1 Korinti 4:6 - Dadiya NT

⁶ Kambɔ, a kɛl dul kanjǝl nɨ, mǝ nʊng dul mɨ nǝbɔ Afolos a kɛl dul jen, sǝ jǝ́ mɛla jʊ kɛl nɨ nʊng lɛɨ a daa nǝn woi. Kɛl nɨ sʊwa lɛ gɔ, “Ka jǝ́ shu lɛ mʊlalɨgɔ.” Jǝ́ maa nyɔ kage kaa nǝl a maa lɨyal nǝn kaa nǝl gɔ, a laa kaa nǝl.

1 Korinti 4:6 ပူးပေါင်းရင်းမြစ်များ

Maajɨ Bɛtɔ Twamagɨɨ 18:24

Kaa bwɛ Yahudaɨ dunɔ nǝn Afolos. A bɛ a Afisa. Gɔ n bwɛ tuulɔ Iskandariyaɨ. A nyǝm sʊwatǝm kɛl. A nyǝm mʊlalɨ kɛl Kwaamaɨ dangǝn.

Maajɨ Bɛtɔ Twamagɨɨ 19:1

Kwama nɨ Afolos a Korintii, Bulus a kɛla mʊgɔ tǝm gɔ ba la Afisaɨ, ya nya kaam nǝb bwangtǝmɔ wo.

Roma 12:3

A gola lǝma nɨ Kwaama a maa mɨɨ, mǝ sʊwa jen nɛ gwam jenɔ, bɛ ka kaa nǝl ya do lɛ dul gǝnɔ a laa laaɨ bʊʊlalɨ gǝnɔ. Bɛ a do dul gǝnɔ dǝngdǝng jǝbɔ nǝtǝm bɨlǝngkɛlɔ Kwaama a nǝ gǝnɨ.

1 Korinti 1:12

Jʊ mǝ swɨ lɛ n sʊwaɨ, nǝn gɔ, pʌd jenɔ jǝ́ sʊwala katɨgɔ lɛ nǝn dʌmʌn jengɔ, “Mǝ nǝ bwangtǝm Bulusi,” kaa gɔ, “Mǝ nǝ bwangtǝm Afolosi,” kaa gɔ, “Mǝ nǝ bwangtǝm Kefasɨ,” kaa tag gɔ, “Mǝ nǝ bwangtǝm Kiristii.”

1 Korinti 1:19

A mʊla mʊlaɨ gɔ, “Mǝ kal kal nyǝmtǝm nǝb nyǝmtǝmɨ, mǝ falam falam nǝb nɨ kuwo lɛ gɔ ji nǝn yʊlanɨ.”

1 Korinti 1:31

A mʊla mʊlaɨ gɔ, “Nʊ nɨ maa lɨyal lɛɨ, bɛ a maa lɨyal nǝn jʊ nɨ Tɛlalɔ a maaɨ.”

1 Korinti 13:4

Swɨkanɔ gǝ dǝg dǝg bwatǝm nǝl jǝbɔ nǝl lǝmǝn. Swɨkanɔ mɨ gǝ maa nungon nɛ, mɨ gung dul lɛ.

1 Korinti 3:19

Yʊlan yooligɔ n fʌmʌn a daagɔ Kwaama woi. A mʊla mʊlaɨ gɔ, “Gǝ ta ta nǝb yʊlanɔ nǝn shil jinɔ.”

1 Korinti 3:21

A dul kɛl nɨ, bɛ ka bǝ maa lɛ lɨyal nǝn nǝfitʌmɔ, jʊ a bwɨɨ kanjǝlɔ gwam na a jen.

1 Korinti 5:2

Jǝ́ maa sʊtɔ lɛ nǝn! A laa bɔ jǝl jǝ́ maa fitǝm nǝl ka? A laa bɔ jǝl jǝ́ jǝg nʊ nɨ maa bwɨlang maajɨ nɨ lɛɨ a kʊm jen ka?

1 Korinti 5:6

Maatǝm sʊtɔ jenɔ a bʊm bɔ. Jǝ́ nyǝm bɔ, kǝlɨ yisti nǝn dǝm nyɔ gǝ dɔ bʊtɔ kʊkkʊmɔ lɛ gwamɨ ka?

1 Korinti 8:1

Kǝngkɔ a kɛl dul jǝjalǝn nɨ ja tǝlam shomɔ gǝm twamaɨ, bǝ nyǝm pʌd bǝnɔ bǝ nǝngǝn nǝn nyǝmtǝm. Nyǝmtǝmɔ gǝ dǝg dǝg nǝl dʊʊlǝn dul. Swɨtǝmɔ gǝ mɔ mɔ nǝl.

1 Korinti 9:23

Mǝ maa nyɔ gwam a dul fulon kɛl lǝmɨ nɨ sǝ n nya a mǝndɨ lǝmagɔ a mʊgɔ bwiligɔ gǝm.

