1 Bitrus 3:18 - Dadiya NT

¹⁸ A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Bitrus 3:18 ပူးပေါင်းရင်းမြစ်များ

Matta 27:19

Nǝn kwama nɨ gǝ yǝm a daa yɨm maatǝm borangɨ, nǝngɔ nwala gɔ a twam gǝm gɔ, “Jelʌm a gola nǝ dǝngdǝng nɨ gǝm, jʊ a bwɨɨ dwiyen n dɔta nǝn dʊgam a dul gǝn.”

Matta 27:24

Bilatus a kuwo ga laa bɔ kwaan jinɔ, kutʌmɔ swɨ lɛ a guni, nǝngɔ a dʊwa mwɛmɔ a saalǝm kang gǝnɔ a kǝga nǝbɨɨ, a sʊwa gɔ, “A mǝndɨ n jelʌm mɨ mwɛ mɨ wo a tʊʊm nʊ nɨ gǝm. Wʊnɨ n mwɛ jen.”

Yohana 16:10

Bʊʊlalɨ jinɔ mɨ dǝngdǝng a jʊ nɨ dǝngdǝngɨ, jʊ a bwɨɨ mǝ yi a daagɔ Tɛtɛ woi, mɨsɔ jǝ́ kuwo i lɛ wo tag.

Maajɨ Bɛtɔ Twamagɨɨ 22:14

“Nǝngɔ a sʊwa ɨ gɔ, ‘N Kwaama tʊgalam bǝnɨ a jǝg ń sǝ ń nyǝm jʊ swɨ lɛɨ, sǝ ń kuwo Nǝ Dǝngdǝng nɨ, sǝ ń nyʊwa kɛl gǝnɔ.

Maajɨ Bɛtɔ Twamagɨɨ 3:14

“A jenɔ jǝ́ kɔ Nǝ Sagsag nɨ, Nǝ Dǝngdǝngɔ. Jǝ́ bʌ gola jengɔ ja dem jem kang a nǝ jʌtǝm dulɔ gǝm.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Roma 4:25

Wʊnɨ ja jʌ a kɛl dul bwɨlangkɛl bǝnɨ, Kwaama a gung gǝn sǝ bǝ yǝlam dǝngdǝng a daa gǝ woi.

Roma 5:2

N daa gǝ woi bǝ nya lǝma nɨ bǝ yǝm woi, a gola nǝtǝm bɨlǝngkɛl. Bǝ maa lɨyal lɛ jǝbɔ yatǝm nǝl a dʊʊlǝn Kwaamaɨ.

Roma 8:11

Na Yʊwa nɨ a gung Yesu a bwaaɨ yǝm a nǝl jeni, nʊ nɨ a gung Kiristi Yesu a bwaaɨ fulo fulo nǝn bʊtɔ jenɔ nɨ n bwaaɨ, a gola Yʊwa gǝnɔ nɨ yǝm a nǝl jeni.

Roma 8:3

Jʊ nɨ mɨsɔ diilɔ dwal lɛ a maaɨ, jʊ a bwɨɨ n yɨm bwangtǝm bʊtɔ a dǝg diilɔ a gɨyaɨ, Kwaama a maa. A twam bʊla gɔ nǝn kang gǝn a jelkalǝng bʊtɔ bǝnɔ nɨ n bʊtɔ bwɨlangkɛlɨ, sǝ a yǝlam tǝlatǝm twama a dul bwɨlangkɛl, sǝ a kalǝm bwɨlangkɛlɔ a bʊtɔ bǝn.

2 Korinti 1:24

Ke bɔ kɛl nʊngtǝm kwaan a nǝtǝm bɨlǝngkɛl jenɔ gǝm nǝn nʊng jen nɛɨ. Mɨ nyɔ. Nǝn maa maajɨgɔ dakini jǝbɔ jen, sǝ jǝ́ maa fulotǝm nǝl, jʊ a bwɨɨ jǝ́ tɨ nǝn kwaan a nǝtǝm bɨlǝngkɛl jenɔ gǝm.

2 Korinti 13:4

Ja kʊʊ Kiristi sul na nʊ nɨ a gɨya gɨyaɨ, kǝngkɔ nǝngǝn nǝn kʊlɨ nǝn kwaan Kwaamaɨ. Nǝn tǝnǝn nǝn gɨya na gɔ sul, nǝn nǝn kʊlɨ jǝbɔ gɔ a kwaan Kwaamaɨ, dɨsɔ nǝn maa jem maajɨ.

2 Korinti 5:21

Gǝ nɨ a maa bɔ bwɨlangkɛlɨ, Kwaama a dǝg gǝn a yǝlam nǝ bwɨlangkɛl a kɛl dul bǝn, sǝ bǝ nya yotǝm Kwaamaɨ a gola gǝn.

Galatiya 1:4

Yesu Kiristi a nǝ dul gǝnɔ a dul bwɨlangkɛl bǝn, sǝ a jǝg bǝn a mʊgɔ bwɨlan yooli nɨ gǝm. Wʊnɨ nǝn gɔ swɨtǝm Kwaama Tɛtɛ bǝnɨ.

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Afisa 3:12

N kɛl dul Kiristii jǝbɔ nǝtǝm bɨlǝngkɛl a daa gǝ woi, bǝ mwɨ bǝ bɛ lɛ a daa Kwaama woi, mɨ taal woi.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Yakubu 5:6

Nǝbɔ dǝngdǝngɨ, jǝ́ mwatɨ jim borang bwɨla, jǝ́ jʌbo ji. Ja kɔ jen bɔ.

1 Bitrus 3:19

A mʊgɔ yʊwa tag a yɔ a daagɔ yʊwatɨn nɨ a mʊgɔ lɔsomii, a kiyo jimi.

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.

1 Bitrus 4:6

N jʊ a bwɨ ja kiyo fulon kɛl lǝmɨgɔ a nǝb nɨ gǝm mɨ nǝn kʊlɨɨ, nǝb nɨ ja biyo jim borang a mʊgɔ bʊtɔɨ, sǝ ja nya ja yɨ a mʊgɔ yʊwa, na Kwaama.

1 Yohana 1:9

Na bǝ sʊwa bwɨlangkɛl bǝnɨ, gɔ, n nǝ yiitǝm swatǝm yaa, n nǝ dǝngdǝng, kǝlǝm bǝm kǝlǝm bwɨlangkɛl bǝnɔ, sǝ a saalǝm bǝn a jʊ nɨ bǝ maa lɛ gwam n ke bɔ dǝngdǝngɨ.