1 Bitrus 2:25 - Dadiya NT

²⁵ Galɨgǝn, jǝ́ lɛla lɛlaɨ na kwamɨtɨn. Kǝngkɔ jǝ́ yǝla jǝ́ bɛ a daagɔ Nǝ tɔɔtǝmɔ woi, nʊ nɨ kɨla kʊlɨtɨn jenɔ lɛɨ.

1 Bitrus 2:25 ပူးပေါင်းရင်းမြစ်များ

Matta 18:12

N wɛ jǝ́ kuwoi? Na kaa nǝl nǝn kwamɨgɔ fʊlkʊb, nǝngɔ win a lɛlaɨ, mɨsɔ bǝla fʊltʊlkʊb jeli tʊlkʊb nɨ lɛ a naa yem a yɔ ya saa nʊ nɨ win a lɛlaɨ ka?

Matta 9:36

A kuwo mʊrkalɨ nǝbɨɨ a lada nyɨɨ, bʊnatǝmɔ a ta gǝn, jʊ a bwɨɨ jǝ nɔɔ gaalan nɛ, ja kwɨya tǝmɔ nǝn kwan, na kwamɨtɨn nɨ mɨ nǝ tɔɔtǝm woi.

Maajɨ Bɛtɔ Twamagɨɨ 20:28

Jǝ́ kɨla dul jenɔ jǝbɔ kʌm nɨ Yʊwa Kwaamaɨ a dǝg jǝ́ yǝlam nǝb tɔɔtǝmɨ. Jǝ́ ja kǝga nǝn tɔɔtǝm mʊrkalɨ nǝb bwangtǝm Kwaamaɨ, wʊnɨ a ten dul gǝnɔ gǝm nǝn tʊʊm Bʊla gɨɨ.

Ibranii 13:20

Bɛ Kwaama nɨ nǝ yɨm kwamɨgǝn nɛɨ, wʊnɨ a gung Tɛlalɔ bǝn Yesu a bwaaɨ, gʌleng nǝ tɔɔtǝm kwamɨ nɨ a gola tʊʊm nɨ nʊng swatǝm yaa nɨ lɛ mɨ dɨtǝm woi,

Ibranii 3:1

A dul kɛl nɨ, kɛtǝlam sagsag, jen nɨ jǝ́ mʊrka dul jǝbɔ mǝ a jotǝm Kwaamaɨ, jǝ́ ya bʊʊlalɨ jenɔ win a daa Yesu woi, bwɛ twama jǝbɔ dalɨ nǝkǝla na nǝtǝm bɨlǝngkɛl nɨ bǝ yoi.

Ibranii 5:2

A yǝlam nʊ nɨ dwal lɛ a ji bʊnǝn nǝb nɨ a nyǝm bɔ jǝlɨ, jǝbɔ nǝbɔ a kwɛl a lɛla golaɨ, kanga gǝ tǝgǝn ga gɨya gɨyaɨ.

1 Bitrus 3:20

Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.