1 Korinti 1:9 - Dadiya NT

⁹ Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

1 Korinti 1:9 ပူးပေါင်းရင်းမြစ်များ

Matta 24:35

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Yohana 17:21

Tɛtɛ, mǝ kela lɛ sǝ pʌd jinɔ ja yǝlam win, kanga mʊ yǝm a mʊgɔ mɨɨ, mǝ yǝm a mʊgɔ mʊnɨ, mǝ kela lɛ bɛ ja yɨ a mʊgɔ bǝn, sǝ nǝbɔ yooli nɨ a nǝ bɨlǝngkɛl gǝ nǝmɔ mʊ twam ɨɨ.

Roma 11:17

Na Kwaama a kǝlam kaam kang tɨyantɨnɨ, mɔ mʊ tɨya zaitun kuul nɨ a bwa mʊn naakan jǝbɔ gɨɨ, mʊ nyʊwa lǝma jʌng tɨyang zaitun nɨ lɛ dakini jǝbɔ tangǝn kang tɨyantɨnɨ,

Roma 8:28

Bǝ nyǝm a mʊgɔ kanjǝlɔ gǝm gwam Kwaama maa maa jʊ nɨ a bʊmɨ a nǝb nɨ swɨ gǝn nɛɨ, a nǝb nɨ ga jo a fɛkalɨ gǝnɨ.

Roma 8:30

Nǝb nɨ Kwaama a jǝgamɨ, nǝji ga joi. Nǝb nɨ ga joi, nǝji ga dǝg ji ja yǝlam nǝb dǝngdǝngɨ. Nǝb nɨ ga dǝg ji ja yǝlam dǝngdǝngɨ, nǝji gǝ dʊʊl ji lɛɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

1 Korinti 1:30

Nǝn Kwaama a dǝg jǝ́ yǝlam a mʊgɔ Kiristi Yesui. Nǝn Kwaama tag a dǝg Kiristi a yǝlam nǝ yʊlan a daa bǝn woi. N daagɔ Kiristi woi bǝ nya dǝngdǝng Kwaamaɨ lɛɨ, sagsag Kwaamaɨ jǝbɔ jǝgtǝm dul.

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 10:16

Kʌshi buutǝm kang nɨ bǝ buum Kwaama gǝm kang lɛɨ, n ke bɔ jʊ a mʊrka bǝn a tʊʊm Kiristii ka? Kʊkkʊm nɨ bǝ kǝlsa lɛɨ, n ke bɔ jʊ a mʊrka bǝn a bʊtɔ Kiristii ka?

2 Korinti 1:18

Kanga Kwaama n nǝ yiitǝm swatǝm yaaɨ, kɛl nǝnɔ a daa jen woi n ke bɔ, “Ɔɔ” jǝbɔ “Ɔ ɔ.”

Galatiya 1:15

Kwaama a jǝg ɨ na lǝga bɔ ja bʌ i. A jo i a mʊgɔ lǝma gǝn. Nǝn fulotǝm nǝl

Galatiya 2:20

Ja kʊʊ ɨ dakini nǝbɔ Kiristi. Kǝngkɔ ke bɔ mǝ nǝn kʊlɨɨ, n kʊlɨ Kiristii a mʊgɔ mɨɨ. Kʊlɨ nɨ mǝ nǝn a mʊgɔ bʊtɔɨ, n kʊlɨ a gola nǝtǝm bɨlǝngkɛl a daa bʊla Kwaamaɨ woi, wʊnɨ a swɨ ɨ, a bʊla a kɛl dul mɨɨ.

Afisa 3:6

Jʊ nɨ ja yʊ yʊɨ gǝ nʊng gɔ Bʌtʌbɔ fatǝm jatǝm kʊla jǝbɔ Yahudawagɔ. Jǝ jinʌn bʊtɔgɔ win. Jǝ fatǝm mʊrkalɨ tag a swatǝm yaa nɨ a mʊgɔ Kiristi Yesui a gola fulon kɛl lǝmɨ nɨɨ.

