1 Bitrus 4:4 - Dadiya NT

⁴ A yǝlam fatǝlam jenɔ gǝm galɨgǝnɨ jǝ tatǝm kang a nyiyo gɔ, mɨ jǝ́ mʊrka dul lɛ jǝbɔ ji kǝngkɔ a maatǝm kanjǝl bwɨlantɨn. Jǝ tuwo jen nɛ.

1 Bitrus 4:4 ပူးပေါင်းရင်းမြစ်များ

Matta 23:25

“N mwɛ jen, nǝb mɛlalɨ diilɔ jǝbɔ nǝbɔ Farisaɨ, nǝb fento nǝn kwan! Jǝ́ saal gul kʌshi nɔɔmwɛnɔ jǝbɔ kʌshi jajɨgɔ. Mʊgɔ jinɔ a yii nǝn wɛl jǝbɔ swɨtǝm dul.

Luka 15:13

“A kʊta bɔ, nǝngɔ bwɛ dwalɨgɔ a mʊr kanjǝl gǝnɔ gwam a bǝla lɔngɨ. A shu a kaa tuulɔ nɨ a kʊta kʊtaɨ, ya jʌm kanjǝl gǝnɔ a yʊwaɨ.

Maajɨ Bɛtɔ Twamagɨɨ 13:45

Kwama nǝb dʊʊm Yahudawagɔ a kuwo mʊrkalɨ nǝbɨɨ a lada nyɨɨ, nǝngɔ ja ta maatǝm nungonɔ dangǝnɨ. Jǝ buwo kɛltɨn nɨ lɛ Bulus a sʊwaɨ. Jǝ tuwola gǝn nɛ tag.

Maajɨ Bɛtɔ Twamagɨɨ 18:6

Jǝ bǝng gǝn nɛ, jǝ tuwola gǝn nɛ. N dul kɛl nɨ a fʌrʌm dwang gǝnɔ a sʊwa ji gɔ, “Bɛ tʊʊm jenɔ a yɨ a dul jen! Mǝ, mɨ mǝ nǝn bwɨlangkɛl. Jʊ a ta a dwiyeni, mǝ yi a daagɔ Bʌtʌbɔ woi.”

Roma 13:13

Bɛ bǝ yɔ yɔm nyan kanga a daa tʌgo nǝn kɔkɔɨ. Ka jǝ́ mʊrka lɛ a daa nɨ jǝ́ maam jǝ bwɨla lɛɨ, ka jǝ́ nɔɔ lɛ bʊgɛ ya maa jen nɛ, ka jǝ́ maa lɛ bulon, jǝbɔ jǝ gunidul, jǝbɔ gʊbkatǝm, jǝbɔ nungon.

Afisa 5:18

Ka jǝ́ nɔɔ lɛ bʊgɛ a maa jen, wʊnɨ kal kʊlɨ jenɔ lɛɨ. A laa jǝl jǝ́ yii nǝn Yʊwa.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

2 Bitrus 2:12

Nǝb nɨ ja maa na yʊwal, mɨ ji nǝn bʊʊlalɨ. Jǝ bwangtǝn jʊ bʊtɔ jinɔ a sʊwa jii. Ja bʌ ji, sǝ ja ta ji ja jʌ. Jǝ sʊwa kanjǝl bwɨlan nɛ a dul jʊ nɨ ja nyǝm bɨɨ. Jǝ bʊla na yʊwal kuul.

2 Bitrus 2:22

Jʊ nɨ ja maaɨ a yɔ dǝngdǝng jǝbɔ mʊsǝn kɛl bɨlǝngkɛl nɨ sʊwa lɛ gɔ, “Sǝganɔ a gwɨ a yǝla a debla,” jǝbɔ, “Nyiyoli nɨ ja yʊ gǝn mwɛɨ, a yǝla a bʌlto a mʊgɔ boltoi.”

Yahuza 1:10

Nǝb nɨ soga kanjǝl nɨ lɛ ja nyǝm bɨɨ, kanjǝl nɨ ja nyǝmɨ na a bʊtɔ, ja maa na yʊwaltɨn, mɨ ji nǝn yʊlan, gola dɨltǝm jinɔ n kalatǝm.