1 Bitrus 4:17 - Dadiya NT

¹⁷ Kwamagɔ a la, jǝ tǝl maatǝm borangɔ a dul nǝb Kwaamaɨ. Na jǝ tǝl nǝn bǝnɨ, n wɛ bwɨ lɛ a dɨltǝmɔ gǝm a nǝb nɨ a kɔ bwangtǝm fulon kɛl lǝmɨ Kwaamaɨ?

1 Bitrus 4:17 ပူးပေါင်းရင်းမြစ်များ

Luka 23:31

Na nǝbɔ a maa kanjǝl nɨ nǝn kwama tɨyagɔ yʌbi gǝnɨ, n wɛ bwɨ lɛɨ na a kʊshɨɨ?”

Roma 1:1

Nǝmǝ mǝ Bulus, bwɛ jwaalɛ Yesu Kiristii, bwɛ twama wʊnɨ a jo, a jǝgǝm a dul kiyotǝm fulon kɛl lǝmɨ Kwaamaɨ.

Roma 2:9

Nǝb nɨ gwam maa bwɨlan nɛɨ, jǝ nɔɔ nɔɔ gaalan jǝbɔ gʌtǝm. Tǝl nǝn Yahudawagɔ, sǝ a la Bʌtʌbɔ.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Galatiya 5:7

Galɨgǝn, jǝ́ ja kǝga lɛ nyangǝn. Nuwo a kaa jen a bwangtǝm bɨlǝngkɛlɨ?

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

2 Tasalonikaɨ 1:8

Mwɛ mwɛ nǝb nɨ a nyǝm bɔ Kwaamaɨ, jǝbɔ nǝbɔ a kɔ bwangtǝm fulon kɛl lǝmɨ Tɛlalɔ bǝn Yesui.

1 Timoti 3:15

na a yǝlam mǝ ta ta bʊtɔɨ, bɛ ń nyǝm yɨm nɨ a bʊm nǝbɔ yɨ lɛ a mʊgɔ lɔng Kwaamaɨ, wʊnɨ nǝn gɔ mʊrkalɨ nǝb bwangtǝm Kwaamaɨ, a Kwaama Nǝ Kʊlɨɨ. Mʊrkalɨ nǝb bwangtǝm Kwaamaɨ nǝn gɔ tɨya lɔng bɨlǝngkɛlɔ jǝbɔ fʌlʌm gǝnɨ.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

Ibranii 2:2

Kɛl nɨ ja sʊwa a nyiyo bɛtɔ twama Kwaamaɨ, n diil. Nǝb nɨ gwam a kɔ nyʊwatǝmɔ, ja bwangtǝn bɨɨ, ja mwɛ ji dǝngdǝng a dul jʊ ja maaɨ.

Ibranii 2:4

Kwaama a mʊrka nǝtǝm nyiyo tǝgǝn jǝbɔ a jinɔ a dul bʊʊlɨ nɨ, a daa kanjǝl nʊngtǝm jǝbɔ kanjǝl laatǝm kang jǝbɔ kanjǝl tatǝm kang a nyiyo jǝbɔ nǝtǝm lǝma Yʊwa Kwaamaɨ nǝn dʌmʌn, wʊnɨ a tǝga kanga a swɨmɨ.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Bitrus 2:8

nǝngɔ tag, “N tɛl nɨ dǝg nǝbɔ fǝtǝm naa lɛɨ, nǝn gɔ dǝg yalatǝm lɛɨ.” Ja maa fǝtǝm naa a kɛlɔ gǝm, jʊ a bwɨɨ ja kɔ bwangtǝm kɛl gǝnɔ. N jʊ a yǝlam jim nyɨɨ.