1 Korinti 14:2 - Dadiya NT

² Nʊ nɨ sʊwa kɛl lɛ nǝn kaa nyiyoi, ke bɔ nǝb gǝ sʊwa kɛl lɛ jǝbɔ jii, gǝ sʊwa Kwaama. Mɨ nʊ nɨ wo a nyǝm jʊ gǝ sʊwa lɛɨ, jʊ a bwɨɨ n jʊ nɨ ja yʊ yʊɨ gǝ sʊwa lɛ a gola Yʊwa Kwaamaɨ.

1 Korinti 14:2 ပူးပေါင်းရင်းမြစ်များ

Matta 13:11

Yesu a sʊwa ji gɔ, “A jenɔ ja kwɛl ja jǝla jem jǝ́ nyǝm kanjǝl nɨ ja yʊ yʊɨ a fɔlɔn lɔ Kwaamaɨ. A jinɔ, ja nǝ ji bɔ nyǝmtǝmɔ.

Markus 16:17

Nǝb bwangtǝm mǝndɨ maa maa kanjǝl nɨ sǝ a nʊng bɨlǝngkɛl jinɔ. Kanjǝl nɨ nǝn gɔ: A mʊgɔ dun mɨ, jǝ jǝg jǝg nǝblaamɔ. Jǝ sʊwa sʊwa kɛl nǝn ben fɨntɨn.

Markus 4:11

Nǝngɔ a sʊwa ji gɔ, “A jenɔ ja kwɛl ja sʊwa jen sʊwaɨ jʊ ja yʊ yʊɨ a fɔlɔn lɔ Kwaamaɨ. A tangǝn nǝbɨɨ mǝ sʊwa ji a mʊgɔ mʊsǝn kɛl,

Maajɨ Bɛtɔ Twamagɨɨ 10:46

Jʊ a bwɨɨ, ja nyʊwa jǝ kiyo kɛlɔ lɛ nǝn kaam nyiyotɨn, jǝ nǝ Kwaama dʊʊn nɛ. Nǝngɔ Bitrus a sʊwa gɔ,

Maajɨ Bɛtɔ Twamagɨɨ 19:6

Bulus a ya jim kang bwiligɨɨ, nǝngɔ Yʊwa Kwaamaɨ a gǝla jimi. Nǝngɔ ja tǝl jǝ sʊwa kɛlɔ lɛ nǝn kaam nyiyotɨnɨ, jǝ sʊwa jʊ nɨ bwɨ lɛ a kǝgaɨ.

Maajɨ Bɛtɔ Twamagɨɨ 22:9

Nǝb nɨ nǝn dakini ja kuwo nyalǝmɔ, ja nyʊwa bɔ diilɔ sʊwa kɛl lɛ jǝbɔ mǝɨ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

1 Korinti 12:10

A wini a nǝ gǝn lǝma na maatǝm jǝ laatǝm kang. A wini a nǝ gǝn lǝma na kuwotǝmkǝga. A wini a nǝ gǝn lǝma na nyǝmtǝm yʊwa nǝn dʌmʌn. A wini a nǝ gǝn lǝma na sʊwatǝm nyiyo nǝn dʌmʌn. A wini a nǝ gǝn lǝma na fɛtatǝm nyiyotɨn.

1 Korinti 12:28

A mʊgɔ mʊrkalɨ nǝb bwangtǝm Kwaamaɨ, Kwaama a dǝg kaamɨ a yǝlam, na win, bɛtɔ twama, na yo, nǝbkuwotǝmkǝga, na taal, nǝb mɛlalɨ. Kaamɨ a nǝ ji lǝma na maatǝm jǝ laatǝm kang, kaamɨ a nǝ ji gungtǝm nǝb bɔɔlam, kaamɨ n nǝb tɨkalɨ, kaamɨ n nǝb nɨ yɔ lɛ nǝn mʊrkalɨ nǝb bwangtǝm Kwaamaɨ, kaamɨ n nǝbɔ sʊwa kɛl lɛ nǝn nyiyogɔ nǝn dʌmʌni.

1 Korinti 13:1

Na mǝ sʊwa sʊwa kɛl nǝn kaam nyiyo nǝbɨɨ jǝbɔ a bɛtɔ twama Kwaamaɨ, na a yǝlam mɨ mǝ nǝn swɨkanɨ, n yǝlam dǝnglǝng nɨ nǝn diili jǝbɔ bʌn nɨ nǝn diili.

