1 Bitrus 3:20 - Dadiya NT

²⁰ Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

1 Bitrus 3:20 ပူးပေါင်းရင်းမြစ်များ

Matta 7:14

Nyanga kanɔ yɔ lɛ nǝn jen a kʊlɨɨ, a gwag gwagɨ, gola gǝnɔ a bwa dɔtǝm, nǝbɔ yɔ lɛ woi a lada bɔ.

Luka 12:32

“Nǝbam mɨ, ka jǝ́ nyʊwa lɛ taal. Tɨya jen nyʊwa lǝma lɛ a nǝ jen fɔlɔn gǝnɔ.

Maajɨ Bɛtɔ Twamagɨɨ 2:41

Nǝb nɨ a jǝla nǝn kɛl Bitrusi, nǝngɔ ja yʊ ji mwɛ sagsagɨɨ. A di gɔ, ja nya nǝb bwangtǝmɔ a sʊ nǝbɔ fʊlkʊblǝn taal.

Roma 9:22

Kwaama swɨ lɛ a nʊng nabwɨl gǝnɔ jǝbɔ kwaan gǝnɔ, a dul nǝb nɨ a la jʌtǝmɨ. A na nyɔ a kʊ nǝl jǝbɔ ji.

Afisa 5:26

A maa nyɔ sǝ a dǝg gǝn sagsag, a gola saaltǝm gǝn nǝn mwɛ sagsag, a mʊgɔ Kɛl Kwaamaɨ,

Ibranii 11:7

N gola nǝtǝm bɨlǝngkɛl Nuhui, nǝn kwama nɨ Kwaama a gʊ gǝm lɔl a dul kanjǝl nɨ ja kuwo bɔ dɨnɨ, nyʊwa taal Kwaamaɨ lɛ. Nǝngɔ a swiyo gʌleng tɨyamwɛngɔ sǝ a bʊʊ nǝn nǝbɔ lɔ gɨɨ. N gola nǝtǝm bɨlǝngkɛl tag a nʊng yooligɔ bwɨlangkɛl gǝnɨ, a yǝlam nǝ dǝngdǝng a kǝga Kwaamaɨ wʊnɨ nyatǝm gǝnɔ gǝ na a gola nǝtǝm bɨlǝngkɛlɨ.

1 Bitrus 1:22

Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 1:9

Jǝ́ maa fulotǝm nǝl lɛ, jʊ a bwɨɨ jǝ́ nya jǝgtǝm dul, n kɛl dul nǝtǝm bɨlǝngkɛl jenɔ.

1 Bitrus 2:25

Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

1 Bitrus 3:19

A mʊgɔ yʊwa tag a yɔ a daagɔ yʊwatɨn nɨ a mʊgɔ lɔsomii, a kiyo jimi.

1 Bitrus 4:19

A kɛl dul jʊ nɨɨ, nǝb nɨ a nɔɔ gaalan a dul jʊ nɨ Kwaama swɨ lɛ a bwɨɨ, bɛ ja dǝg kʊlɨ jinɔ a daagɔ nǝ yiitǝm swatǝm yaa jinɔ woi, nǝ fwaltǝm jinɔ, ja ja kǝga nǝn maatǝm jʊ nɨ dǝngdǝngɨ.

2 Bitrus 2:5

A nyʊwa bɔ bʊnatǝm nǝb bwɨlan nɨ galɨgǝn tagɨ. Kwama a tʊng mwɛ fʌlʌmtǝm yooli a dul nǝb nɨ a bwangtǝn bɔ Kwaamaɨ, a kɨla Nuhu jǝbɔ kaam nǝbɔ nʌbʌl. Nuhu a sʊwa fulon kɛlɔ sǝ nǝbɔ a yɔ dǝngdǝng jǝbɔ Kwaama.

2 Bitrus 3:15

Bɛ jǝ́ nyǝm bwatǝm nǝl Tɛlalɔ bǝnɨ, gǝ nʊng gǝ swɨ lɛ nǝbɔ a bʊʊ. Kɨla bǝn Bulus wʊnɨ bǝ swɨ lɛɨ, a mʊla jem nyɔ tǝgǝn a nyǝmtǝm nɨ Kwaama a nǝ gǝnɨ.