1 Bitrus 2:24 - Dadiya NT

²⁴ Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 2:24 ပူးပေါင်းရင်းမြစ်များ

Matta 27:26

Nǝngɔ a dem jim kang a Barabas gǝmɨ. A maa Yesu gǝm banjangɨ, nǝngɔ a nǝ ji sǝ ya ja kʊʊ gǝnɨ.

Matta 5:20

Mǝ sʊwa jen nɛ, na dǝngdǝng jenɔ a laa bɔ a nǝb mɛlalɨ diili jǝbɔ a nǝbɔ Farisaɨ, mɨsɔ jǝ́ dɔ fɔlɔn lɔ Kwaamaɨ lɛ wo.

Matta 8:17

Jʊ nɨ a bwɨ sǝ a yii kɛlɔ ja sʊwa a nyiyo nǝkuwotǝmkǝga Ishayaɨ gɔ, “A dem bɔɔlatɨn bǝnɔ, a jǝgǝm twɨlatɨn bǝnɔ.”

Markus 15:15

Bilatus swɨ lɛ a maa jʊ nǝl nǝbɨɨ swɨ lɛɨ, nǝngɔ a dem jim kang a Barabas gǝmɨ. A maa Yesu gǝm banjangɨ, nǝngɔ a nǝ ji gɔ ya ja kʊʊ gǝnɨ.

Luka 4:18

“Yʊwa Kwaamaɨ gǝ na jǝbɔ mǝ, nǝn gɔ a jǝg ɨ gɔ ba n kiyo nǝb bʊnǝnɔ gǝm fulon kɛl lǝmɨɨ. Nǝn gɔ a twam ɨ sǝ n ga wulong jǝgtǝm nǝbɔ a golmanɨ, sǝ n wum kululʌmɔ gǝm nu, sǝ n jǝg nǝb nɨ jǝ bǝm ji lɛɨ,

Yohana 1:29

Nǝn tǝmsɛlɨgɔ, nǝngɔ Yohana a kuwo Yesu bɛ lɛ a daa gǝ woi, nǝngɔ a sʊwa gɔ, “Jǝ́ dʌng bɛ gal Kwaamaɨ, wʊnɨ a dem bwɨlangkɛl yooli nɨɨ.

Yohana 19:1

Nǝngɔ Bilatus a dǝg ja maa Yesu gǝm banjangɨ.

Maajɨ Bɛtɔ Twamagɨɨ 10:35

Gǝ yo yo nǝbɔ a bǝlǝntǝmɔ gǝm gwam, nǝb nɨ nyʊwa taal gǝnɔ lɛɨ, jǝbɔ nʊ nɨ maa jʊ nɨ lɛ dǝngdǝngɨ, jǝbɔ maatǝm jʊ nɨ Kwaama swɨ lɛɨ.

Maajɨ Bɛtɔ Twamagɨɨ 10:39

“Nǝn nǝ kuwo kanjǝlɔ gwam Yesu a maa a tǝm nǝbɔ Yahudiyaɨ jǝbɔ mʊgɔ Urushalimaɨ. Nǝngɔ ja jʌ gǝn a gola kʊʊtǝm a dʌbʌl tɨyaɨ.

Maajɨ Bɛtɔ Twamagɨɨ 13:29

Kwama ja yii kanjǝl nɨ gwam ja mʊla a dul gǝnɨ, nǝngɔ ja shig gǝn a dʌbʌl nyiyo tɨyaɨ, nǝngɔ ja ya gǝn a tuui.

Maajɨ Bɛtɔ Twamagɨɨ 5:30

Kwaama tʊgalam bǝnɨ a gung Yesu, wʊnɨ jǝ́ jʌ gǝn a dʌbʌl tɨya kʊʊtǝmɨ.

Roma 6:11

Jen tʌjen bɛ jǝ́ kiyo dul jenɔ maamɔ jǝ́ bʊla bʊlaɨ a bwɨlangkɛl. Kiristi Yesu a nǝ jen kʊlɨ, jǝ́ yɨ yɨm Kwaamaɨ.

