1 Korinti 9:19 - Dadiya NT

¹⁹ Mǝ ke bɔ bwɛ jwaalɛ kaa nǝlɨ sul, n dǝg dul mǝndɨ n yǝlam bwɛ jwaalɛ nǝbɨɨ gwam, sǝ n gʊ nǝbɔ a lada a daa Kiristi woi.

1 Korinti 9:19 ပူးပေါင်းရင်းမြစ်များ

Matta 18:15

“Na kɨla mɔ a maa mʊn bwɨlangkɛlɨ, bɛ ń yɔ ya ń sʊwa gǝn mɔʊ ga maa mʊn bwɨlangkɛl jǝ́ kwaajen. Na a jǝla nǝn mʊɨ, ń yǝla nǝn kɨla mɔ.

Roma 1:14

N do tuulo nǝbɔ Girikaɨ jǝbɔ Bʌtʌbɔ, nǝb nyǝmtǝmɔ jǝbɔ nǝb nɨ a nyǝm bɔ jǝlɨ gwam a dul mɨ sǝ n kiyo jim fulon kɛl lǝmɨgɔ.

Roma 11:14

Mǝ maa nyɔ sǝ n dǝg nǝb nɨ n nyiyo mɨ nungon, sǝ n dǝg kaam jinɔ a nya bʊʊtǝm.

Roma 15:2

Bɛ bǝ maa fatǝm yɨm bǝnɔ gǝm jǝ nyan. Bɛ bǝ maa jʊ nɨ tɨka ji lɛɨ, sǝ ja dʊʊl a mʊgɔ nǝtǝm bɨlǝngkɛl jinɔ gǝm.

1 Korinti 10:29

Mǝ sʊwa bʊʊlalɨ mʊgɔ nǝl gǝn, ke bɔ a mɔ. Bʊʊlalɨ nǝlɨ mɨsɔ kal nyatǝm dul mǝndɨ lɛ.

1 Korinti 10:33

Mǝ maa sǝ n fulo nǝbɔ gǝm nǝl a mʊgɔ kanjǝlɔ gǝm gwam mǝ maa lɛɨ. Ke bɔ dul mɨ mǝ saam lɛɨ. Mǝ maa nyɔ a dul nǝbɨɨ a lada sǝ ja nya bʊʊtǝm.

1 Korinti 7:16

Mɔ nɔɔlɨgɔ, mʊ nyǝm bɔ kɛna nǝmɔ mʊ bʊʊ lɛ nǝn bwɨla mʊɨ? Mɔ balɨgɔ, mʊ nyǝm bɔ kɛna nǝmɔ mʊ bʊʊ lɛ nǝn nwala mʊɨ?

1 Korinti 9:1

Mɨ mǝ nǝn nyatǝm dul ka? Mǝ ke bɔ bwɛ twama ka? Mǝ kuwo bɔ Yesu Tɛlalɔ bǝn ka? Jǝ́ ke bɔ maajɨ mɨ a mʊgɔ Tɛlalɔɨ ka?

2 Korinti 12:14

Kǝngkɔ n maa fɛkalɨ yɔtǝm a daa jen woi, yɔtǝm na taal. Mɨsɔ mǝ ya jem tuulo lɛ, jʊ a bwɨɨ n ke bɔ jǝ jen mǝ saa lɛɨ, nǝjen mǝ saa lɛɨ, jʊ a bwɨɨ ke bɔ bɛtɨ gǝ do tuulo tɛtǝlam jinɔ lɛɨ, n tɛb gǝ do tuulo bɛtɨ lɛɨ.

2 Korinti 4:15

Jʊ nɨ gwam yǝlam jǝ tɨkalɨ jen, sǝ lǝma Kwaamaɨ a bɛ a nǝbɔ gǝm a lada. N gola nɨ bɛ lɛ nǝn buutǝm kang a lada a daagɔ Kwaama woi, sǝ Kwaama a nya dʊʊlǝn.

2 Korinti 4:5

Ke bɔ kiyotǝm kɛl dul nǝn nǝ maa lɛɨ, nǝn kiyo a dul Yesu Kiristii wʊnɨ nǝn gɔ nǝn Tɛlalɔɨ. Nǝn nǝ jwaalɛb jen a kɛl dul Yesui.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

1 Bitrus 3:1

Jǝ́ nɔɔtǝm naatǝmɔ, a dul kɛl nɨɨ, jǝ́ nǝ batǝlam jenɔ shigtǝm dul, sǝ na kaam batǝlam jenɔ nɨ mɨ bwangtǝn kɛl Kwaamaɨ lɛɨ, nɔɔtǝlam jinɔ a sʊwa ji bɔ kɛl Kwaamaɨ sul, shigtǝm dul jinɔ gʊ ji gʊ.