1 Korinti 8:3 - Dadiya NT

³ Na kaa nǝl swɨ Kwaama lɛɨ, Kwaama a nyǝm gǝn.

1 Korinti 8:3 ပူးပေါင်းရင်းမြစ်များ

Matta 7:23

Sǝla n sʊwa ji mǝʊ, ‘Mǝ nyǝm jen bɔ. Jǝ́ kʌlʌm mɨ fɔ, nǝb shil!’

Yohana 10:14

“Nǝmǝ mǝ nǝ tɔɔtǝm kwamɨtɨn nyaɨ. N nyǝm a mǝndɨ, a mǝndɨ a nyǝm ɨ,

Yohana 21:17

Nǝngɔ Yesu a bʌ gǝn na taalɔ gɔ, “Saminu bʊla Yohanaɨ, mʊ swɨ ɨ lɛ ka?” Nǝngɔ Bitrus a maa fitǝm nǝl jǝbɔ bʌtʌm na taal nɨ Yesu a maa gǝmɨ gɔ, “Mʊ swɨ ɨ lɛ ka?” Nǝngɔ Bitrus a jǝla gǝn gɔ, “Tɛlalɔ, ń nyǝm kanjǝlɔ gwam. Ń nyǝm nyɔ mǝ swɨ ń nɛ.” Yesu a sʊwa gǝn gɔ, “Ja nǝn kwamɨtɨn mǝndɨ.

Roma 11:2

Mɨ wo dǝm Kwaama a yǝla bɔ nǝbam gǝnɔ a jǝgam galɨgǝnɨ gǝm gul. Jǝ́ nyǝm bɔ jʊ mʊlalɨ kɛl Kwaamaɨ a sʊwa a dul Iliyaɨ ka? A sʊwa kanga a yɔ nǝn wi gǝnɔ a daagɔ Kwaama woi a dul nǝbɔ Israilaɨ gɔ,

1 Korinti 13:12

Kǝngkɔ maamɔ bǝ dʌng a bwaala duddugi. Kwama gɔ bǝ kuwo kuwo kǝga jǝbɔ kǝga. Kǝngkɔ nyǝmtǝm mǝndɨ a dwal. A kwama gɔ mǝ nyǝm nyǝm dangǝn, kanga Kwaama a nyǝm ɨ kǝngkɨɨ.

1 Korinti 2:9

Kanga a mʊla mʊlaɨ sʊwa lɛ gɔ, “Kanjǝl nɨ nugɔ a kuwo bɔ woi, lɔlɔ a nyʊwa bɔ woi, a dɔ bɔ mʊgɔ nǝl nǝlɨ woi, n kanjǝlɔ Kwaama a fɛka nǝb nɨ gǝm swɨ gǝn nɛɨ.”

Galatiya 4:9

Kǝngkɔ jǝ́ nyǝm Kwaamaɨ, mǝ sʊwa sʊwa mǝʊ Kwaama a nyǝm jen, n wɛ a bwɨ jǝ́ yǝla lɛ a jǝfʊlǝn nɨ mɨsɔ sɔl jem bʊnǝn nɛɨ, jǝ́ swɨ lɛ jǝ́ yǝlam bɛtɔ jwaalɛn jin tag ka?

2 Timoti 2:19

Fʌlʌm kan nyan mɔtǝm a Kwaamaɨ a ta tʌgo gwanggwang. Mɛl nɨ a bʊtɔ gǝnɨ sʊwa lɛ gɔ, “Tɛlalɔ a nyǝm nǝbam gǝnɔ,” jǝbɔ, “Pʌd nʊ nɨ a nʊng jǝlatǝm nǝn dun Tɛlalɔɨ, bɛ a bǝla maatǝm shilɔ wo.”

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.

1 Yohana 4:7

Jǝ́ fatǝm nyan mǝndɨ, bɛ bǝ swɨka, jʊ a bwɨɨ swɨtǝmɔ na a Kwaamaɨ. Gwam nʊ nɨ maa swɨtǝm lɛɨ, n bʌtʌm Kwaamaɨ, a nyǝm Kwaama tag.

Dʊgam Nyangnyang 2:13

N nyǝm daagɔ mʊ yǝm woi, n daagɔ Mammɔ maam fɔlɔn nɛɨ sul, ń nǝ bɨlǝngkɛl a dun mɨ gǝm. Mʊ bǝla bɔ nǝtǝm bɨlǝngkɛl a daa mɨ woi, a joltɨn Antibasɨ nǝ tatǝm swatǝm yaa, nǝ nǝtǝm nyiyo a kɛl dul mɨ. Wʊnɨ ja jʌ a kʊm jeni, a daagɔ Mammɔ yǝm woi.

Dʊgam Nyangnyang 2:19

N nyǝm maajɨ mʊnɔ, jǝbɔ swɨkan mʊnɔ, jǝbɔ nǝtǝm bɨlǝngkɛl mʊnɔ, jǝbɔ tɨkalɨ nǝbɨɨ, jǝbɔ kʊtǝm nǝl mʊnɔ. N nyǝm maajɨ mʊnɔ tag kǝngkɨɨ, a laa na tɨkǝgagɔ.

Dʊgam Nyangnyang 2:9

N nyǝm nyǝmɨ gaalanɔ mʊ nɔɔ lɛɨ, jǝbɔ bʊnǝn mʊnɔ, (a mʊnɔ n bɨlǝngǝn, mʊ nǝ shilo). N nyǝm kaamɨ kal dun mʊnɔ lɛ. Jǝ sʊwa lɛ gɔ jǝ Yahudawa, wʊnɨ jǝ ke bɔ Yahudawaɨ, n nǝbam Mammɨ.