Roma 6:13

Bɛ ka jǝ́ nǝ lɛ jinʌn bʊtɔ jenɔ a maatǝm bwɨlangkɛl, ja yǝlam na kanjǝl maatǝm shil. Bɛ jǝ́ nǝ dul jenɔ a daagɔ Kwaama woi, na nǝb nɨ ja bʊʊ nǝn ji a bwaa a yɔ nǝn a nyatǝm kʊlɨɨ. Bɛ jǝ́ nǝ jinʌn bʊtɔ jenɔ a daagɔ Kwaama woi, ja yǝlam na kanjǝl maatǝm jǝ dǝngdǝng.

Roma 6:16

Jǝ́ nyǝm bɔ nʊ nɨ jǝ́ jǝg jǝ́ bwang gǝm lɛ na jwaalɛbɨɨ, jǝ́ yǝlam jwaalɛb gǝnɨ ka? Na jǝ́ jǝgǝm jǝ́ maa bwɨlangkɛlɨ, jǝ́ jwaalɛb gǝn wʊnɨ yɔ lɛ nǝn jen a bwaaɨ. Na jǝ́ jǝgǝm jǝ́ bwangtǝn Kwaamaɨ, jǝ́ yǝlam dǝngdǝng.

Roma 6:2

Ɔ ɔ, mɨ nyɔ! Bǝn nɨ bǝ bʊlam a bwɨlangkɛlɨ, laa maa nyǝn bǝ ja kǝga lɛ nǝn yɨmɔ a mʊgɔ gǝnɨ?

Roma 6:22

Kanga Kwaama a jǝg jen a maatǝm bwɨlangkɛl jǝ́ yǝlam jwaalɛb gǝnɨ, sʊtǝmɔ jǝ́ nya lɛɨ, jǝ́ yǝlam sagsag, dɨltǝmɔ n kʊlɨ nɨ mɨ dɨtǝm woi.

Roma 6:7

Nʊ nɨ a bʊla bwaa nyɨɨ, ja jǝg gǝn jǝgɨ a mʊgɔ bwɨlangkɛlɔ gǝm.

Roma 7:6

N wɔ kǝngkɔ bǝ nya yɨm dul. Bǝ bʊla bʊlaɨ a diil nɨ galɨgǝn a bwa bǝnɨ. A kǝngkɔ bǝ dwal bǝ maa maajɨ Kwaamaɨ lɛ nǝn yɨm fɨ a gola Yʊwa Kwaamaɨ. Ke bɔ a mʊgɔ mʊlalɨ diiltɨn galɨ.

1 Korinti 15:3

Kɛl nɨ a laa jǝl dangǝn wʊnɨ mǝ sʊwa jeni, nǝn gɔ nʊ nɨ mǝ yoi, gɔ, Kiristi a bʊla a dul bwɨlangkɛl bǝn kanga mʊlalɨ kɛl Kwaamaɨ a sʊwaɨ.

2 Korinti 6:17

Tɛlalɔ a sʊwa gɔ, “Jǝ́ jelʌm a kʊm jin. Jǝ́ wʊlǝm bʊtɔ jenɔ. Ka jǝ́ ke lɛ jǝ duto. A gulɔ gǝmɨ mǝ yo jen yo.

Galatiya 3:13

Nǝn Kiristi ba jǝg dul bǝnɔ a mʊgɔ lagtǝm diili, wʊnɨ a yǝlam jǝ lagtǝm a kɛl dul bǝnɨ. A mʊla mʊlaɨ gɔ, “Nʊ nɨ ja kʊʊ gǝn a dʌbʌl nyiyo tɨyaɨ, a yǝlam jǝ lagtǝm.”

Afisa 5:9

Jʊ a bwɨɨ nyalǝmɔ nǝn gɔ gǝ bʌ jʊ nɨ lɛ gwam na a nyanɨ, jǝbɔ jʊ nɨ dǝngdǝngɨ, jǝbɔ jʊ nɨ bɨlǝngkɛlɨ.

Filibii 1:11

Jǝ́ yii tag nǝn maajɨ dǝngdǝng wʊnɨ jǝ́ nya lɛ a gola Yesu Kiristii. Wʊnɨ nǝn gɔ bɛ lɛ nǝn dʊʊlǝn Kwaamaɨ jǝbɔ bǝlátǝm gǝnɨ.

