨ twɨ nǝb kiim Kwaamaɨ lɛɨ.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

1 Bitrus 1:21

N gola gǝn jǝ́ nǝ bɨlǝngkɛl a daa Kwaama woi, nʊ nɨ a gung gǝn a bwaa a nǝ gǝn dʊʊlǝnɨ. Sǝ nǝtǝm bɨlǝngkɛl jenɔ a daagɔ Kwaama woi jǝbɔ yatǝm nǝl jenɔ tag a yǝlam a Kwaamaɨ.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Bitrus 2:21

Kwaama a jo jen sǝ jǝ́ nɔɔ gaalan, jʊ a bwɨɨ Kiristi a nɔɔ gaalan a kɛl dul jen. A bǝla jem mɛlalɨ nɨ sǝ jǝ́ bwangtǝn.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

2 Bitrus 3:12

Bɛ jǝ́ yɨ nyɔ nǝn kwama jǝ́ yam kɔkɔ Kwaamaɨ lɛɨ. Maatǝmɔ nyɨɨ, sʊtǝn sʊ kwaan bɛtǝm gǝnɔ! Nǝn bɛtǝm gǝnɔ, jǝ kul kul dʌbʌlɔ gǝm kǝla, sǝ gwam kanjǝl nɨ a mʊgɔ gǝnɨ kǝlagɔ twɨm twɨm sǝ a yʊbam.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.

Dʊgam Nyangnyang 1:18

Nǝmǝ tag nǝn kʊlɨɨ. Galɨgǝn n bʊla bʊlaɨ, n wɔ kǝngkɔ mǝ nǝn kʊlɨ mɨ dɨltǝm wo! Mǝ nǝn kwaan a dul bwaa jǝbɔ daa yamtǝm borangɔ.

Dʊgam Nyangnyang 1:7

N wɔ bɛ lɛ a mʊgɔ lul. Nǝbɔ pʌd kuwo gǝn kuwo, gwam jǝbɔ nǝb nɨ a kul gǝn nǝn yaaɨ. Pʌd nyiyotɨn yooli nɨ tag jǝ ji ji wi a kɛl dul gǝn. Bɛ a yǝlam nyɔ! A daa nyɔ.