9 Ya jǝ́ yobka lɛ a mʊgɔ lɔtɨn jenɔ gǝm, mɨ kʊngatǝm wo.
Bɛ jǝ́ tɨka nǝb sagsag nɨ mɨ nǝngǝnɨ. Bɛ ya jǝ́ yo faabǝmɔ lɛ nǝn fulotǝm nǝl.
Gayus, nʊ nɨ a shig i a mʊgɔ lɔ gɨɨ, nʊ nɨ yo mʊrkalɨ nǝb bwangtǝm Kwaamaɨ lɛ a mʊgɔ lɔ gɨɨ, yal jen nɛ. Arastas nǝ gol kemʌn tuulɔngɔ jǝbɔ kɨla bǝn Kawartas, jǝ yal jen nɛ.
Gwam jenɔ bɛ jǝ́ nǝ kanga jǝ́ maa bʊʊlalɨɨ, ke bɔ sɨnatǝm jen jǝbɔ kaltǝm nǝl, jʊ a bwɨɨ Kwaamagɔ swɨ nʊ nɨ lɛ maa nǝtǝm lɛ nǝn fulotǝm nǝlɨ.
Bɛ jǝ́ maa kanjǝlɔ gwam mɨ kʊngatǝm wo jǝbɔ gʊbkatǝm.
Nʊ nɨ dʌng mʊrkalɨ nǝb bwangtǝm Kwaamaɨ lɛɨ, bɛ a yǝlam nʊ nɨ mɨ nǝn jǝ tuwoli, nǝ nɔɔlɨ win, nǝ tatǝm dul, nʊ nɨ a dǝg kang a sʊɨ, nʊ nɨ ja jǝla nǝn gɨɨ, nʊ nɨ dʌng faabǝm lɛɨ, nʊ nɨ a nyǝm mɛlalɨ.
Bɛ a yǝlam nʊ nɨ shig faabǝm lɛɨ, nʊ nɨ swɨ maatǝm jǝ nya lɛɨ, nʊ nɨ a dǝg kang gǝnɔ a sʊɨ, nǝ dǝngdǝng, nǝ sagsag, nǝ tatǝm dul,
Mǝ swɨ bɔ n maa kanjǝl nɨ mɨ nǝn jǝlatǝm mʊn, kage jǝ nyan nɨ mʊ maaɨ a yǝlam nǝn kwaan, ke bɔ nǝn swɨtǝm mʊn.
Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.
Bɛ ka jǝ́ bǝla lɛ shigtǝm faabǝmɔ. A gola maatǝm nyɔ kaamɨ a shig bɛtɔ twama Kwaamaɨ mɨ nǝn nyǝmtǝmɨ.
Kambɔ, jǝ́ bǝla kʊngatǝmɔ wo a kʊm jen, kage ja biyo jem borang. Nǝ biyotǝm borangɔ bɛ lɛ. N wɔ tɨm a nyanga kan.
