1 Bitrus 2:23 - Dadiya NT

²³ Nǝn kwama ja tuwo gǝnɨ, a yǝla bɔ a tuwo ji. Nǝn kwama a nɔɔ gaalan tagɨ, a wum bɔ nyiyo. A ya nǝl a daagɔ nǝ maatǝm borang dǝngdǝngɔ woi.

1 Bitrus 2:23 ပူးပေါင်းရင်းမြစ်များ

Luka 23:41

Kʊʊtǝm bǝnɔ ja maaɨ n dǝngdǝng a dul bwɨlangkɛl bǝnɔ gǝm. A nʊ nɨɨ a maa bɔ kaa bwɨlangkɛl.”

Luka 23:46

Nǝngɔ Yesu a jo jangajǝl nǝn diil gɔ, “Tɛtɛ, mǝ bǝla kʊlɨ mǝndɨ a kang mʊn.” Kwama nɨ ga sʊwam kɛl nɨɨ, nǝngɔ a bʊlaɨ.

Luka 23:9

A tal Yesu gǝm bʌtʌm kɛlɔ a lada nyɔ, Yesu a gar gǝm bɔ kɛl wo.

Maajɨ Bɛtɔ Twamagɨɨ 17:31

A ya kum nɨ ba gǝ maam yooligɔ gǝm borang bɨlǝngkɛl lɛɨ, a daagɔ nʊ nɨ ga jǝgǝmɨ. Kwaama a nʊng nǝbɔ gwam jʊ nɨ a daagɔ nʊ nɨ a gung a bwaaɨ.”

Maajɨ Bɛtɔ Twamagɨɨ 4:29

“Kǝngkǝnɨ, Tɛlalɔ, dʌng kanga jǝ saa kaatǝm nǝnɔ lɛ a maajɨɨ. Nǝn jwaalɛb mʊnɔ, nǝ nǝn bɨtǝm nǝl a kiyotǝm kɛl mʊnɔ gǝm mɨ taal wo.

Maajɨ Bɛtɔ Twamagɨɨ 7:59

Kanga nɨ jǝ mala Istifanus lɛ nǝn tatǝnɨ, nǝngɔ a maa keligɨɨ gɔ, “Tɛlalɔ Yesu, yo kʊlɨ mǝndɨ.”

Maajɨ Bɛtɔ Twamagɨɨ 9:1

Shawulu a ja kǝga nǝn nǝtǝm nǝb bwangtǝm Tɛlalɔɨ gaalan dangǝn, sʊwa lɛ gɔ gǝ jʌ ji jʌ. Nǝngɔ a yɔ a daa dalɨ nǝkǝlagɔ woi,

Roma 2:5

N wɔ bǝngɨ lɔl mʊnɔ jǝbɔ nǝl mʊnɔ nɨ a jǝla bɔ fɛkalɨɨ, mʊ sʊ dul mʊnɔ gǝm nabwɨl Kwaamaɨ lɛ nǝn kɔkɔ nɨ ja nʊng gɔ borang Kwaamaɨ nɨ n dǝngdǝngɨ.

Afisa 6:9

Jǝ́ tɛlalɔtɨnɔ, jǝ́ maa nyɔ tʌjen. Ka jǝ́ nǝ ji lɛ gaalan. Jǝ́ nyǝm nʊ nɨ nǝn Tɛlalɔ ji jǝbɔ jen a dʌbʌl kwamaɨ, mɨ gǝ maa swɨtǝm dul lɛ.

2 Tasalonikaɨ 1:5

Jʊ nɨ gwam gǝ nʊng gɔ borang Kwaamaɨ n dǝngdǝng, n gola nɨ jǝ kiyo jen nɛ a mʊgɔ nǝb nɨ a daa tʌgo a fɔlɔn lɔ Kwaamaɨ, wʊnɨ jǝ́ nɔɔ gaalan nɛ a dul gǝnɨ.

2 Timoti 1:12

N dul kɛl nɨ mǝ nɔɔm gaalan kanga mǝ nɔɔm lɛ kǝngkɨɨ. Jʊ nɨ mǝ nyʊwa bɔ gunidul, jʊ a bwɨɨ, n nyǝm nʊ nɨ mǝ nǝ bɨlǝngkɛl a daa gǝ woi. Mɨ nyǝmatǝm wo dwal dwal a tɔɔ jʊ nɨ a nɨ ɨɨ, a yɔ nǝn a kɔkɔ bɛtǝm gǝn.

2 Timoti 4:8

Tangǝnɔ a bǝlaɨ n nyatǝm dwang dul maajɨ dǝngdǝng, wʊnɨ ja fɛka mɨɨ, wʊnɨ Tɛlalɔ, nǝ maatǝm borang dǝngdǝngɔ nɨ ɨ lɛ nǝn kɔkɔ dɨltǝmɨ. Ke bɔ mǝ kwaamɨ, pʌd jǝbɔ nǝb nɨ ya nǝl lɛ a bɛtǝm gǝnɔ gǝmɨ.

Ibranii 12:3

Bɛ jǝ́ dʌng nʊ nɨ a kʊ nǝl a kii nɨ nǝb bwɨlangkɛlɔ maa gǝm lɛɨ, kage a lʊwa jen jǝ́ dem nǝl.

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

1 Bitrus 4:19

A kɛl dul jʊ nɨɨ, nǝb nɨ a nɔɔ gaalan a dul jʊ nɨ Kwaama swɨ lɛ a bwɨɨ, bɛ ja dǝg kʊlɨ jinɔ a daagɔ nǝ yiitǝm swatǝm yaa jinɔ woi, nǝ fwaltǝm jinɔ, ja ja kǝga nǝn maatǝm jʊ nɨ dǝngdǝngɨ.

Dʊgam Nyangnyang 19:11

Nǝngɔ mǝ kuwo dʌbʌlɔ a wumoi. Mǝ kuwo kaa tʊwa fuloi! Nǝ gwitǝm gǝnɔ jǝ jo gǝn gɔ Nǝ yiitǝm swatǝm yaa jǝbɔ Nǝ bɨlǝngkɛl. Gǝ biyo borang gǝnɔ dǝngdǝng, ta kun nyan nɛ.