1 Bitrus 5:10 - Dadiya NT

¹⁰ Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Bitrus 5:10 ပူးပေါင်းရင်းမြစ်များ

Luka 22:32

N maa mʊn keli Bitrus, kage nǝtǝm bɨlǝngkɛl mʊnɔ yal. Na ń yǝla ń bɛɨ, bɛ ń kʊʊ kɛtǝlam mʊnɔ gǝm nǝl.”

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

Roma 15:5

Kwaama nɨ nǝ kʊʊtǝm nǝl lɛ jǝbɔ bwatǝm nǝlɨ, bɛ a nǝ jen yɨm nyan jǝbɔ kambɔ a bwangtǝm Yesu Kiristii,

Roma 16:25

Bɛ bǝlátǝmɔ a ta tʌgo gwanggwang a daa Kwaama woi, wʊnɨ nǝn kwaan a dǝg jen jǝ́ tɨ a mʊgɔ nǝtǝm bɨlǝngkɛl a gola fulon kɛl lǝmɨ nɨɨ, wʊnɨ mǝ kiyo lɛ a dul Yesu Kiristii. Fulon kɛl lǝmɨ nɨ ja yʊ yʊɨ jol jǝbɔ joli.

Roma 9:11

Nǝn kwama a lǝga bɔ a bʌ bɛtɨ yo nɨɨ, nǝn kwama ja lǝga bɔ ja maa jʊ nɨ a bʊmɨ jǝbɔ jʊ nɨ a bʊm bɨɨ, Kwaama a sʊwa gǝn gɔ, “Bwɛ dʊʊnɔ nǝ nǝ bwɛ dwalɨgɔ dʊʊn.” Kwaama a sʊwa nyɔ sǝ a nʊng nʊ nɨ gǝ jǝgǝmɨ, a jǝg gǝn a gola jǝlatǝm gǝn, ke bɔ a dul makajǝng nyantɨn, n jotǝm gǝn.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

1 Korinti 1:10

N kela jen kɛtǝlam mɨ, a mʊgɔ dun Yesu Kiristi Tɛlalɔ bǝnɨ, pʌd jenɔ bɛ nyiyo jenɔ a yǝlam win. Ka beltǝm ya dɔ lɛ kʊm jen. Bɛ jǝ́ mʊrka dul, bʊʊlalɨgɔ win, maajɨgɔ win.

1 Korinti 1:9

Kwaama n nǝ yiitǝm swatǝm yaa. Nǝn gɔ a jo jen a yɨm dakini jǝbɔ Bʊla gɔ Yesu Kiristi Tɛlalɔ bǝnɨ.

2 Korinti 13:11

A dɨltǝmɔ gǝmɨ, kambɔ, bǝ kuwoka kaa di. Jǝ́ yii nǝl jenɔ dangǝn. Jǝ́ nyʊwa keli mǝndɨ. Jǝ́ yɨ yɨm kwamɨgǝn a bʊtɔ jen. Jǝ́ yɨ nǝn yʌbtǝm nǝl. Kwaama n nǝ nǝtǝm yɨm swɨkan jǝbɔ yʌbtǝm nǝl, yɨ yɨ dakini jǝbɔ jen.

2 Korinti 4:17

Gaalan nǝnɔ nɨ dǝmɨ, mɨsɔ tɨm dɨtǝm lɛ. Nǝn gɔ fɛka nǝm dʊʊlǝn nɨ lɛ mɨ dɨtǝm woi, wʊnɨ a laa kwaan jǝ nʊngtǝmɨ.

Filibii 4:13

Mǝ dwal dwal n maa kanjǝlɔ gwam a dul nʊ nɨ nɨ ɨ kwaan nɛɨ.

