1 Bitrus 2:9 - Dadiya NT

⁹ A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Bitrus 2:9 ပူးပေါင်းရင်းမြစ်များ

Matta 4:16

Nǝb nɨ yǝm a kumtojili a kuwo gʌleng nyalǝmɔ, nǝb nɨ yǝm a tǝm duuli bwaagɨɨ nyalǝmɔ a gwi jim.”

Matta 5:16

A dul kɛl nɨ, jǝ́ bǝla nyalǝm jenɔ ya beta lɛ a kǝga nǝbɨɨ, sǝ ja kuwo maajɨ nyan jenɔ, sǝ ja dʊʊl Tɛtɛ jen nɨ a dʌbʌli.

Luka 1:79

sǝ a won a nǝb nɨ yǝm a kumtojilii jǝbɔ nǝb nɨ a nyiyo bwaaɨ, sǝ a yɔ nǝn bǝn a gola yɨm kwamɨgǝn.”

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Maajɨ Bɛtɔ Twamagɨɨ 26:18

Mǝ maa nyɔ sǝ ń wum jim nu, ja yǝla a kumtojili ja bɛ a nyalǝm. Ja yǝla a daagɔ kwaan Mammɔ woi, ja bɛ a daagɔ Kwaama woi. N gola nɨ jǝ nya kǝlǝmtǝm bwɨlangkɛltɨn nɛɨ, sǝ ja nya kʊla kʊlɨ jǝbɔ nǝb nɨ gwam a yǝlam nǝb sagsagɨ, a gola nǝtǝm bɨlǝngkɛl a daa mǝ woi.’

Maajɨ Bɛtɔ Twamagɨɨ 26:28

Nǝngɔ fɔlɔ Agaribas a sʊwa Bulus gɔ, “Nǝn kǝlɨ kwama nɨ mʊ swɨ lɛ ń gʊ ɨ, sǝ n yǝlam nǝ bwangtǝm Kiristii ka?”

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

1 Korinti 3:17

Na kaa nǝl a kal Kan Kwaaman Kwaamaɨ, Kwaama kal gǝn kal, jʊ a bwɨɨ Kan Kwaaman Kwaamaɨ sagsag. Jen nǝn dul jen jǝ́ Kan Kwaaman gǝn.

Afisa 1:14

Wʊnɨ nǝn gɔ swatǝm yaa kʊla bǝnɨ sǝ ba la nǝn kwama nɨ Kwaama jǝg nǝb gǝnɔ lɛɨ, sǝ bǝ bǝlá gǝn, bǝ dʊʊl gǝn.

Afisa 1:6

A maa nyɔ sǝ bǝ bǝlá dʊʊlǝn lǝma gǝnɔ wʊnɨ a nǝ bǝn nǝn kwan a shu kwaan a mʊgɔ bʊla gǝ nɨ gǝ swɨ lɛɨ.

Afisa 3:21

Bɛ dʊʊlǝnɔ a ta tʌgo gwanggwang a daa gǝ woi a mʊgɔ mʊrkalɨ nǝb bwangtǝm Kwaamaɨ, a mʊgɔ Kiristi Yesui, a yɔ nǝn a joltɨnɔ gǝm pʌd mɨ dɨtǝm wo. A daa nyɔ.

Filibii 3:14

Mǝ sɨn nɛ n ja kǝga sǝ n yo lǝma. Lǝma nɨ Kwaama a jo i a dʌbʌl kwamaɨ, a kɛl dul Kiristi Yesui.

Kolosii 1:13

Nǝn gɔ a jǝg bǝn a mʊgɔ fɔlɔn duddugi. A dǝg bǝn a mʊgɔ fɔlɔn bʊla gɔ nɨ gǝ swɨ lɛɨ.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

Titus 2:14

Wʊnɨ a nǝ dul gǝnɔ a kɛl dul bǝnɨ, sǝ a jǝg bǝn a mʊgɔ bwɨlang maajɨ gwamɨ, sǝ a saalǝm ji ja yǝlam nǝb gǝnɔ nɨ nǝn nǝl maatǝm maajɨ nyaɨ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 2:5

Jen tʌjen jǝ́ na na tatǝn kʊlɨ. Bɛ Kwaama a mɔ jen na lɔ gǝnɔ nɨ nǝn yʊwaɨ, sǝ jǝ́ yǝlam nya nǝbkǝlam Kwaamaɨ sagsag, jǝ́ twɨtǝm yulʌn nyan, wʊnɨ Kwaama yo lɛɨ, a gola Yesu Kiristii.

1 Bitrus 4:11

Pʌd nʊ nɨ nǝtǝm gǝnɔ n kiyotǝm kɛlɨ, bɛ ga kiyo kɛl Kwaamaɨ. Nʊ nɨ pʌd maa tɨkalɨ lɛɨ, bɛ ga maa nǝn kwaan nɨ Kwaama a nǝ gǝnɨ, sǝ a mʊgɔ kanjǝlɔ gǝm gwam jǝ́ dʊʊl Kwaama a gola Yesu Kiristii. Bɛ dʊʊlǝnɔ, jǝbɔ fɔlɔnɔ a ta tʌgo gwanggwang a daa gǝ woi mɨ dɨtǝm wo. A daa nyɔ!

Dʊgam Nyangnyang 1:6

A dǝg bǝn bǝ yǝlam nǝb fɔlɔn jǝbɔ nǝbkǝlam sǝ bǝ maa Kwaama Tɛtɛ gɔ gǝm maajɨ. Bɛ dʊʊnɔ jǝbɔ kwaanɔ a ta tʌgo gwanggwang mɨ dɨltǝm wo. A daa nyɔ.

Dʊgam Nyangnyang 20:6

Nʊ nɨ a nya guntǝm nǝn tɨkǝgaɨ, n nǝ bwili, n nǝ sagsag. Bwaa na yogɔ mɨ nǝn kwaan a dul nǝb nɨɨ. Ja yǝlam nǝbkǝlam Kwaamaɨ jǝbɔ a Kiristii, sǝ ja maa fɔlɔn jǝbɔ gɔ a yɔ nǝn a jolɔ fʊlkʊblǝn.

Dʊgam Nyangnyang 5:10

Ń dǝg ji ja yǝlam lɔ fɔlɔn jǝbɔ nǝbkǝlam Kwaama bǝnɨ, sǝ ja maa fɔlɔn yooli nɨ.”