1 Korinti 2:6 - Dadiya NT

⁶ A dul kɛl nɨ, nǝ sʊwa yʊlanɔ wo a nǝb nɨ a kwam a kɛl Kwaamaɨ. Ke bɔ a yʊlan kal nɨ. Ke bɔ a nǝb fɔlɔn yooli nɨ, wʊnɨ shu lɛɨ.

1 Korinti 2:6 ပူးပေါင်းရင်းမြစ်များ

Matta 13:22

Nʊ nɨ a yal a kʊm sholaɨ, n nʊ nɨ a nyʊwa kɛl Kwaamaɨ, komʌn kanjǝl yooligɔ jǝbɔ swɨtǝm shilo a bǝm kɛl Kwaamaɨ a kala nǝn kwanɨ.

Matta 19:21

Nǝngɔ Yesu a sʊwa gɔ, “Na mʊ swɨ lɛ ń yǝlam dǝngdǝngɨ, yɔ ya miyo jʊ mʊ nǝnɨ gwam, ń nǝ nǝb bʊnǝnɔ, mʊ nya nya shilo a dʌbʌl kwama, sǝla ń bɛ ba ń bwang mɨ.”

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Luka 16:8

“Tɛlalɔ a bǝlá nǝ dʌngtǝm nɨ mɨ nǝn bɨlǝngkɛlɨ a dul yʊlan nɨ ga maaɨ. Nǝbɔ a kal nɨ a mʊgɔ yooli nɨɨ, jǝ nǝn yʊlan a mʊgɔ maajɨ jinɔ gǝm, ja laa nǝb nɨ a mʊgɔ nyalǝmɨ.

1 Korinti 1:28

Kwaama a jǝgǝm nǝb nɨ mɨ a nyiyo jǝlɨ, jǝbɔ nǝb nɨ yooligɔ a kɔɨ, jǝbɔ kanjǝl nɨ mɨ woi, sǝ a kalǝm kanjǝl nɨ woi.

1 Korinti 12:8

A wini Kwaama a nǝ gǝn lǝma sʊwatǝm kɛl nǝn yʊlan a gola Yʊwa nɨ. A wini a nǝ gǝn lǝma sʊwatǝm kɛl nǝn nyǝmtǝm a gola Yʊwa nɨ tag.

1 Korinti 14:20

Kambɔ, ka jǝ́ maa lɛ bʊʊlalɨ bɛtɨɨ. A daa shil, bɛ jǝ́ yǝlam na bɛtɔ fetʌn. A daa maatǝm bʊʊlalɨ, bɛ jǝ́ yǝlam na dʊʊm.

1 Korinti 2:1

Nǝn kwama mǝ bɛ a daa jen woi kambɔ, sǝ n sʊwa jen jʊ nɨ Kwaama a nʊng ɨɨ, mǝ bɛ bɔ nǝn daltɔ yʊlan jǝbɔ nyǝmtǝm sʊwatǝm kɛl.

1 Korinti 2:13

Kɛl nɨ nǝ sʊwa lɛɨ, ke bɔ a yʊlan mɛlatǝm nǝfilii, n kɛlɔ Yʊwagɔ a nǝ nǝn gɔ nǝn sʊwaɨ. Nǝn nʊng kanjǝl na Yʊwa a nǝb nɨ nǝn Yʊwa Kwaamaɨ.

1 Korinti 2:8

A kʊm nǝb maatǝm fɔlɔn kal nɨ, mɨ nʊ nɨ wo a nyǝm fɛkalɨ nɨɨ. Na na ja nyǝm fɛkalɨ nɨɨ, na ja kʊʊ bɔ Tɛlalɔ, nǝ dʊʊlǝn.

1 Korinti 3:1

Kambɔ, mɨsɔ maa lɛ n sʊwa jen kɛl na nǝb nɨ a mʊgɔ Yʊwaɨ. Mǝ sʊwa jen na nǝb nɨ nǝn bʊʊlalɨ nǝfitʌmi, na bɛtɔ fetʌn a bwangtǝm Kiristii.

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

2 Korinti 4:3

Na fulon kɛl lǝmɨ nǝnɔ a sum sumi, ja sumʌm nǝb nɨ a gola bwaaɨ.

2 Korinti 4:4

Mammɔ wʊnɨ nǝn gɔ n fɔlɔ yooli nɨɨ, a kul nǝn bʊʊlalɨ nǝb nɨ a nǝ bɔ bɨlǝngkɛlɨ, kage ja kuwo nyalǝm fulon kɛl lǝmɨ dʊʊlǝn Kiristii, gǝ nɨ n jelkalǝng Kwaamaɨ.

Afisa 2:2

Wʊnɨ galɨgǝn jǝ́ yǝm a mʊgɔ gǝnɨ, jǝ́ bwangtǝn kanjǝl yooli nɨ lɛɨ, jǝ́ bwangtǝn Mamm, nǝ maatǝm fɔlɔn yʊwa, yʊwa nɨ dʊwa nǝl nǝb nɨ lɛ nǝn bǝngɨ lɔl kǝngkɨɨ.

Kolosii 1:28

N kɛl dul gǝn nǝn sʊwa nǝbɔ kɛlɔ lɛɨ, nǝn gʊ jim lɔl lɛ, nǝn mɛla jim lɛ a nyǝmtǝm nɨ Kwaama a nǝ nǝnɨ, dɨsɔ nǝn nʊng ji a kǝga Kwaamaɨ jǝ dǝngdǝng a mʊgɔ Kiristii.

Kolosii 4:12

Abafaras wʊnɨ win a kʊm jeni, n bwɛ jwaalɛ Kiristi Yesui, yal jen nɛ. Kwangkwang maa jem keli lɛ nǝn bɨlǝngǝn sǝ jǝ́ tɨ nǝn kwaan, sǝ jǝ́ bwangtǝn jʊ nɨ Kwaama swɨ lɛ gwamɨ.

Ibranii 5:14

Jǝjalǝn kwamɨgɔ na a nǝb nɨ a dʊʊlɨ, nǝb nɨ bʊʊlalɨ jinɔ a nya mwɛl dwiyen jǝbɔ kwangkwangɨ. Ja nyǝm jǝ nyan jǝbɔ jǝ bwɨla.

Ibranii 6:1

A dul kɛl nɨ, bɛ bǝ sʊtǝn nyǝmtǝmɔ a shu kanjǝl nɨ ja mɛla bǝm nǝn tɨkǝga a dul Kiristii, a yɔ nǝn a dʊʊlǝn nyǝmtǝm. Ka bǝ yǝla lɛ bǝ swa fʌlʌm kanjǝl nɨ bǝ bǝla a guli. Jʊtǝb nɨ nǝn gɔ, n yǝlatǝm bǝlatǝm bwɨlangkɛl nɨ yɔ lɛ nǝn bǝn a bwaaɨ, jǝbɔ nǝtǝm bɨlǝngkɛl a daagɔ Kwaama woi,

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

Yakubu 3:2

Pʌd bǝnɔ bǝ maa bwɨlangkɛl. Na kaa nǝl a maa bɔ bwɨlangkɛl a sʊwatǝm kɛlɨ, gɔ n nʊ nɨ dǝngdǝngɨ, dwal dwal a tɔɔ bʊtɔ gǝnɔ gwam.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.