1 Bitrus 3:16 - Dadiya NT

¹⁶ Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

1 Bitrus 3:16 ပူးပေါင်းရင်းမြစ်များ

Matta 5:11

“Bwiligɔ na a jen, nǝn kwama nǝbɔ a tuwo jeni, ja nǝ jen gaalanɨ, ja sʊwala jen kɛl bwɨlantɨn a kɛl dul mɨɨ.

Maajɨ Bɛtɔ Twamagɨɨ 24:16

N jʊ a bwɨ kwangkwang mǝ sʊ kwaan nɛ, mɨ mǝ nǝn kaa komtǝm wo a nǝl mɨ a kǝga Kwaamaɨ jǝbɔ nǝbɔ.

Maajɨ Bɛtɔ Twamagɨɨ 28:22

Nǝn swɨ lɛ nǝn nyʊwa a nyiyo mʊn jǝbɔ jʊ mʊ kuwoi. Jʊ nǝn nyǝmɨ nǝn gɔ, n kaam mʊrkalɨ nǝb bwangtǝm fɨ nɨ nǝbɔ gwam sʊwala kɛl bwɨlan nɛ a dul gǝnɨ.”

Roma 9:1

N bɨlǝngkɛl mǝ sʊwa lɛɨ, ke bɔ gabakɛl, jʊ a bwɨɨ mǝ na a Kiristi Yesui. Nǝl mɨ nǝn gɔ nɨ ɨ bwatǝm guu lɛɨ a gola Yʊwa Kwaamaɨ gɔ

2 Korinti 1:12

Lɨyal nǝnɔ nǝn gɔ, nǝl nǝnɔ a nʊng gɔ nǝn yɨ yɨm sagsag a yooli nɨ mɨ swɨtǝm dul wo, a bɛ a daagɔ Kwaama woi, a laa nyɔ jǝbɔ jen. Ke bɔ a yʊlan nǝfilii, n yɨm dul a lǝma Kwaamaɨ.

2 Korinti 4:2

Nǝn kɔ kanjǝl gunidul nɨ yǝlam jǝ yʊtǝm lɛɨ, mɨ swagkatǝm wo. Nǝn fʌto bɔ kɛl Kwaamaɨ. Nǝn sʊwa mɛlalɨ bɨlǝngkɛl a talɨ. N daa nɨ nǝbɔ nyǝm lɛ a nǝl jin gɔ nuwo nǝn nǝnɨ.

1 Timoti 1:19

Ń ta nǝtǝm bɨlǝngkɛlɔ a mʊgɔ nǝl nɨ mɨ komtǝm woi a bʊm bʊmɨ. Kaam nǝbɔ a kɔ bwangtǝm kanjǝl nɨ nǝl jinɔ a sʊwa jii, ja kal nǝtǝm bɨlǝngkɛl jinɔ.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

2 Timoti 1:3

N buu Kwaama gǝm kang, nʊ nɨ mǝ maa gǝm maajɨ lɛ a mʊgɔ nǝl nɨ mɨ komtǝm woi, kanga tʊgam tʊgalam mǝndɨ a maaɨ. N buu Kwaama gǝm kang, kwama nɨ gwam mǝ bʊʊla lɛ nǝn mɔ a mʊgɔ kelii, kum jǝbɔ kɔkɔ.

Titus 2:8

jǝbɔ kɛl nya nɨ mɨsɔ jǝ tuwo gǝn nɛɨ, sǝ nǝb kiim mʊnɔ a nyʊwa gunidul mɨ ji nǝn jǝ bwɨla nɨ jǝ sʊwa lɛ a dul bǝnɨ.

Ibranii 13:18

Jǝ́ maa nǝm keli. Nǝn nyǝm nyɔ nǝn nǝn mʊgɔ nǝl nɨ mɨsɔ nǝn nyʊwa gunidul lɛɨ. Nǝn swɨ lɛ nǝn yɨ yɨm nǝnɔ a gola nyan.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 2:15

N jǝlatǝm Kwaamaɨ a gola maatǝm jǝ nya, jǝ́ mǝlǝm gola nǝb nɨ a swɛla swɛlaɨ.

1 Bitrus 2:19

Nʊ nɨ a nɔɔ gaalan a dul jʊ nɨ ga maa bɨɨ, na ga nɔɔ a dul bʊʊlalɨ kɛl Kwaamaɨ, n jǝ bǝlátǝm.

1 Bitrus 3:21

Mwɛ nɨ a nʊng yʊtǝm mwɛ sagsag, wʊnɨ a bʊʊ nǝn jen kǝngkɨɨ. Yʊtǝm mwɛ nɨ ke bɔ saaltǝm duto a bʊtɔ, n gola keli Kwaamaɨ nyangǝn sǝ a nǝ ji mʊgɔ nǝl nɨ mɨ gunidul woi. Yʊtǝm mwɛ nɨ nǝn gɔ a bʊʊ nǝn jen a gola guntǝm Yesu Kiristii a bwaaɨ.

1 Bitrus 4:4

A yǝlam fatǝlam jenɔ gǝm galɨgǝnɨ jǝ tatǝm kang a nyiyo gɔ, mɨ jǝ́ mʊrka dul lɛ jǝbɔ ji kǝngkɔ a maatǝm kanjǝl bwɨlantɨn. Jǝ tuwo jen nɛ.