1 Bitrus 3:11 - Dadiya NT

¹¹ Bɛ ga bǝla bwɨlanɔ, ga maa jǝ nya. Bɛ ga saa yɨm lǝma, ga ta gwanggwang.

1 Bitrus 3:11 ပူးပေါင်းရင်းမြစ်များ

Matta 5:45

Jǝ́ maa nyɔ sǝ jǝ́ yǝlam bɛtɔ lɔ Tɨya jen nɨ a dʌbʌli, jʊ a bwɨɨ gǝ dǝg dǝg nu kwamagɔ a gwi a dul nǝb bwɨlamɔ gǝm jǝbɔ nǝb nyanɔ, gǝ swiyo swiyo nǝb dǝngdǝngɔ jǝbɔ nǝbɔ mɨ dǝngdǝngɨ gǝm mwɛ.

Matta 5:9

Bwiligɔ na a nǝb nɨ mʊrka yɨm kwamɨgǝn nɛɨ, jʊ a bwɨɨ jǝ jo ji gɔ bɛtɔ lɔ Kwaamaɨ.

Matta 6:13

Bɛ ka ń yɔ lɛ nǝn bǝn a daa tɛltǝm. Bɛ ń jǝg bǝn a daa nǝ Bwɨlagɔ woi. [Jʊ a bwɨɨ, fɔlɔnɔ jǝbɔ kwaanɔ jǝbɔ dʊʊnɔ na a mɔ, mɨ dɨtǝm wo. A daa nyɔ.]’

Markus 14:7

Nǝb bʊnǝnɔ jǝ na jǝbɔ jen kwangkwang. Na jǝ́ swɨ lɛ jǝ́ maa jim jǝ nyaɨ, jǝ́ maa jim maa. N ke bɔ kwangkwang nǝbɔ jeni.

Luka 1:79

sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”

Luka 6:35

Jǝ́ swɨ nǝb kiim jenɔ, jǝ́ maa jim jǝ nya. Jǝ́ nǝ nǝbɔ naan ka jǝ́ bʊʊla lɛ ywatǝmɔ. Maatǝmɔ nyɨɨ jǝ́ nya nya bwili nɨ a ladaɨ a dʌbʌl. Jǝ́ yǝlam yǝlam bɛtɔ lɔ nʊ nɨ a Laa Dʊʊlǝnɨ. Nǝn gɔ maa jǝ nya lɛ a nǝb nɨ mɨ buu kang lɛɨ jǝbɔ nǝb bwɨlamɨ.

Luka 6:9

Nǝngɔ Yesu a sʊwa ji gɔ, “Mǝ bʌ jen kɛl lɛ, n wɛ diilɔ a nʊng gɔ a bʊm ja maa nǝn Kum Fǝbtǝmɨ? Ja maa jǝ nya ka? Ja maa jǝ bwɨla ka? Ja bʊʊ nǝn kʊlɨ ka? Ja jʌ kʊlɨ ka?”

Yohana 17:15

Mǝ maa bɔ keli mǝʊ ń dem ji a yooli nɨ. Mǝ kela ń mǝʊ ń kɨla ji a daagɔ Nǝ bwɨla nɨ woi.

Roma 12:18

Na na maa maa nyɨɨ, jǝ́ yɨ yɨm kwamɨgǝn jǝbɔ nǝbɔ gwam.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 14:19

Bɛ bǝ sʊtǝn kwaan sǝ bǝ maa jʊ nɨ bɛ lɛ nǝn yɨm kwamɨgǝn jǝbɔ sʊbkatǝm kwaanɨ.

Roma 5:1

Gǝ na nyɔ bǝn nɨ Kwaama a kwɛl a dǝg bǝn bǝ yǝlam dǝngdǝng a kɛl nǝtǝm bɨlǝngkɛlɨ, bǝ nǝngǝn nǝn yɨm kwamɨgǝn jǝbɔ Kwaama, a gola Tɛlalɔ bǝn Yesu Kiristii.

Roma 7:19

Jǝ nyan nɨ mǝ swɨ lɛ n maaɨ, n ke bɔ jʊ mǝ maa lɛɨ. Jǝ bwɨla nɨ mǝ swɨ bɔ n maaɨ, nǝn gɔ jʊ mǝ maa lɛɨ.

Roma 7:21

N kuwo, a yǝlam mɨ diil, na n swɨ maatǝm jǝ nyaɨ, jǝ bwɨlagɔ yǝm jǝbɔ mǝ.

Roma 8:6

Nǝl nɨ gǝ na a kanjǝl bʊtɔɨ, gǝ bɛ bɛ nǝn bwaa. Nǝl nɨ gǝ na a kanjǝl Yʊwaɨ, gǝ bɛ bɛ nǝn kʊlɨ jǝbɔ yɨm kwamɨgǝn.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 6:10

Gǝ na nyɔ, nǝn kwama nɨ bǝ nya golaɨ, bɛ bǝ maa nǝbɔ gǝm pʌd jǝ nya, bɛ bǝ fɛ bǝ maa nǝb bwangtǝm nɨ gǝm a nǝ bɨlǝngkɛlɨ.

Kolosii 3:15

Bɛ yɨm kwamɨgǝn a Kiristii a maa fɔlɔn a nǝl jen. N kɛl gɔ ja jo jen jǝ́ yǝlam bʊtɔgɔ wini. Bɛ jǝ́ yǝlam nǝb buutǝm kang.

1 Timoti 6:18

Bɛ ń sʊwa ji ja maa jǝ nya, ja sʊtǝn maatǝm maajɨ nyan, bɛ ya ja maa lǝma lɛ, ya ja tɨka kaam nǝbɔ lɛ.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

Ibranii 13:16

Ka jǝ́ bǝla lɛ maatǝm jǝ nyan jǝbɔ tǝgatǝm kanjǝlɔ jǝbɔ ji. Jʊtǝb nɨ a maa na tǝlatǝm twama wʊnɨ fulo Kwaama gǝm nǝl lɛɨ.

Yakubu 4:17

Nʊ nɨ a nyǝm jʊ nɨ a bʊm gǝ maa lɛɨ, a kɔ maatǝmɨ, a yǝlam gǝm bwɨlangkɛl.

1 Bitrus 3:12

Nu Tɛlalɔɨ dʌng nǝb nɨ maa maajɨ lɛ dǝngdǝngɨ. Lɔl gǝnɔ nyʊwa kelitɨn jinɔ lɛ. Tɛlalɔ a jǝla bɔ nǝn nǝbɔ maa jǝ bwɨlan nɛɨ.”

3 Yohana 1:11

Fwalɨ nyan mǝndɨ, ka ń banga lɛ bwɨlang maajɨ. Bɛ ń mɛla maajɨ nyan. Nʊ nɨ maa maajɨ nyan nɛɨ, na a Kwaamaɨ. Nʊ nɨ maa maajɨ bwɨla lɛɨ, a nyǝm bɔ Kwaama.