Kolosii 2:7

Bɛ nʌltɨn jenɔ ya dʊʊl lɛ a mʊgɔ Kiristii. Bɛ kʊlɨ jenɔ a dʊʊl a mʊgɔ gǝn. Bɛ jǝ́ tɨ nǝn kwaan a mʊgɔ nǝtǝm bɨlǝngkɛlɔ gǝm ja mɛla jemi. Bɛ jǝ́ buu gǝm kang a lada.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

2 Tasalonikaɨ 2:14

N kɛl dul jʊ nɨ a jo jeni, a gola fulon kɛl lǝmɨ nɨ nǝn sʊwa jeni, sǝ jǝ́ nya dʊʊlǝn Tɛlalɔ bǝn Yesu Kiristii.

2 Tasalonikaɨ 2:17

a kʊʊ jem nǝl, a nǝ jen kwaan bʊtɔ tag a gola maajɨ nyan jǝbɔ kiyotǝm kɛl.

2 Tasalonikaɨ 3:3

Tɛlalɔ n nǝ tatǝm swatǝm yaa. Sʊ jem sʊ kwaan. Kɨla jen kɨla a daagɔ nǝ bwɨla nɨ woi.

1 Timoti 6:12

Bɛ ń maa kɨlan, kɨlan nya a dul nǝtǝm bɨlǝngkɛl. Bɛ ń kwal kʊlɨ nɨ mɨ dɨtǝm woi, wʊnɨ ja jo ń a dul gǝnɨ, nǝn kwama mʊ nǝm nyiyo a kǝga mʊrkalɨ nǝbɨɨ.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

2 Timoti 2:10

A dul kɛl nɨ mǝ kʊ nǝl lɛ a kanjǝlɔ gǝm gwam a kɛl dul nǝb nɨ ja jǝgamɨ sǝ ji tʌji ja nya bʊʊtǝm a mʊgɔ Kiristi Yesui, sǝ ja nya dɔtǝm dʊʊlǝn nɨ mɨ dɨtǝm woi.

Ibranii 9:15

Kiristi a bʊla sǝ a jǝg ji a bwɨlangkɛl nɨ ja maa a swatǝm yaa tɨkǝgagɔ gǝmɨ. A dul bwaa gǝnɔ gǝm, nǝn gɔ a tɨbǝl swatǝm yaa fɨgɔ gǝmɨ, sǝ nǝb nɨ ja jo jii, ja yo kʊla nɨ mɨ dɨltǝm woi, wʊnɨ ja swam jim yaaɨ.

1 Bitrus 1:15

Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.

1 Bitrus 4:10

Kwaama a nǝ jen nǝtǝm win win. Bɛ ya jǝ́ tɨkaka lɛ nǝn, jǝ́ ta swatǝm yaa nɨ Kwaama a nǝ jen a mʊgɔ lǝma gǝnɨ.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

2 Bitrus 1:3

Kwaama a kwaan gǝn a nǝ bǝn kanjǝlɔ gwam a wʊnɨ bǝ swɨ lɛɨ, a daa tʌgo a nǝl Kwaamaɨ. A nǝ bǝn kanjǝl nɨ a gola nyǝmtǝm gǝnɔ bǝ maaɨ. A jo bǝn sǝ bǝ yɨ yɨm dakini jǝbɔ gɔ a mʊgɔ dʊʊlǝn gǝnɔ gǝm jǝbɔ maatǝm jǝ nyan gǝnɔ.

1 Yohana 2:25

Jʊ nɨ nǝn gɔ n swatǝm yaagɔ a maa bǝmɨ, n kʊlɨ nɨ mɨ dɨtǝm woi.

Yahuza 1:24

Jǝ́ maa Kwaama Nǝbʊʊlɨ bǝnɔ gǝm bǝlátǝm, nʊ nɨ dwal lɛ a kɨla jen a fǝtǝm naa, a yɔ nǝn jen a kǝga dʊʊlǝn gǝnɔ gǝm mɨ nǝn kʊlanɨ, a yɔ nǝn jen nǝn gʌleng fulotǝm nǝl.