1 Korinti 2:9 - Dadiya NT

⁹ Kanga a mʊla mʊlaɨ sʊwa lɛ gɔ, “Kanjǝl nɨ nugɔ a kuwo bɔ woi, lɔlɔ a nyʊwa bɔ woi, a dɔ bɔ mʊgɔ nǝl nǝlɨ woi, n kanjǝlɔ Kwaama a fɛka nǝb nɨ gǝm swɨ gǝn nɛɨ.”

1 Korinti 2:9 ပူးပေါင်းရင်းမြစ်များ

Matta 20:23

Nǝngɔ a sʊwa ji gɔ, “N nyǝm nyɔ, jǝ́ mwɨ mwɨ jǝ́ tɨ, jǝ́ nɔɔ gaalanɔ na mǝ. Mǝ sʊwa jen nɛ, kɛl yɨm a kang jajǝng jǝbɔ kang fɔlɔng mɨ, mɨ mǝ nǝn fɔlɔn nɨ mǝ nǝ jen nɛɨ. Tɛtɛ mɨ nɨ a kwamaɨ a fɛm nǝbɔ ga jǝgamɨ daatɨnɔ.”

Matta 25:34

“Fɔlɔgɔ sʊwa sʊwa nǝb nɨ a kang jajǝng gǝnɨ gɔ, ‘Jǝ́ bɛ, nǝb nɨ Tɛtɛ mɨ a nǝ jen bwilii. Jǝ́ yo kʊla fɔlɔn lɔ nɨ ja fɛka jem nǝn tǝltǝm yooligɨɨ.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Ibranii 11:16

Jǝ ya nǝl lɛ a kaa tǝm nɨ a laa bʊmǝnɨ. Nǝn gɔ nʊ nɨ a dʌbʌl kwamaɨ. A dul kɛl nɨ, Kwaama mɨ nyʊwa gunidul lɛ ja jo gǝn gɔ Kwaama jin, jʊ a bwɨɨ, a fɛka jim tuulɔ.

Yakubu 1:12

Bwiligɔ na a nʊ nɨ a kʊ nǝl a mʊgɔ gaalan gǝnɔ gǝmɨ, jʊ a bwɨɨ, yo yo lǝma kʊlɨ nɨ mɨ dɨtǝm woi, wʊnɨ Kwaama a maa swatǝm yaa gɔ gǝ nǝ nǝ nǝb nɨ gwam swɨ gǝn nɛɨ.

Yakubu 2:5

Jǝ́ nyʊwa, kɛtǝlam mɨ nɨ mǝ swɨ lɛɨ! Ke bɔ nǝb bʊnǝn yooli nɨ Kwaama a jǝgam sǝ a yǝlam nǝb shilo a nǝtǝm bɨlǝngkɛl a daa Yesu woi ka? Ke bɔ ji jǝ wɔɔ kʊla fɔlɔn nɨ lɛ ga maa nǝb nɨ gǝm swɨ gǝn nɛɨ gǝm swatǝm yaaɨ ka?

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Yohana 4:19

Bǝ nʊng swɨtǝm, jʊ a bwɨɨ nǝn gɔ a tǝl swɨtǝm bǝnɨ.