1 Korinti 8:9 - Dadiya NT

⁹ Bɛ jǝ́ fɛ jǝ́ dʌng, kage nyatǝm dul jenɔ nɨ a yǝlam tɛl fǝtǝm naa a nǝb nɨ nǝl jinɔ a bɨ bɨɨ.

1 Korinti 8:9 ပူးပေါင်းရင်းမြစ်များ

Matta 18:10

“Bɛ jǝ́ nyǝm, ka jǝ́ soga lɛ kaa win a mʊgɔ bɛtɔ dwalǝn nɨ, jʊ a bwɨ mǝ sʊwa jen jʊ nɨ lɛɨ, bɛtɔ twama jinɔ a dʌbʌl kwamaɨ, kwangkwang jǝ dʌng kǝga Tɛtɛ mɨɨ nɨ lɛ a dʌbʌl kwamaɨ. [

Roma 15:1

Bǝn nɨ bǝ kwam a nǝtǝm bɨlǝngkɛlɨ, bɛ bǝ do tuulogɔ, bǝ tɨka nǝb nɨ a kwam bɔ a nǝtǝm bɨlǝngkɛlɨ. Bǝ maa nyɔ sǝ bǝ fulo jim nǝl, ke bɔ dul bǝn.

1 Korinti 10:24

Ka kaa nǝl ya maa lɛ dul gǝnɔ gǝm jǝ nya kwaagɔ. Bɛ ga maa kambɔ gǝm tʌji.

1 Korinti 10:28

Na kaa nǝl a sʊwa jen gɔ, “Ja biyom shom jʊ nɨɨ,” ka jǝ́ ja lɛ, jǝ́ dʌng nʊ nɨ a sʊwa jeni nǝn bʊʊlalɨ mʊgɔ nǝl.

1 Korinti 10:29

Mǝ sʊwa bʊʊlalɨ mʊgɔ nǝl gǝn, ke bɔ a mɔ. Bʊʊlalɨ nǝlɨ mɨsɔ kal nyatǝm dul mǝndɨ lɛ.

1 Korinti 10:32

Ka jǝ́ yǝlam lɛ tɛl fǝtǝm naa a daagɔ Yahudawagɔ woi, jǝbɔ nǝbɔ Girikaɨ, jǝbɔ mʊrkalɨ nǝb bwangtǝm Kwaamaɨ.

1 Korinti 8:10

Na kaa nǝl wo wʊnɨ nǝlɔ a bɨ bɨɨ, a kuwo ń, mʊ nɨ mʊ nyǝm jǝlɨ, mʊ ja jǝjalǝn nɨ lɛ ja tǝlam twama a kan shomi, jʊ nɨ mɨsɔ sʊ gǝm kwaan nɛ a ja jǝjalǝnɔ ja nǝ shomi ka?

1 Korinti 8:12

A gola maatǝm kɛtǝlam jenɔ gǝm bwɨlangkɛl, jǝ́ kal kɛtǝlam jenɔ nɨ lɛ nǝlɔ a bɨ bɨɨ. Jǝ́ maa Kiristi gǝm bwɨlangkɛl.

1 Korinti 9:22

A nǝb nɨ a gɨyaɨ, n yǝlam na nʊ nɨ a gɨya gɨyaɨ, sǝ n gʊ nǝb nɨ a gɨyaɨ a daa Kiristi woi. N yǝlam jǝl gwam a daagɔ nǝbɔ woi gwam, na gǝ wɛ dwalɨ sǝ n bʊʊ nǝn kaamɨ.

2 Korinti 11:21

Mǝ nyʊwa gunidul lɛ a gɨyatǝm mǝndɨ gǝm. Mɨsɔ mǝ maa nǝbɔ gǝm jʊ nɨ lɛ nyɔ! Na kaa nǝl a maa lɨyal gɔ gǝ kaa jǝlɨ, mǝ tǝmɨ mǝ maa maa nyɔ. A daa nɨ, mǝ sʊwa kɛlɔ na nǝ fʌmʌn!

2 Korinti 11:29

Nuwo a gɨya, mǝ nyʊwa bɔ gɨyatǝm gǝnɔ a bʊtɔ mɨɨ? Nuwo ja dǝg gǝn a yal a bwɨlangkɛl, mǝ nyʊwa bɔ nabwɨl jini?

2 Korinti 6:3

Mɨsɔ nǝn yǝlam kaa nǝl gǝm jǝ fǝtǝm naa lɛ, kage a kal maajɨ nǝnɔ.

Galatiya 5:13

Jǝ́ kɛtǝlam mɨɨ, ja jo jen a nyatǝm demtǝm kang. Bɛ ka jǝ́ do lɛ demtǝm kang jenɔ a yǝlam jem gola maatǝm bʊʊlalɨ bwɨla. Bɛ ya jǝ́ tɨkaka lɛ a kʊm jen nǝn swɨkan.

Kolosii 2:8

Ka jǝ́ jǝla lɛ kaa nǝl a swag jen a gola mɛlalɨ nǝn kwan, a jǝfʊlǝn nǝbɨɨ, wʊnɨ n jǝfʊlǝn yoolii, n ke bɔ a Kiristii.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

2 Bitrus 2:19

Jǝ maa jim swatǝm yaa nyatǝm dul. Ji nǝn kang jin, jǝ jwaalɛb a maatǝm jǝ bwɨlan, n kanjǝlɔ kal ji lɛɨ. Jʊ a bwɨɨ nǝl a yǝlam jwaalɛ a dul jʊ nɨ a kʊwa gǝnɨ.

Dʊgam Nyangnyang 2:14

“Jʊ mʊ maa bɔ dǝngdǝngɨ n wɔ, kaamɨ wo a kʊm jen jǝ bwangtǝn mɛlalɨ Balamui, wʊnɨ a mɛla Balak gǝmɨ, a dǝg nǝbɔ Israilaɨ bwɨlangkɛl jatǝm jǝjalǝn nɨ ja tǝlam shomtɨnɔ gǝm twamaɨ, jǝbɔ maatǝm bulon tag.