1 Korinti 13:2

Na mǝ maa maa kuwotǝmkǝgaɨ, na n nyǝm jʊ nɨ ja yʊ yʊɨ, jǝbɔ nyǝmtǝmɔ gwamɨ, na mǝ nǝn nǝtǝm bɨlǝngkɛl dangǝnɨ, wʊnɨ mǝ sʊwa tuligɔ lɛ mǝʊ a bǝla daa tɨm gǝnɨ, na mɨ mǝ nǝn swɨkanɨ, mǝ ke bɔ kaa jǝl.

1 Korinti 14:16

Na mʊ bǝlá Kwaama nǝn dʊʊmɨ mʊnɔ kwaagɨɨ, maa nyǝn nʊ nɨ a nyǝm bɨɨ sʊwa lɛ gɔ, “A daa nyɔ,” a dul buutǝm kang nɨ mʊ maa lɛɨ, na a nyǝm bɔ jʊ nɨ mʊ sʊwa lɛɨ?

1 Korinti 14:26

Kambɔ bǝ maa jʊ nɨ nyǝn? Kwama jǝ́ mʊrka dakinii, kaa gǝ ma nafɨ bǝlátǝm Kwaamaɨ, kaa gǝ maa mɛlalɨ kɛl Kwaamaɨ, kaa gǝ sʊwa jʊ Kwaama a nʊng gǝnɨ, kaa gǝ sʊwa kɛl nǝn kaa nyiyo, kaa fɛtatǝm nyiyo. Bɛ jǝ́ maa kanjǝlɔ gwam sǝ a fɛ mʊrkalɨ nǝb bwangtǝm Kwaamaɨ.

1 Korinti 15:51

N wɔ mǝ sʊwa jen kaa jʊ nɨ lɛ ja yʊ yʊɨ. Ke bɔ gwam bǝnɔ bǝ bʊla lɛɨ, gwam bǝnɔ Kwaama fʌto bǝm fʌto bʊtɔgɔ.

1 Korinti 2:10

Nǝbǝn Kwaama a nʊng bǝn a gola Yʊwaɨ, jʊ a bwɨɨ Yʊwagɔ nǝn gɔ saa kanjǝlɔ lɛ gwamɨ, jǝbɔ kanjǝl nɨ a tushi tushii a Kwaamaɨ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

Afisa 6:19

Mǝ tǝmɨ jǝ́ maa mɨ keli. Jǝ́ kel mɨ Kwaama a nɨ ɨ kɛl nyan dɨsɔ n sʊwa fulon kɛl lǝmɨ nɨ a yʊ yʊɨ nyangnyang, mɨ taal wo.

Kolosii 2:2

Swɨtǝm mǝndɨ ja kʊʊ jim nǝl, kanga ja mʊrka nǝl jinɔ a gola swɨkanɨ, sǝ ja nya bwili a nyǝmtǝm jʊ nɨ Kwaama a yʊ yʊɨ, wʊnɨ nǝn Kiristii.

1 Timoti 3:16

Mɨ nyǝmatǝm wo, kanjǝl nɨ ja yʊ yʊɨ a kɛl nǝtǝm bɨlǝngkɛl bǝnɨ a tushi, Kiristi a jel nǝn bʊtɔ nǝfilii. Yʊwa Kwaamaɨ a nʊng gǝn n nǝ bɨlǝngkɛl. Bɛtɔ twama Kwaamaɨ a kuwo gǝn. Ja kiyo fulon kɛl gǝnɔ a daagɔ Bʌtʌbɔ woi. Ja nǝ bɨlǝngkɛl a daa gǝ woi a yooli nɨ. Ja do gǝn a dʌbʌl a mʊgɔ dʊʊlǝn.

1 Timoti 3:9

Bɛ ja ja kǝga nǝn nǝtǝm bɨlǝngkɛlɔ nǝn bʊʊlalɨ nyan nɨ a mʊgɔ nǝl nɨ mɨ komtǝm woi.

Dʊgam Nyangnyang 10:7

Nǝn kwama nɨ bwɛ twama Kwaamaɨ na nʌbʌlɔ guum jum gǝnɔ lɛɨ, n kwama jǝ yiim jʊ nɨ lɛ Kwaama a yʊ yʊɨ, kanga a sʊwam bɛtɔ jwaalɛn gǝnɨ, nǝbkuwotǝmkǝgagɔ.”