1 Bitrus 5:9 - Dadiya NT

⁹ Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.

1 Bitrus 5:9 ပူးပေါင်းရင်းမြစ်များ

Luka 22:32

N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

Afisa 4:27

Ka jǝ́ nǝ lɛ Mammɔ gola wo.

Afisa 6:16

A sʊtǝnɨ, bɛ nǝtǝm bɨlǝngkɛlɔ a yǝlam kʊsa jen, wʊnɨ jǝ́ dwal lɛ jǝ́ dum ben kǝla bʊgɔ nǝ bwɨla nɨ nǝnɨ.

Kolosii 2:5

A bʊtɔɨ, mɨ mǝ wo nǝbɔ jen sul, bʊʊlalɨ mɨɨ wo jǝbɔ jen. Mǝ maa fulotǝm nǝl lɛ nǝn yɨm nɨ a daa tʌgo jǝ́ maaɨ jǝbɔ tɨm jenɔ nǝn kwaan jǝ́ tɨ a nǝtǝm bɨlǝngkɛl a daa Kiristi woi.

1 Tasalonikaɨ 3:3

Nǝn twam gǝn kage kaa nǝl a nya komtǝm a mʊgɔ gaalan nɨɨ. Jen nǝn kang jen jǝ́ nyǝm n jʊ ja ya nǝmɨ.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

2 Timoti 4:7

N nɔɔ gaalan, gaalan nyangǝn. N dɨ sʊgɔlɔ. N ta nǝtǝm bɨlǝngkɛlɔ.

Ibranii 11:33

Nǝb nɨ n gola nǝtǝm bɨlǝngkɛl ja ja lɔ fɔlɔntɨnɔ, ja maa jʊ nɨ dǝngdǝngɨ, ja nya yiitǝm swatǝm yaaɨ, ja nʊngǝm nyiyo tulʌmtɨnɨ.

Ibranii 12:8

Na na ja mwɛ jen bɔ kanga jǝ mwɛm tangǝnɔ lɛɨ, na jǝ́ yǝlam bɛtɨ gulen. Jǝ́ ke bɔ bɛtɨ tɛn.

Yakubu 4:7

Bɛ jǝ́ nǝ dul jenɔ a daagɔ Kwaama woi. Jǝ́ kɔ Mammɔ. Mwal jen mwal.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

1 Bitrus 2:21

Kwaama a jo jen sǝ jǝ́ nɔɔ gaalan, jʊ a bwɨɨ Kiristi a nɔɔ gaalan a kɛl dul jen. A bǝla jem mɛlalɨ nɨ sǝ jǝ́ bwangtǝn.

1 Bitrus 3:14

Na jǝ́ nɔɔ nɔɔ gaalan a dul maatǝm jʊ nɨ n dǝngdǝngɨ, jǝ́ nǝb bwilitɨn. “Ka jǝ́ nyʊwa lɛ taal jinɔ. Ka jǝ́ kom lɛ dul jenɔ.”

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.

Dʊgam Nyangnyang 6:11

Nǝngɔ ja tǝga ji bɛllɛ fulontɨnɔ gwam jini. Nǝngɔ ja sʊwa ji gɔ ja fǝb dǝm, a yɔ nǝn a kwama nɨ ja yii dǝngdǝng ladatǝm fatǝm nǝb bwangtǝm jini, kɛtǝlam jinɔ, tangǝn nǝbɔ wo jǝ jʌbo lɛɨ kanga ja jʌbo jii.

Dʊgam Nyangnyang 7:14

Nǝngɔ mǝ jǝla gǝn mǝʊ, “Nǝ dʊʊ, ń nyǝm nyǝmɨ.” Nǝngɔ a sʊwa ɨ gɔ, “N nǝb nɨ a jel a gaalan bwɨlaɨ, ja galam dwang malǝng jinɔ a yǝla fulola nǝn fǝbfǝb nyɨɨ, nǝn tʊʊm Bɛ Gal nɨ.