1 Bitrus 1:8 - Dadiya NT

⁸ Jǝ́ kuwo gǝn bɔ wo sul, jǝ́ swɨ gǝn nɛ. Jǝ́ kuwo gǝn bɔ kǝngkɔ sul, jǝ́ nǝ bɨlǝngkɛl a daa gǝ woi, n kɛl dul jʊ nɨ jǝ́ maa fulotǝm nǝl lɛ dangǝnɨ, wʊnɨ a laa laaɨ kwaan sʊwatǝmɨ.

1 Bitrus 1:8 ပူးပေါင်းရင်းမြစ်များ

Matta 10:37

“Nʊ nɨ a swɨ nyɨya gɔ jǝbɔ tɨya gɔ a laa ɨ, a la bɔ a yǝlam a mɨ. Nʊ nɨ a swɨ bʊla gɔ jǝbɔ bwɛnɔɔlɨ gǝnɔ a laa ɨ, a la bɔ a yǝlam a mɨ.

Yohana 14:15

“Na jǝ́ maa mɨ swɨtǝm lɛɨ, jǝ́ bwangtǝn bwang diil mǝndɨ.

Yohana 14:21

Gwam nʊ nɨ a nyǝm diil mǝndɨ bwangtǝn nɛɨ, nǝn gɔ nʊ swɨ ɨ lɛɨ. Nʊ nɨ swɨ ɨ lɛɨ, Tɛtɛ mɨ swɨ gǝn swɨ. Mǝ tǝmɨ mǝ swɨ gǝn swɨ, mǝ nʊng nʊng dul mǝndɨ a daa gǝ woi.”

Yohana 14:24

Nʊ nɨ mɨ swɨ ɨ lɛɨ, mɨ gǝ kɨla kɛl mǝndɨ lɛ. Kɛltɨn nɨ jǝ́ nyʊwa lɛɨ, ke bɔ a mɨ, na a Tɛtɛ nɨ a twam ɨɨ.

Yohana 16:22

Gǝ na nyɔ a daa jen woi. Kǝngkǝnɨ jǝ́ na a bʊwaka nǝl. Mǝ yǝla yǝla n kuwo jen, la jǝ́ maa maa fulotǝm nǝl. Mɨ nǝn jʊ nɨ yem jem fulotǝm nǝl nɨ lɛɨ.

Yohana 20:29

Yesu a sʊwa gǝn gɔ, “Ń kuwo i n jʊ a bwɨ mʊ nǝ bɨlǝngkɛlɨ. Bwiligɔ na nǝb nɨ a kuwo i bɔ woi, ja nǝ bɨlǝngkɛl nǝn mɨ.”

Yohana 8:42

Yesu a sʊwa ji gɔ, “Na na Kwaama nǝn Tɨya jeni, na jǝ́ swɨ ɨ lɛ, jʊ a bwɨɨ mǝ jel a daa gǝ woi, kǝngkɔ mǝ wɔ. Ke bɔ mǝ mǝ bɛ nǝn kang mɨɨ. Nǝn Kwaama a twam ɨɨ.

Maajɨ Bɛtɔ Twamagɨɨ 16:34

Nǝngɔ a bɛ nǝn ji a lɔ gɨɨ, a fɛka jim jǝjalǝnɨ, nǝngɔ a tɨtǝn bǝlátǝmɨ, jʊ a bwɨɨ gǝ jǝbɔ nǝbɔ lɔ gɨɨ ja nǝ bɨlǝngkɛl a daa Kwaama woi.

Roma 14:17

Fɔlɔn lɔ Kwaamaɨ n ke bɔ jatǝm jǝbɔ nɔɔtǝm. N kɛl yɨm dǝngdǝng, jǝbɔ yɨm kwamɨgǝn, jǝbɔ fulotǝm nǝl a mʊgɔ Yʊwa Kwaamaɨ.

Roma 15:13

Bɛ Kwaama nɨ gǝ bɛ lɛ nǝn yatǝm nǝlɨ, a yii nǝl jenɔ nǝn fulotǝm nǝl gwam jǝbɔ yɨm kwamɨgǝn a kɛl dul bɨlǝngkɛl jenɔ gǝm, sǝ jǝ́ yii nǝn yatǝm nǝl a kwaan Yʊwa Kwaamaɨ.

1 Korinti 16:22

Nʊ nɨ gwam mɨ swɨ Tɛlalɔ lɛɨ, bɛ a yǝlam nǝ lagtǝm. Tɛlalɔ bǝn, bɛ!

2 Korinti 1:22

A ka bǝm kwatɨ gǝnɔ gɔ bǝ na a gɔ, a nǝ bǝn Yʊwa gǝnɔ a nǝl bǝn. Mɨ nyǝmatǝm wo, gɔ gǝ nǝ bǝn nǝ tangǝn kanjǝlɔ gwam.

2 Korinti 12:4

A nyʊwa kaam kɛltɨn a lɔ Kwaamaɨ, wʊnɨ nǝfitʌmɔ mɨ ji nǝn kwaan sʊwatǝmɨ, wʊnɨ mɨ gola sʊwatǝm woi.

