1 Korinti 1:8 - Dadiya NT

⁸ wʊnɨ kwam jem nǝl lɛɨ, a yɔ nǝn a dɨltǝmɨ. Ka jǝ́ yǝlam jǝ tuwol nǝn kwama Tɛlalɔ bǝn Yesu Kiristi bɛm lɛɨ.

1 Korinti 1:8 ပူးပေါင်းရင်းမြစ်များ

Luka 17:24

Kanga kwama gǝ biyom lɛ a gwanga twalɨ a shu nǝn a gwanga diyengi, bɛtǝm Bʊla Nǝlɨ yǝlam nyɔ.

Luka 17:30

“Yǝlam nyɔ nǝn kwama Bʊla Nǝlɨ yǝla ba nʊngǝm dul gǝnɔ lɛɨ.

Roma 14:4

Nǝmɔ mʊ wo mʊ ya bwɨlan nɛ a dul kaa bwɛ jwaalɛ nǝlɨ? Na tɨ tɨɨ, na yal yalɨ, n mwɛ tɛlalɔ gǝnɨ. Jǝ tɨ tɨ nǝn gɔ, jʊ a bwɨɨ Tɛlalɔ nǝn kwaan nɨ tɨ lɛ nǝn gɨɨ.

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 8:19

Kanjǝl nɨ gwam Kwaama a fwalɨ, jǝ ya nǝl lɛ nyangǝn, jǝ yam Kwaama lɛ sǝ a nʊng bɛtɔ lɔ gɨɨ.

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

1 Korinti 5:5

Bɛ jǝ́ dǝg nʊ nɨ a kang Mammɨ, sǝ a kalǝm bʊtɔ bwɨlangkɛl gǝnɔ, sǝ yʊwa gǝnɔ a bʊʊ nǝn kɔkɔ Tɛlalɔɨ.

2 Korinti 1:13

Langǝn bwangǝn nǝnɔ a daa jen woi a nʊng bɔ kaa jǝl nǝn kwan, n jʊ nɨ jǝ́ kiyo kiyoi jǝ́ nyǝmɨ. Mǝ ya nǝl lɛ mǝʊ jǝ́ nyǝm dangǝn,

2 Korinti 1:14

kanga jǝ́ kwɛl jǝ́ nyǝm nǝn dǝm nyɨɨ, sǝ jǝ́ maa lɨyal nǝn nǝn, nǝn tǝnǝn nǝn maa lɨyal nǝn jen, nǝn di Tɛlalɔ bǝn Yesu bɛm lɛɨ.

2 Korinti 1:21

Kwaama nǝn gɔ a nǝ nǝn kwaan nǝbɔ jen a kǝga Kiristii, nǝn gɔ a gul bǝm bwiyeli.

Afisa 5:27

sǝ a do dul gǝnɔ gǝm mʊrkalɨ nǝb bwangtǝm Kwaamaɨ nɨ a bʊm bʊmɨ, mɨ nǝn kʊlan jǝbɔ wʊrmatǝm tɛ bʊtɔ jǝbɔ jǝ bwɨla, a yǝlam sagsag mɨ nǝn jǝ tuwol.

Filibii 1:10

sǝ jǝ́ jǝgǝm kanjǝl nyanɔ, jǝ́ yǝlam nǝb sagsag, nǝb nɨ mɨ nǝn daa tuwoli, ba la nǝn a kum bɛtǝm Kiristii.

Filibii 1:6

Mɨ nyǝmatǝm wo, Kwaama nɨ a tǝl maajɨ nyan nɨ a daa jen woi, yɔ yɔ nǝn a dɨltǝm dɨsɔ a la nǝn a kɔkɔ bɛtǝm Yesu Kiristii.

Kolosii 1:22

Kǝngkɔ Kwaama a dɔ kʊm jenɔ a fɛka jen a gola Kiristii a mʊgɔ bʊtɔ nǝfilii a gola bwaa gǝnɔ gǝm. A maa nyɔ sǝ a nʊng jen a kǝga Kwaamaɨ jǝ́ yǝlam nǝb sagsag, mɨ jen nǝn bwɨlangkɛl, mɨ nǝn jǝ tuwol tag a kǝga gǝn.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

1 Tasalonikaɨ 3:13

Bɛ Kwaama a kwam jem nǝl, jǝ́ yǝlam nǝb nɨ mɨsɔ jǝ tuwo jen nɛɨ, nǝb sagsag a kǝga Kwaama Tɛtɛ bǝnɨ, nǝn kɔkɔ nɨ Tɛlalɔ bǝn Yesu yǝla bɛm lɛ dakini jǝbɔ nǝb sagsag gǝnɔ gwamɨ.

1 Tasalonikaɨ 5:2

Jǝ́ nyǝm nyǝmɨ nǝn kang jen, kɔkɔ bɛtǝm Tɛlalɔɨ bɛ na nǝkuu nǝn kum.

2 Tasalonikaɨ 2:2

bɛ ka nǝl jenɔ ya mǝga lɛ. Ka jǝ́ gung lɛ nǝl jenɔ a nyʊwatǝm kaa kɛl kuwotǝmkǝga, kaa kiyotǝm fulon kaa langǝn bwangǝn, wʊnɨ kaamɨ gɔ a jel a daa nǝn woi gɔ, kɔkɔ bɛtǝm Tɛlalɔɨ a kwɛl a bɛɨ.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 1:18

Bɛ Tɛlalɔ a ji bʊnǝn gǝnɔ nǝn kɔkɔ bɛtǝm gǝnɔ! Ń kwɛl ń nyǝm nyǝmɨ bwɨ tɨkalɨ nɨ a maa a Afisaɨ.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

2 Bitrus 3:10

Kumɔ Tɛlalɔ bɛm lɛɨ, bɛ na nǝkuu. Dʌbʌlɔ shu shu nǝn diil dʊʊn. Gwam jʊtǝb nɨ a dʌbʌl jǝbɔ tǝmɨ twɨm twɨm, ja kala. Tǝmɔ jǝbɔ kanjǝl nɨ a mʊgɔ gǝnɨ, lɛlam lɛlam.

2 Bitrus 3:14

A dul kɛl nɨɨ, kɛtǝlam mɨ nɨ mǝ swɨ lɛɨ, nǝn kwama jǝ́ yam kanjǝl nɨ lɛɨ, jǝ́ maa kwaan ja nya jen mɨ jen nǝn kʊlan, mɨ jen nǝn duto. Jǝ́ maa kwaan ja nya jen jǝ́ yɨ yɨm lǝma a kǝga gǝn.