2 Korinti 10:12

Na nǝn nǝn wo nǝn mʊrka dul nǝnɔ lɛ jǝbɔ kaam nǝb nɨ gung dul lɛɨ? Nǝn la bɔ nyɔ nǝn mʊrka dul nǝnɔ jǝbɔ nǝb nɨ gung dul lɛɨ! Nǝb nɨ n nǝbɔ gǝ sʊwa dul jinɔ lɛ a kʊm jini, jǝ mʊrka dul jinɔ lɛ a kʊm jin tagɨ, mɨ ji nǝn yʊlan.

2 Korinti 10:15

Lɨyal nǝnɔ a yab bɔ tili, jʊ a bwɨɨ nǝ maa bɔ lɨyal nǝn maajɨ kaam nǝbɨɨ. Nǝn ya nǝl lɛ kanga nǝtǝm bɨlǝngkɛl jenɔ sʊ lɛ a kǝgaɨ, maajɨ nǝnɔ a mʊgɔ jeni, sʊ sʊ a kǝga dangǝn.

2 Korinti 10:7

Jǝ́ dʌng jʊ nɨ a talɨ! Na nǝl a jǝla gɔ gǝ na a Kiristii, bɛ ga nyǝm gɔ nǝn tǝnǝn nǝ na nyɔ.

2 Korinti 11:4

Na kaa nǝl a bɛ ba kiyo jem kɛl lɛ a dul kaa Yesu wʊnɨ ke bɔ nʊ nǝn kiyo jemi, na jǝ́ nya kaa yʊwa tag wʊnɨ ke bɔ Yʊwagɔ jǝ́ nyaɨ, na jǝ́ yo kaa fulon kɛl lǝmɨ ke bɔ a wʊnɨ nǝ sʊwa jeni, jǝ́ jǝla nǝn nǝb gǝmɔ dǝbǝr dǝbǝr!

2 Korinti 12:19

Jǝ́ maa bʊʊlalɨ jengɔ nǝn bɛ nǝn kɛl sǝ nǝn kʌshi dul nǝnɔ ka? Mɨ nyɔ! A kǝga Kwaamaɨ nǝ sʊwa kɛlɔ lɛɨ, nǝn na a Kiristii. Gwam jʊ nɨ nǝ maa sǝ nǝ sʊ jem kwaan, jǝ́ nǝbɔ nǝ swɨ lɛɨ.

2 Korinti 12:20

Mǝ nyʊwa taal lɛ mǝʊ kage na n yɔɨ, ya n nya jen ke bɔ kanga mǝ swɨ lɛɨ. Jen tʌjen jǝ́ kuwo i n ke bɔ kanga jǝ́ swɨ lɛɨ. Mǝ nyʊwa taal lɛ kage ya n nya gʊbkatǝm, jǝbɔ nungon, jǝbɔ fitǝm nǝl, jǝbɔ swɨtǝm dul, jǝbɔ kabkatǝm naa, jǝbɔ yʊʊlakatǝm, jǝbɔ gungtǝm dul, jǝbɔ kutʌm.

2 Korinti 12:6

Na mǝ swɨ swɨ maatǝm lɨyalɨ, mɨsɔ mǝ yǝlam lɛ na nǝ fʌmʌn, jʊ a bwɨɨ mǝ sʊwa sʊwa bɨlǝngkɛl. Mɨsɔ mǝ maa lɨyal lɛ, kage kaa nǝl a do i, a laa kanga ga kuwo jʊ mǝ maa lɛɨ, kanga gǝ nyʊwam kɛl mǝndɨ lɛɨ.

2 Korinti 4:15

Jʊ nɨ gwam yǝlam jǝ tɨkalɨ jen, sǝ lǝma Kwaamaɨ a bɛ a nǝbɔ gǝm a lada. N gola nɨ bɛ lɛ nǝn buutǝm kang a lada a daagɔ Kwaama woi, sǝ Kwaama a nya dʊʊlǝn.

Kolosii 2:18

Bɛ ka jǝ́ jǝla lɛ kaa nǝl a soga jen gɔ gǝ kaa jǝl, gɔ gǝ maa dʊgam nyangnyang lɛ, gɔ gǝ nǝn shigtǝm dul, gɔ gǝ maa bɛtɔ twama Kwaamaɨ gǝm bǝlátǝm lɛ. Nʊ nɨ n bʊʊlalɨ bwɨla nɨ a nǝl gǝnɨ dǝg gǝn gungtǝm dul lɛɨ.

1 Tasalonikaɨ 1:5

Jʊ a bwɨ nǝn nyǝm nyɨɨ, fulon kɛl lǝmɨ nǝnɔ n ke bɔ kɛl kwaagɔ a bɛ jemi, a bɛ nǝn kwaan fɔlɔn jǝbɔ Yʊwa Kwaamaɨ, jǝbɔ jǝlatǝm nɨ mɨsɔ dɨ lɛ woi. Jǝ́ nyǝm yɨm nɨ nǝn yɨ a kʊm jeni, n kɛl dul jen, sǝ a tɨka jen.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.