1 Korinti 7:34 - Dadiya NT

³⁴ Bʊʊlalɨ gǝnɔ a bel yo. Nɔɔlɨ nɨ a naa bɔ balɨɨ, jǝbɔ bwɛnɔɔlɨ, jǝ sʊtǝn sʊ dʌngtǝm kanjǝl Tɛlalɔɨ kanga jǝ yɨ lɛ sagsag a mʊgɔ bʊtɔ, jǝbɔ bʊʊlalɨ tagɨ. Nɔɔlɨ nɨ a naa balɨɨ, gǝ sʊtǝn sʊ dʌngtǝm kanjǝl yooligɔ, kanga gǝ fulo bwɨla gɔ gǝm nǝl lɛɨ.

1 Korinti 7:34 ပူးပေါင်းရင်းမြစ်များ

Yohana 10:13

Nʊ gɔ gǝ mwal mwal jʊ a bwɨɨ, gǝ maa maajɨ kemʌn. Mɨ jʊ nɨ wo a kom gǝn jǝbɔ kwamɨtɨnɨ.

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

1 Korinti 6:20

Kwaama a ten jen teni, a ywa jǝ tentǝm jenɔ a lada. A dul kɛl nɨɨ, bɛ jǝ́ dʊʊl Kwaama nǝn bʊtɔ jenɔ.

1 Korinti 7:33

Nʊ nɨ a naa nɔɔlɨɨ, gǝ sʊtǝn sʊ maatǝm kanjǝl yooligɔ, kanga gǝ fulo nwala gɔ gǝm nǝl lɛɨ.

1 Korinti 7:35

Mǝ sʊwa nyɔ, sǝ n tɨka jen, ke bɔ sǝ n tɨ nǝn jen, sǝ jǝ́ yɨ yɨm nyan a bwangtǝm Tɛlalɔɨ, ke bɔ beltǝm bʊʊlalɨ.

2 Korinti 11:28

A bwangtǝn kanjǝl nɨ gwamɨ, kwangkwang mǝ na a bwantǝm a dul mʊrkalɨ nǝb bwangtǝm Kwaamaɨ gwam.

2 Korinti 8:16

Buutǝm kangɔ na a Kwaamaɨ, tɔɔtǝmɔ mǝ maa jem lɛɨ win jǝbɔ tɔɔtǝmɔ Kwaama a dǝg a nǝl Titusi gǝmɨ.

Filibii 1:20

N ya nǝl dangǝn, mɨsɔ mǝ nyʊwa gunidul lɛ, mǝ bɨ bɨ nǝl dangǝn a kǝngkɔ jǝbɔ tangǝn kumtɨnɔ sǝ Kiristi a nya gungtǝm a daa mɨ woi, na mǝ yǝm nǝn kʊlɨɨ, na n bʊla bʊlaɨ.

1 Tasalonikaɨ 5:23

Bɛ Kwaama nǝn kang gǝn, Kwaama nɨ dǝg yɨm kwamɨgǝn nɛɨ, a dǝg jen jǝ́ yǝlam nǝb sagsag. Bɛ kʊlɨ jenɔ jǝbɔ nǝl jenɔ jǝbɔ bʊtɔ jenɔ pʌd a yǝlam mɨ nǝn jǝ tuwol a yɔ nǝn a kum yǝlatǝm Tɛlalɔ bǝn Yesu Kiristii.

1 Timoti 3:5

Na nǝl a nyǝm bɔ kanga gǝ yɔm lɛ nǝn lɔ gǝnɨ, la dʌng mʊrkalɨ nǝb bwangtǝm Kwaamaɨ nyǝn?

1 Timoti 5:5

Nɔɔkʊla nɨ mɨ nǝn nǝ tɨkalɨ, wʊnɨ yǝm kwaagɔ wini, ga ya nǝl gǝnɔ a daagɔ Kwaama woi, ga ta keli Kwaamaɨ, ga maa keli kum jǝbɔ kɔkɔ sǝ Kwaama a tɨka gǝn.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.