1 Bitrus 2:21 - Dadiya NT

²¹ Kwaama a jo jen sǝ jǝ́ nɔɔ gaalan, jʊ a bwɨɨ Kiristi a nɔɔ gaalan a kɛl dul jen. A bǝla jem mɛlalɨ nɨ sǝ jǝ́ bwangtǝn.

1 Bitrus 2:21 ပူးပေါင်းရင်းမြစ်များ

Matta 10:38

Nʊ nɨ a do bɔ tɨya kʊʊtǝm gǝnɔ a bwang mɨɨ, a la bɔ a yǝlam a mɨ.

Matta 11:29

Jǝ́ do maajɨ mǝndɨ kanga nɛɛgɔ a do tɨya kwɨlɔ sǝ a maa maajɨɨ. Jǝ́ mɛla a daa mǝ woi. Mǝ nǝ shig shig, mɨ mǝ nǝn gungtǝm dul, jǝ́ nya nya fǝbtǝm a nǝl jen.

Matta 16:24

Nǝngɔ Yesu a sʊwa bɛtɔ mɛlalɨ gǝnɨ gɔ, “Na nʊ nɨ swɨ lɛ a bwang mɨɨ, bɛ ga kɔ dul gǝnɔ, ga do tɨya kʊʊtǝm gǝnɔ, ga bwang mɨ.

Luka 24:26

A yǝlam nyɔ Kiristi a nyʊwa gaalan jʊtǝb nɨ sǝla a dɔ mʊgɔ dʊʊlǝn gǝnɔ.”

Yohana 13:15

N jǝ nʊngtǝm mǝ nʊng jeni, sǝ ya jǝ́ maa lɛ nyɔ, kanga mǝ maa jemi.

Yohana 16:33

“Mǝ sʊwa jen kanjǝl nɨ lɛ, sǝ jǝ́ nya lǝma a daa mɨ woi. A mʊgɔ yooli nɨ jǝ́ nyʊwa gaalan nɛ. Bɛ jǝ́ yɨ nǝn kwamǝn nǝl. N ku jelʌn a dul yooligɔ gǝm.”

Maajɨ Bɛtɔ Twamagɨɨ 14:22

Jǝ kwam nǝb bwangtǝm Kwaamaɨ gǝm nǝl lɛ gɔ ja tɨ a nǝtǝm bɨlǝngkɛl. Jǝ sʊwa lɛ gɔ, “Nǝn nɔɔtǝm gaalanɔ a lada bǝ dɔ fɔlɔn lɔ Kwaamaɨ lɛɨ.”

Maajɨ Bɛtɔ Twamagɨɨ 17:3

Sʊwala ji kɛltɨnɔ lɛ, nʊng ji lɛ gɔ bwɨ bwɨ nyɔ, Kiristi a nɔɔ gaalan, sǝ a gun a bwaa. A sʊwa gɔ, “Yesu nɨ mǝ sʊwa jen nɛɨ, nǝn gɔ nǝn Kiristii.”

Maajɨ Bɛtɔ Twamagɨɨ 9:16

Mǝ nǝn kang mɨ, mǝ nʊng gǝn nʊng gaalanɔ gǝ nɔɔ lɛ a kɛl dun mɨɨ.”

Roma 8:29

Nǝb nɨ Kwaama a kwɛl a nyǝmɨ, n nǝbɔ ga jǝgǝmɨ, a jǝla jim gɔ ja do jelkalǝng Bʊla gɨɨ, sǝ bwɛ a yǝlam bwɛ tɨkǝga a kʊm kambɨɨ nɨ a ladaɨ.

1 Korinti 11:1

Jǝ́ maa mɛlalɨ nǝn mǝ kanga mǝ maa mɛlalɨ nǝn Kiristii.

Afisa 5:2

Jǝ́ yɨ yɨm swɨkan kanga Kiristi a swɨ bǝnɨ, a nǝ dul gǝnɔ a kɛl dul bǝnɨ, jǝ twɨtǝm yulʌn lǝmɨ a Kwaamaɨ.