Kolosii 1:24

Kambɔ mǝ nyʊwa fulotǝm nǝl lɛ nǝn gaalan nɨ mǝ nɔɔ lɛ a kɛl dul jeni. A bʊtɔ mɨ mǝ yii tangǝn jʊ nɨ lɛ a taam a gaalan Kiristii, wʊnɨ ja ya mɨ a kɛl bʊtɔ gǝnɨ, wʊnɨ n mʊrkalɨ nǝb bwangtǝm Kwaamaɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:13

Na bǝ ta bɔ swatǝm yaa bǝnɨ, a gǝnɔ mɨsɔ bǝla tatǝm swatǝm yaa gǝnɔ lɛ, jʊ a bwɨɨ mɨsɔ kana dul gǝnɔ lɛ.

Titus 1:2

N gola nɨ jǝ́ ya nǝl lɛ a kʊlɨ nɨ mɨ dɨtǝm woi, wʊnɨ Kwaama a maa swatǝm yaa galɨgǝnɨ, gǝ nɨ mɨ gabakɛl wo a daa gǝ woi.

Ibranii 10:23

Bɛ bǝ ta yatǝm nǝl nɨ bǝ sʊwa lɛ bǝngɔ bǝ nǝnɨ gwanggwang, jʊ a bwɨɨ nʊ nɨ a maa swatǝm yaa nɨɨ, n nǝ yiitǝm swatǝm yaa.

Ibranii 11:11

N gola nǝtǝm bɨlǝngkɛl Saratu nǝn dul gǝn a nya kwaan dotǝm fʌl nǝn kwama nɨ ga shu kwaan dotǝm fʌli. A kwɛl a jǝla gɔ nʊ nɨ a maa gǝm swatǝm yaa nɨɨ n nǝ yiitǝm swatǝm yaa.

Ibranii 2:17

N jʊ a bwɨ a yǝlam nyɔ na kɛtǝlam gǝnɔ a golantɨnɔ gǝm gwamɨ, sǝ a yǝlam dalɨ nǝkǝla, nǝ jitǝm bʊnǝn jǝbɔ nǝ tatǝm swatǝm yaa a maajɨ Kwaamaɨ, sǝ ya tǝla twama kǝlǝmtǝm bwɨlangkɛl nǝbɨɨ lɛ.

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 3:14

Bǝ yǝlam nǝb mʊrkatǝm dul jǝbɔ Kiristi, na bǝ tɨ nǝn kwaan a yotǝm nɨ bǝ maa nǝn tɨkǝgaɨ, a yɔ nǝn a dɨltǝmɨ.

Ibranii 6:18

Kanjǝl nɨ yoi mɨsɔ fʌto lɛ wo, swatǝm yaa jǝbɔ wɛɛlɨ nɨ Kwaama a maaɨ. Mɨsɔ bwɨ lɛ Kwaama a maa gabakɛl. A dul kɛl nɨ, bǝn nɨ bǝ mwala bǝ nya daa wuutǝmɨ bǝ nya kwaan dangǝn, bǝ ta jʊ nɨ bǝ ya nǝl wo a dul gǝn dangǝnɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Yohana 1:3

Nǝn sʊwa jen tʌjen jʊ nǝn kuwoi, nǝn nyʊwaɨ, sǝ jǝ́ yɨ yɨm dakini jǝbɔ nǝn. Yɨm bǝnɔ dakinii, gǝ na jǝbɔ Tɛtɛ jǝbɔ bʊla gɔ Yesu Kiristi.

1 Yohana 1:7

A na nyɔ, na bǝ yǝm a mʊgɔ nyalǝmɨ, kanga gǝ yǝm a mʊgɔ nyalǝmɨ, yɨm bǝnɔ n dǝngdǝng a bʊtɔ. Tʊʊm Yesu Bʊla gɨɨ a saalǝm bǝn a bwɨlangkɛl bǝnɔ gǝm gwam.

1 Yohana 4:13

N gola nɨ bǝ nyǝm nyɔ bǝ yǝm a kʊm gǝnɨ, gǝ tǝgǝn yǝm a kʊm bǝnɨ, jʊ a bwɨɨ n Yʊwa gǝnɔ a nǝ bǝnɨ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.