1 Bitrus 4:12 - Dadiya NT

¹² Fatǝm nyan mǝndɨ, ka jǝ́ ta lɛ kang a nyiyo a nɔɔtǝm gaalanɔ nya jen nɛ sǝ a tɛl jeni. Ka jǝ́ bʊʊla lɛ na kaa faabɨ jǝl bwɨ lɛ nǝn jeni.

1 Bitrus 4:12 ပူးပေါင်းရင်းမြစ်များ

1 Korinti 10:13

Mɨ kaa tɛltǝm nɨ a nya jen a wʊnɨ ja maa bɔ nǝfili gǝm woi. Kwaama n nǝ yiitǝm swatǝm yaa. Mɨsɔ bǝla lɛ ja tɛl jen nǝn jʊ nɨ laa kwaan jenɔ lɛɨ. A tɛltǝmɔ gǝmɨ, maa jem maa gola nɨ jǝ́ jelʌm lɛɨ, sǝ jǝ́ bwa nǝlɨ.

1 Korinti 3:13

Maajɨ nǝbɨɨ gwam nʊng nʊng, jʊ a bwɨɨ nǝn kɔkɔ borangɔ, wumo wumo. Jǝ nʊng gǝn nǝn kǝla. Kǝla nɨ tɛl tɛl maajɨ nǝbɨɨ pʌd ja maaɨ, na ja maa a nya jǝbɔ a bwɨlaɨ.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

1 Bitrus 4:4

A yǝlam fatǝlam jenɔ gǝm galɨgǝnɨ jǝ tatǝm kang a nyiyo gɔ, mɨ jǝ́ mʊrka dul lɛ jǝbɔ ji kǝngkɔ a maatǝm kanjǝl bwɨlantɨn. Jǝ tuwo jen nɛ.

1 Bitrus 5:9

Bɛ jǝ́ kɔ gǝn, jǝ́ tɨ nǝn kwaan a nǝtǝm bɨlǝngkɛl jenɔ gǝm. Jǝ́ kwɛl jǝ́ nyǝm nyǝmɨ kɛtǝlam jenɔ a yooli nɨɨ pʌd, ja kwɛl ja ya jim yaɨ nɔɔtǝm gaalanɔ.