2 Korinti 4:18

N ke bɔ kanjǝl nɨ nugɔ kuwo lɛ nǝn dʌng lɛɨ. Nǝn dʌng kanjǝl nɨ mɨ nugɔ kuwo lɛɨ. Kanjǝl nɨ nugɔ kuwo lɛɨ, n kanjǝl nɨ mɨsɔ tɨm shutǝm lɛɨ. Kanjǝl nɨ mɨ nugɔ kuwo lɛɨ, n kanjǝlɔ mɨ dɨtǝm woi.

2 Korinti 5:7

Nǝn yɨ yɨm a gola nǝtǝm bɨlǝngkɛl, ke bɔ na kuwotǝm nu.

2 Korinti 9:15

Buutǝm kangɔ na a Kwaamaɨ a nǝtǝm gǝnɔ gǝm wʊnɨ a laa kwaan sʊwatǝmɨ.

Galatiya 5:22

Bwili Yʊwagɔ n swɨkatǝm, jǝbɔ fulotǝm nǝl, jǝbɔ yɨm kwamɨgǝn, jǝbɔ kʊtǝm nǝl, jǝbɔ nǝl lǝmǝn, jǝbɔ maatǝm jǝ nya, jǝbɔ tatǝm swatǝm yaa,

Galatiya 5:6

Na bǝ na a daagɔ Yesu Kiristi woi, biyotǝm mwɛn jǝbɔ mɨ biyotǝm mwɛn wo, mɨ a nyiyo kaa jǝl. Nǝtǝm bɨlǝngkɛl jenɔ nɨ maa maajɨ swɨkan nɛɨ, nǝn gɔ a laa jǝlɨ.

Afisa 3:19

N maa keli mǝʊ jǝ́ nyǝm swɨtǝm nɨ Kiristi maa bǝm lɛɨ, wʊnɨ a laa laaɨ kwaan nyǝmtǝmɨ, sǝ ja yii jen pʌd nǝn yiitǝm Kwaamaɨ.

Afisa 6:24

Bɛ lǝmagɔ a ta tʌgo gwanggwang a nǝb nɨ swɨ Tɛlalɔ bǝn Yesu Kiristi lɛɨ nǝn swɨtǝm nɨ mɨ dɨtǝm woi.

Filibii 1:25

N jǝla gǝ na nyɔ, n nyǝm mǝ yɨ yɨ nǝn kʊlɨ sǝ n ja kǝga nǝn tɨkalɨ jenɔ gwam, sǝ jǝ́ dʊʊl, jǝ́ maa fulotǝm nǝl nǝn nǝtǝm bɨlǝngkɛl jenɔ.

Filibii 3:3

Jʊ a bwɨɨ, nǝbǝn bǝ biyo mwɛn bɨlǝngǝnɨ. Bǝn nǝb nɨ bǝ bǝlá Kwaama lɛ a gola Yʊwa Kwaamaɨ. Bǝ maa sʊtɔ lɛ a mʊgɔ Kiristi Yesui. Bǝ ya bɔ kwaan a maajɨ bʊtɔ sul,

Filibii 4:4

Bɛ jǝ́ maa fulotǝm nǝl kwangkwang nǝn Tɛlalɔ. Mǝ sʊwa jen nɛ tʌgo tag, jǝ́ maa fulotǝm nǝl!

Ibranii 11:1

Nǝtǝm bɨlǝngkɛlɔ nǝn gɔ jʊ nɨ bǝ ya nǝl tʌgo a dul gǝn mɨ nyǝmatǝm woi. Nǝn gɔ n jǝlatǝm nǝn jʊ nɨ bǝ kuwo bɨɨ.

Ibranii 11:27

N gola nǝtǝm bɨlǝngkɛl a bǝla Masarɨ, a nyʊwa bɔ taal nabwɨl fɔlɔgɨɨ. A bwa nǝl maamɔ a kuwo nʊ nɨ mɨ jǝ kuwo lɛɨ.

1 Bitrus 1:6

N kɛl dul jʊ nɨ jǝ́ nya fulotǝm nǝl nyangǝnɨ. Nɔɔtǝm gaalan jenɔ nɨ jǝ́ nyʊwa lɛ kǝngkɨɨ, mɨsɔ kʊta lɛ.

1 Bitrus 2:7

Kǝngkɔ jen nɨ jǝ́ nǝ bɨlǝngkɛlɨ, tɛl nɨ n jǝ nyan. A daagɔ nǝb nɨ a kɔ nǝtǝm bɨlǝngkɛlɨ, “Tɛl nɨ nǝb mɔtǝm kanɔ a kɔɨ, nǝn gɔ a yǝlam tɛl fʌlʌm kanɨ,”

1 Bitrus 5:4

Na Fɔlɔ Nǝ Tɔɔtǝm kwamɨ nɨ a bɛɨ, jǝ́ nya nya dwang dul dʊʊn nɨ mɨsɔ dumo lɛ woi.