1 Bitrus 5:1 - Dadiya NT

¹ Mǝ kel jen nɛ jǝ́ nǝb dʊʊm bwangtǝmɔ a kʊm jeni, mǝ nɨ mǝ nǝ dʊʊ bwangtǝm na jeni, nǝ kuwotǝm nɔɔtǝm gaalan Kiristii, nʊ nɨ mʊrka dul gǝnɔ lɛ a dʊʊlǝn nɨ Kwaama nǝ bǝn nɛɨ. Mǝ nǝn jʊ nɨ mǝ sʊwa jen nɛɨ.

1 Bitrus 5:1 ပူးပေါင်းရင်းမြစ်များ

Luka 24:48

Jǝ́ nǝb nǝtǝm nyiyo a dul kanjǝl nɨ.

Maajɨ Bɛtɔ Twamagɨɨ 1:22

A bʊm nyɔ nʊ nɨ a yǝlam nʊ nɨ a yɨ jǝbɔ bǝn a tǝl nǝn kwama Yohana yʊm mwɛ sagsag lɛɨ, ba la nǝn kwama nɨ Yesu a guni, ja yɔ nǝn gɔ a dʌbʌli. A yǝlam nyɔ win a kʊm nǝb nɨ a nǝ nyiyo a guntǝm gǝnɔ a bwaaɨ jǝbɔ bǝn.”

Maajɨ Bɛtɔ Twamagɨɨ 1:8

Jǝ́ nya nya kwaan na Yʊwa Kwaamaɨ a gǝla jemi. Jǝ́ yǝlam yǝlam nǝb nǝtǝm nyiyo a dul mɨ a Urushalima, jǝbɔ mʊgɔ Yahudiyagɔ gwam, jǝbɔ Samariyagɔ, jǝbɔ daagɔ tǝmɔ a dɨlǝm gwamɨ.”

Maajɨ Bɛtɔ Twamagɨɨ 11:30

Ja maa nyɔ. Ja twam tɨkalɨ nɨ a kang Barnabaɨ jǝbɔ Shawulu, sǝ ja nǝ nǝb dʊʊm nǝb bwangtǝm nɨ a Yahudiyaɨ.

Maajɨ Bɛtɔ Twamagɨɨ 14:23

Kwama ja jǝg nǝb dʊʊmɔ a daatɨn mʊrkalɨ nǝb bwangtǝm Kwaamaɨ gwamɨ, nǝngɔ ja dɔ maatǝm keli jǝbɔ dotǝm diil mwɛɨ, ja dǝg ji a kang Tɛlalɔɨ, wʊnɨ ja nǝ bɨlǝngkɛl nǝn gɨɨ.

Maajɨ Bɛtɔ Twamagɨɨ 15:4

Ya ja la Urushalimaɨ, mʊrkalɨ nǝb bwangtǝm Kwaamaɨ jǝbɔ bɛtɔ twamagɔ jǝbɔ nǝb dʊʊm nǝb bwangtǝmɔ, a yo ji. Nǝngɔ Bulus jǝbɔ Barnaba a sʊwa ji gwam jʊ nɨ Kwaama a maa Bʌtʌbɔ gǝm a gola maajɨ jinɔ gǝmɨ.

Maajɨ Bɛtɔ Twamagɨɨ 15:6

Bɛtɔ twamagɔ jǝbɔ nǝb dʊʊm nǝb bwangtǝmɔ ja mʊrka sǝ ja kiyo kɛl a dul kɛl nɨ gǝm.

Maajɨ Bɛtɔ Twamagɨɨ 2:32

Kwaama a gung Yesu nɨ a bwaa, pʌd gwam nǝnɔ nǝn kuwo kuwoi nǝn nu nǝn.

Maajɨ Bɛtɔ Twamagɨɨ 20:17

A Militus Bulus a twam a Afisa gɔ ja jo dʊʊm mʊrkalɨ nǝb bwangtǝm Kwaamaɨ.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 21:18

Nǝn tǝmsɛlɨ Bulus a bwanga jǝbɔ nǝn a daagɔ Yakubu woi. Dʊʊm nǝb bwangtǝmɔ gwam jǝ wo.

Maajɨ Bɛtɔ Twamagɨɨ 3:15

Nǝngɔ jǝ́ jʌ nʊ nɨ nǝn gɔ jʌng kʊlɨgɨɨ. Kwaama a gung gǝn a bwaagɔ gǝm. Nǝn nǝ yǝlam nǝb nɨ a kuwo kanjǝl nɨɨ.

2 Korinti 5:1

Bʊtɔ bǝnɔ gǝ na na gushi. Bǝ nyǝm na ja kʌbi, Kwaama a maa bǝm kaa lɔ a dʌbʌl, wʊnɨ ke bɔ nǝl a mɔ nǝn kang gǝnɨ, wʊnɨ mɨ dɨtǝm woi.

2 Korinti 5:8

Nǝn nǝn bɨtǝm nǝl. Nǝn swɨ lɛ na laa laa jǝl nǝn wʊlaka nǝn bʊtɔ nɨɨ, nǝn yɨ a daagɔ Tɛlalɔ woi.