Filibii 2:5

Bɛ jǝ́ maa bʊʊlalɨ na a Yesu Kiristii a maaɨ,

1 Tasalonikaɨ 3:3

Nǝn twam gǝn kage kaa nǝl a nya komtǝm a mʊgɔ gaalan nɨɨ. Jen nǝn kang jen jǝ́ nyǝm n jʊ ja ya nǝmɨ.

1 Tasalonikaɨ 4:2

Jǝ́ nyǝm diil nɨ nǝn nǝ jen nǝn fɔlɔn Tɛlalɔ Yesui.

2 Timoti 3:12

A na nyɔ, gwam nǝb nɨ swɨ lɛ a yɨ nǝn kʊlɨ a mʊgɔ Kiristi Yesui, jǝ nɔɔ nɔɔ gaalan.

Ibranii 2:10

Kwaama nǝn gɔ a fwal kanjǝlɔ gwamɨ, kanjǝlɔ gwam n dʊʊlǝn gǝn. Swɨ lɛ gǝ nya bɛtɨ a lada a nya dʊʊlǝn gǝnɔ, a bʊm a fɛ nʊ nɨ win bwangtǝn nɛ nǝn nǝbɔ a nya bʊʊtǝm nyan a gola gaalan gǝnɨ.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

1 Bitrus 2:24

Gǝ nǝn dul gǝn a dem bwɨlangkɛltɨn bǝnɔ a bʊtɔ gǝn a dʌbʌl tɨya kʊʊtǝm, sǝ bǝ yɨ yɨm bǝnɔ bʌlʌn a bwɨlangkɛl, nyatǝm kʊlɨ tag a dǝngdǝng. N kɛl dul dɛɛbǝl gǝnɔ ja gung jeni.

1 Bitrus 3:18

A Kiristii a bʊla naa win swar, mɨ sʊtǝm wo, sǝ a tʊngǝm bwɨlangkɛltɨn bǝnɔ. Nǝ dǝngdǝngɔ a bʊla a kɛl dul nǝb nɨ ke bɔ nǝb dǝngdǝngɨ, sǝ a yɔ nǝn bǝn a daagɔ Kwaama woi. Ja jʌ gǝn a bʊtɔ, a gung gǝn a Yʊwa.

1 Bitrus 3:9

Ka jǝ́ ywa lɛ bwɨlan nǝn bwɨlan, tuwol nǝn tuwol. Bɛ jǝ́ dǝg jim bwili. N kɛl dul jʊ nɨ ja jo jen sǝ jǝ́ nya bwilii.

1 Bitrus 4:1

Kanga Kiristi a nɔɔ gaalan a bʊtɔɨ, jen tʌjen bɛ jǝ́ fɛka sǝ jǝ́ maa nyɔ, jʊ a bwɨɨ nʊ nɨ a nɔɔ gaalan a bʊtɔɨ, a bǝla maatǝm bwɨlangkɛlɔ.

1 Bitrus 4:13

Na jǝ́ nɔɔ gaalan na Kiristii, bɛ jǝ́ maa fulotǝm nǝl, sǝ na nǝn kwama a yǝla a bɛ a mʊgɔ dʊʊlǝn gǝnɨ, jǝ́ maa maa fulotǝm nǝl tag.

1 Yohana 2:6

Nʊ nɨ gwam sʊwa lɛ gɔ gǝ yǝm a mʊgɔ Yesui, bɛ ga yɨ yɨm nɨ Yesu a yɨɨ.

1 Yohana 3:16

Wʊnɨ n kanga bǝ nyǝm swɨtǝmɔ lɛɨ, a nǝtǝm kʊlɨ gǝnɔ a nǝ a kɛl dul bǝnɨ. Bǝn tǝbǝn bɛ bǝ nǝ kʊlɨ bǝnɔ a kɛl dul kɛtǝlam bǝnɨ.

Dʊgam Nyangnyang 12:11

Ja ku jelʌn a dul gǝn a gola tʊʊm Bɛ Gal nɨ, jǝbɔ nǝtǝm nyiyo nɨ ja sʊwaɨ, jʊ a bwɨɨ, ja swɨ jǝ nǝ kʊlɨtɨn jinɔ a yɔ nǝn a bwaa.