Kolosii 2:14

A maa nyɔ a gola kwɨtǝm dwang borangɔ a bwa bǝn nǝn diiltɨn gǝnɨ, a dem a gola kʊʊtǝm gǝn a dʌbʌl tɨya kʊʊtǝmɨ.

Kolosii 2:20

Na bwaa jenɔ jǝbɔ Kiristii a jǝg jen a jǝfʊlǝn yooli nɨɨ, n wɛ a bwɨ jǝ́ yɨ yɨm lɛ maamɔ jǝ́ na a yooli tagɨ? N wɛ a bwɨ jǝ́ bwangtǝn diiltɨn nɨ lɛ sʊwa lɛ gɔ,

Kolosii 3:3

Jǝ́ bʊla. Kʊlɨ jenɔ a wuu wuui jǝbɔ Kiristi a daagɔ Kwaama woi.

Ibranii 10:10

N jʊ a bwɨ Kiristi a maa jʊ Kwaama swɨ lɛ a maaɨ, Kwaama a saal bǝn sagsag a gola nǝtǝm bʊtɔ Yesu Kiristii naa win swar mɨ sʊtǝm wo.

Ibranii 10:5

N jʊ a bwɨ, nǝn kwama Kiristi a dɔm yooligɨɨ a sʊwa gɔ, “Twɨtǝm yulʌn jǝbɔ tǝlatǝm twama mʊ swɨ bɔ. N bʊtɔ mʊ nɨ ɨ sǝ n tǝlam twama,

Ibranii 12:13

“Jǝ́ fɛ golagɔ sɨn,” kage nʊ nɨ kenta lɛ kentaɨ a nya komʌn. Bɛ a nya gungtǝm.

Ibranii 7:26

Nǝn gɔ n dalɨ nǝkǝlagɔ bǝ saa lɛɨ, nǝ sagsag, mɨ nǝn bwɨlangkɛl, mɨ nǝn jǝ tuwol, wʊnɨ ja wʊlaka gǝn jǝbɔ nǝb bwɨlangkɛlɨ, nǝ gungtǝm a kanjǝlɔ gwam a dʌbʌli.

Ibranii 9:28

A na nyɔ Kiristi tǝgǝn ja nǝ a twɨtǝm yulʌn naagɔ win swar, sǝ a dem bwɨlangkɛl nǝbɨɨ a lada. Yǝla bɛ bɛ, bɛtǝm na yogɔ, ke bɔ a dul demtǝm bwɨlangkɛl, bɛ sǝ ba bʊʊ nǝn nǝb nɨ yam bɛtǝm gǝnɔ lɛɨ.

Yakubu 5:16

A dul kɛl nɨɨ, ya jǝ́ sʊwaka bwɨlangkɛltɨn jenɔ lɛ, ya jǝ́ tɨkaka lɛ nǝn keli, sǝ Tɛlalɔ a gung jen. Keli nʊ nɨ dǝngdǝngɨ, maa maajɨ lɛ nǝn kwaan dangǝn.

1 Yohana 2:29

Kanga jǝ́ nyǝm gǝn n nǝ dǝngdǝngɨ, mɨ nyǝmatǝm wo. Pʌd nʊ nɨ maa jʊ nɨ lɛ dǝngdǝngɨ, nǝn bʊla Kwaamaɨ.

1 Yohana 3:7

Jǝ́ bɛtɔ dwalǝnɔ, ka kaa nǝl ya swag jen nɛ. Nʊ nɨ maa jǝ dǝngdǝng lɛɨ, n nǝ dǝngdǝng, kanga Kiristi n nǝ dǝngdǝngɨ.

Dʊgam Nyangnyang 22:2

A yɔ nǝn a tɨbǝl gʌleng gola dʊʊnɔ a tuulɔngɔ gǝmɨ. A kʌng tiyo nɨ yoi, tɨya kʊlɨgɔ tɨm wo, wʊnɨ tʊʊ tʊʊlɔ lɛ dʊʊmɔ kʊb jeli yoi, bwaalatɨnɔ pʌd jǝ tʊʊ tʊʊl lɛ. Langǝntɨnɔ n nyinong nɨ ya gung bǝlǝntǝmɔ lɛ a bɔɔlaɨ.