1 Korinti 4:14 - Dadiya NT

¹⁴ Mǝ mʊla jem bɔ jʊ nɨ sǝ n nǝ jen gunidul. Mǝ mʊla sǝ n mwɛ jen a dul kɛl nɨ sʊwa lɛ gɔ jǝ́ bɛtɔ lɔ mɨɨ, nǝbɔ mǝ swɨ lɛ nyangǝnɨ.

1 Korinti 4:14 ပူးပေါင်းရင်းမြစ်များ

Maajɨ Bɛtɔ Twamagɨɨ 20:31

A kɛl dul jʊ nɨ, bɛ jǝ́ yɨ nǝn fɛkalɨ! Jǝ́ bʊʊla jolɔ taal, kum jǝbɔ kɔkɔ, mǝ bǝla bɔ gʊtǝm lɔl jenɔ nǝn kɛl jǝbɔ mwɛ num.

1 Korinti 15:34

Jǝ́ yǝla jǝ́ bɛ a bʊʊlalɨ nyan jenɔ gǝm. Jǝ́ bǝla yɨmɔ wo a mʊgɔ bwɨlangkɛl. Kaam jenɔ a nyǝm bɔ Kwaama. Mǝ sʊwa nyɔ, sǝ jǝ́ nyʊwa gunidul.

1 Korinti 4:15

Na na jǝ́ na nǝn bwaɨtɨnɔ fʊlkʊblǝnɔ kʊb a mʊgɔ Kiristii, tɛbɔ jǝ́ nǝnɨ a lada bɔ. Nǝmǝ mǝ tɛtɛ jen a mʊgɔ Kiristi Yesui a gola kiyotǝm fulon kɛl lǝmɨ a daa jen woi.

1 Korinti 4:17

N wɔ n twam jem Timoti, wʊnɨ nǝn bʊla mɨ nɨ mǝ swɨ lɛɨ, n nʊ a ta swatǝm yaa a mʊgɔ Tɛlalɔɨ. Mǝ twam gǝn sǝ a bʊʊla jem nǝn golantɨn yɨm mǝndɨ a bwangtǝm Kiristi Yesui, kanga mǝ maa mɛlalɨgɔ lɛ a daatɨnɔ gǝm gwam a mʊrkalɨtɨn nǝb bwangtǝm Kwaamaɨ gwamɨ.

1 Korinti 6:5

Mǝ sʊwa jʊ nɨ sǝ jǝ́ nyʊwa gunidul. Mɨ nʊ nɨ wo win nǝn nyǝmtǝm a kʊm jen dwal dɔ kʊm kambɨɨ lɛɨ ka?

1 Korinti 9:15

Mǝ maa bɔ maajɨ nǝn jʊ nɨ wo win. Mǝ mʊla bɔ jʊ nɨ sǝ jǝ́ maa mɨ nyɔ. A laa jǝl n bʊla, na nǝl kal kal maajɨ lɨyal mɨ nǝn kwanɨ.

2 Korinti 11:11

N wɛ a bwɨ mǝ sʊwa nyɨɨ? Mɨ mǝ swɨ jen nɛ ka? Kwaamagɔ a nyǝm mǝ swɨ jen nɛ!

2 Korinti 12:19

Jǝ́ maa bʊʊlalɨ jengɔ nǝn bɛ nǝn kɛl sǝ nǝn kʌshi dul nǝnɔ ka? Mɨ nyɔ! A kǝga Kwaamaɨ nǝ sʊwa kɛlɔ lɛɨ, nǝn na a Kiristii. Gwam jʊ nɨ nǝ maa sǝ nǝ sʊ jem kwaan, jǝ́ nǝbɔ nǝ swɨ lɛɨ.

2 Korinti 7:3

Mǝ sʊwa bɔ jʊ nɨ sǝ n kal jen. N kwɛl n sʊwa jen sʊwaɨ mǝʊ, nǝn ya jen a nǝl nǝn, na n bwaaɨ, na n yɨm nǝn kʊlɨɨ mɨsɔ wʊlaka bǝn nɛ.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

1 Tasalonikaɨ 2:11

Jǝ́ nyǝm nǝn bwangtǝn nɛ nǝn jen kanga tɛ bwɛ gǝ bwangtǝn nɛ nǝn bɛtɔ lɔ gɨɨ.

1 Tasalonikaɨ 5:14

Nǝn kel jen kambɔ, jǝ́ gʊ nǝb sʊlagɔ gǝm lɔl. Jǝ́ kʊʊ nǝb nɨ mɨ nǝn kwamǝn nǝlɨ gǝm nǝl. Jǝ́ tɨka nǝbɔ a gɨyaɨ. Jǝ́ kʊ nǝl jǝbɔ nǝbɔ gwam.

2 Tasalonikaɨ 3:14

Na kaa nǝl a kɔ jʊ nɨ nǝn sʊwa a mʊlalɨ langǝn bwangǝn nɨɨ, bɛ jǝ́ nyǝm gǝn. Bɛ ka jǝ́ mʊrka lɛ dul jǝbɔ gɔ, sǝ a nyʊwa gunidul.

Filimon 1:10

Mǝ kela ń nɛ a kɛl dul bʊla mɨ Onisimusi, wʊnɨ mǝ yǝlam tɛtɛ gɔ nǝn kwama ja bwa ɨ a lɔsomii.

1 Yohana 2:1

Jǝ́ bɛtɔ dwalǝn mǝndɨ, mǝ mʊla jem jʊ nɨ lɛ kage jǝ́ maa bwɨlangkɛl. Na kaa nǝl a maa bwɨlangkɛlɨ, bǝn nǝn nʊ nɨ maa keli lɛ a kɛl dul bǝn a daagɔ Tɛtɛ woi, nǝn gɔ nǝn Yesu Kiristi, Nǝ dǝngdǝng.

3 Yohana 1:4

Mɨ jʊ nɨ wo a laa mɨ fulotǝm nǝl n nyʊwa gɔ, bɛtɔ lɔ mɨɨ bwangtǝn bɨlǝngkɛlɔ lɛ.