Filibii 1:19

jʊ a bwɨɨ n nyǝm mǝʊ n gola keli jenɔ jǝbɔ tɨkalɨ Yʊwa Yesu Kiristii nǝn gɔ jǝg ɨ lɛɨ.

1 Timoti 5:1

Bɛ ka ń ga lɛ nǝ dʊʊ gǝm wulong. Bɛ ń sʊwa gǝn kɛlɔ na nʊ a bʌ ńi. Bayǝlǝmɔ bɛ ń do ji na kɛtǝlam mʊn.

1 Timoti 5:19

Ka ń yo lɛ kɛl tuwol a dul nǝ dʊʊ mʊrkalɨ nǝb bwangtǝm Kwaamaɨ, na ke bɔ a nyiyo nǝb nǝtǝm nyiyo yo a yɔ nǝn a taal ja sʊwa gɔ gǝ na nyɨɨ.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Titus 1:5

Mǝ bǝla ń a Karita sǝ ń tagǝm fɛkatǝm kanjǝl nɨ a bǝlaɨ, sǝ ń ya nǝb dʊʊm bwangtǝmɔ a tuulɔtɨnɔ gǝm gwam, kanga mǝ dǝg ńɨ.

Filimon 1:9

A kɛl dul swɨkan, a bʊm nyɔ n kela ń ń maa nyɔ, mǝ, Bulus dʊʊ, n wɔ kǝngkɔ tag mǝ bwɛ lɔsomii a kɛl dul Yesu Kiristii.

Ibranii 12:1

Na nɨ mʊrkalɨ nǝb nǝtǝm nyiyogɔ a lada nyɔ ja kang bǝn jǝ dʌng bǝn nɛɨ, bɛ bǝ tǝlam kanjǝl tuulogɔ jǝbɔ bwɨlangkɛl nɨ a ta bǝn gʊ bǝn nɛ nǝn guli, bɛ bǝ mwal sʊgɔl laakatǝm nɨ a kǝga bǝnɨ nǝn kʊtǝm nǝl.

1 Bitrus 1:12

Kwaama a kwɛl a nʊng ji gɔ, maajɨ nɨ jǝ maa lɛɨ ke bɔ a kɛl dul nyatǝm jin, n kɛl dul nyatǝm jen. Kanjǝl nɨ ja sʊwaɨ, kǝngkɔ kaam nǝbɔ kiyo jem fulon kɛl lǝmɨ nɨ lɛ nǝn kwaan Yʊwa Kwaamaɨ a twam a dʌbʌli. N kanjǝlɔ bɛtɔ twama Kwaamaɨ ya nǝl lɛ sǝ jǝ nyǝmɨ.

1 Bitrus 1:7

Gaalantɨn nɨ a bɛ sǝ a nʊng nǝtǝm bɨlǝngkɛl jenɔ n dǝngdǝng. (Nǝtǝm bɨlǝngkɛl nɨ a laa mʊnɔ kemʌni, mʊnɔ dɨ dɨ, jǝ tɛl gǝn tɛl nǝn kǝla). N kɛl dul nǝtǝm bɨlǝngkɛl jenɔ, Kwaama nǝ jen bǝlátǝm lɛɨ jǝbɔ dʊʊn jǝbɔ gungtǝm nǝn kwama Yesu Kiristi bɛm lɛɨ.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.

1 Yohana 3:2

Jǝ́ fatǝm nyan mǝndɨ, kǝngkɔ bǝ bɛtɔ lɔ Kwaamaɨ. Kanga bǝ yǝlam lɛ a kǝgaɨ, bǝ nyǝm bɔ dɨn. Bǝ nyǝm na a bɛɨ, bǝ yǝlam na gɔ, jʊ a bwɨɨ bǝ kuwo gǝn kuwo nyangnyang.

2 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla nɔɔlɨ nɨ gǝm lɛ Kwaama a jǝgǝmɨ, jǝbɔ bɛtɔ lɔ gɨɨ wʊnɨ mǝ swɨ lɛ nǝn bɨlǝngǝnɨ. N ke bɔ mǝ kwaamɨ mǝ swɨ jen nɛɨ, jǝbɔ nǝbɔ gwam ja nyǝm bɨlǝngkɛlɨ.

3 Yohana 1:1

Nǝmǝ mǝ Yohana, mǝ nǝ dʊʊ mʊrkalɨ nǝb bwangtǝm Kwaamaɨ, mǝ mʊla Gayus gǝm lɛɨ, nʊ nɨ mǝ swɨ lɛ nǝn bɨlǝngǝnɨ.

Dʊgam Nyangnyang 1:9

Nǝmǝ mǝ Yohana kɨla jen, fwalɨ yɨm jǝbɔ jen a mʊgɔ gaalan jǝbɔ fɔlɔn jǝbɔ kʊtǝm nǝl, a mʊgɔ Yesui. Mǝ na fʌlen a tɨbǝl tǝm nɨ a mʊgɔ wɨma nɨ jǝ jo lɛ gɔ Batamusaɨ. Mǝ na fʌlen a dul kɛl Kwaamaɨ jǝbɔ nǝtǝm nyiyo a kɛl dul Yesui.