1 Bitrus 2:7 - Dadiya NT

⁷ Kǝngkɔ jen nɨ jǝ́ nǝ bɨlǝngkɛlɨ, tɛl nɨ n jǝ nyan. A daagɔ nǝb nɨ a kɔ nǝtǝm bɨlǝngkɛlɨ, “Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ,”

1 Bitrus 2:7 ပူးပေါင်းရင်းမြစ်များ

Matta 21:42

Yesu a sʊwa ji gɔ, “Jǝ́ kiyo bɔ wo a mʊlalɨ langǝn bwangǝn Kwaamaɨ ka? Wʊnɨ sʊwa lɛ gɔ, “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ. Jʊ nɨ n maatǝm Tɛlalɔɨ, n jǝ laatǝm kang a daa bǝn woi.’

Luka 2:32

Nyalǝm nɨ a nʊng ń a daagɔ Bʌtʌbɔ woi, nyalǝm nɨ a bɛ nǝn dʊʊlǝn a daagɔ nǝbam mʊnɔ nǝbɔ Israilaɨ.”

Luka 2:34

Saminu a ya jim bwiligɔ. Nǝngɔ a sʊwa nyɨya gɔ Maryamu gɔ, “Bwɛ nɨ nǝn gɔ Kwaama a fɛka sǝ a dǝg nǝbɔ Israilaɨ a lada ja yala, sǝ a gung nǝbɔ a lada, sǝ a yǝlam jǝ nʊngtǝm nɨ nǝbɔ kɔ lɛɨ.

Luka 20:17

Yesu a dʌng jii, nǝngɔ a bʌ ji gɔ, “Wɛ kɛl Kwaamaɨ nɨ sʊwa lɛɨ? “ ‘Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ.’

Yohana 4:42

Nǝngɔ nǝbɔ Samariyaɨ a sʊwa nɔɔlɨ nɨ gɔ, “Kǝngkɔ nǝn nǝ bɨlǝngkɛl, ke bɔ a dul jʊ mʊ sʊwa nǝnɨ, nǝn tǝnǝn nǝn nyʊwa nǝn kang nǝn, nǝ nyǝm n bɨlǝngǝn, bwɛ nɨ nǝn gɔ n nǝ Nǝbʊʊlɨ yooligɨɨ.”

Maajɨ Bɛtɔ Twamagɨɨ 26:19

“Agaribas, Fɔlɔgɔ, a kɛl dul jʊ nɨ mǝ kɔ bɔ maatǝm jʊ dʊgam nyangnyangɔ a nʊng ɨɨ, wʊnɨ a bɛ a dʌbʌli.

Roma 10:21

A dul nǝbɔ Israilaɨ, Kwaama a sʊwa gɔ, “Jʊ a ta nǝn kumsʌl a yɔ nǝn a kwaamɨ, n mal kang mǝndɨ a daagɔ nǝb nɨ mɨ nǝn shigtǝm duli jǝbɔ nǝb nɨ mɨ nyʊwa lɔl lɛɨ.”

Roma 15:31

Jǝ́ maa mɨ keli sǝ n nya bʊʊtǝm a daa nǝb nɨ a kɔ yotǝm Kwaamaɨ a Yahudiyaɨ. Jǝ́ maa mɨ keli tag sǝ nǝb bwangtǝm nɨ a Urushalimaɨ, ja yo tɨkalɨ nɨ mǝ yilo jim nǝn a kang mɨɨ.

2 Korinti 2:16

Nǝb nɨ a gola kalatǝmɨ, kunʌn nɨ n kunʌn bwaa, wʊnɨ bɛ lɛ nǝn bwaaɨ. A nǝb nɨ nya bʊʊtǝm lɛɨ, kunʌn nɨ n kunʌn kʊlɨ. Nuwo dwal lɛ a do tuulo maajɨ nɨɨ?

Kolosii 2:10

N daa gǝ woi jǝ́ yii dǝngdǝngɨ, wʊnɨ nǝn gɔ n dul a dul fɔlɔn jǝbɔ kwaanɨ.

Titus 3:3

Bǝn tǝbǝn galɨgǝn bǝ swɛla swɛlaɨ. Bǝ bwangtǝn bɔ Kwaama. Ja swag bǝn. Bǝ yǝlam jwaalɛb maatǝm wɛl bwɨla jǝbɔ nyʊwatǝm lǝma nɨ mɨ dǝngdǝngɨ. Bǝ yǝlam nǝb shil. Bǝ yǝlam nǝb kiim. Bǝ yǝlam jǝ kɔtǝm, bǝn tǝbǝn bǝ kɔ kaam nǝbɔ lɛ.

Ibranii 11:31

N gola nǝtǝm bɨlǝngkɛl, Rahab nɔɔlɨ bulon nɨ ja jʌ gǝn bɨɨ, jʊ a bwɨɨ a yo nǝb jatɔl nɨ na fatǝm. Ja jʌbo nǝb nɨ a maa Kwaama gǝm bǝngɨ lɔlɨ.

Ibranii 4:11

Bɛ bǝ maa kwaan dɔtǝm daa fǝbtǝm nɨ, kage kaa nǝl a gaa dɔtǝmɔ a dul bǝngɨ lɔl kanga tʊgalam bǝnɔ a maamɨ.

1 Bitrus 1:8

Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Bitrus 2:4

Bɛ jǝ́ bɛ a daa gǝ woi, wʊnɨ n tɛl kʊlɨɨ. Nǝn gɔ tɛl nɨ nǝbɔ a kɔɨ, wʊnɨ Kwaama a jǝgǝm gǝn n jǝ bʊmǝn nyan a daa gǝ woi.

1 Bitrus 2:8

nǝngɔ tag, “N tɛl nɨ dǝg nǝbɔ fǝtǝm naa lɛɨ, nǝn gɔ dǝg yalatǝm lɛɨ.” Ja maa fǝtǝm naa a kɛlɔ gǝm, jʊ a bwɨɨ ja kɔ bwangtǝm kɛl gǝnɔ. N jʊ a yǝlam jim nyɨɨ.