1 Bitrus 1:23 - Dadiya NT

²³ Ja yǝla ja bʌ jen tag nǝn bʌtʌm fɨ. Kʊlɨ fɨ nɨ na a jeni, a jel bɔ a daa nɨ kala lɛɨ, a jel a daa nɨ mɨ kalatǝm woi, n kɛl Kwaamaɨ wʊnɨ nǝn kʊlɨ nɨ mɨsɔ dɨ lɛ woi.

1 Bitrus 1:23 ပူးပေါင်းရင်းမြစ်များ

Matta 24:35

Dʌbʌlɔ jǝbɔ tǝmɔ dɨ dɨ, kɛl mǝndɨ mɨsɔ dɨ lɛ wo.

Luka 8:11

“Mʊsǝn kɛl nɨ nǝn gɔ, dʊʊmɔ gǝ nʊng kɛl Kwaamaɨ.

Yohana 1:13

Ja yǝlam bɔ bɛtɔ lɔ gɨɨ a gola nǝfitʌmi, ke bɔ a gola wɛl bʊtɔ jǝbɔ swɨtǝm nǝfitʌmi, n Kwaama nǝn kang gǝn nǝn gɔ nǝn Tɨya jii.

Yohana 1:3

Kwaama a fwal kanjǝlɔ gwam a gola gǝn. Mɨ nǝn jʊ nɨ a fwal ke bɔ a gola gǝnɨ.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 3:5

Nǝngɔ Yesu a jǝla gǝn gɔ, “N bɨlǝngkɛl mǝ sʊwa ń nɛɨ, na ja bʌ bɔ nǝl a gola mwɛ jǝbɔ Yʊwa Kwaamaɨ, mɨsɔ dɔ fɔlɔn lɔ Kwaamaɨ lɛ.

Yohana 6:63

Yʊwa Kwaamaɨ nǝn gɔ nǝ kʊlɨ lɛɨ, bʊtɔgɔ mɨ nǝn kaa kwaan wo. Kɛltɨn nɨ mǝ sʊwa jeni, n Yʊwa jǝbɔ kʊlɨ.

Roma 1:23

Ja fʌto bǝlátǝm dʊʊlǝn Kwaamaɨ nɨ mɨsɔ bʊla lɛ woi, nǝn jelkalǝng nǝfilii, wʊnɨ bʊla lɛɨ, jǝbɔ lǝbɨtɨn, jǝbɔ namtɨnɔ, jǝbɔ kanjǝl nɨ wuul lɛ nǝn fʌli.

Ibranii 4:12

Kɛl Kwaamaɨ nǝn kʊlɨ, maa maajɨ lɛ dangǝn. A laa tɔɔgɔ nyiyogɔ yoi jalǝng. Gǝ dɔ dɔ kʊlɨ jǝbɔ mʊgɔ nǝl, jǝbɔ kuto a yɔ nǝn a mʊgɔ fiim. Gǝ nʊng nʊng bʊʊlalɨ nǝlɨ jǝbɔ jʊ swɨ lɛɨ.

Yakubu 1:18

Kwaama a do a mʊgɔ nǝl gǝn gɔ gǝ dǝg bǝn bǝ yǝlam bɛtɔ lɔ gɨɨ a gola nǝtǝm bǝn kɛl bɨlǝngkɛl gǝnɔ, sǝ a dǝg bǝn bǝ yǝlam nǝb dʊʊm a kanjǝl nɨ ga fwalɨ.

1 Bitrus 1:25

A kɛl Tɛlalɔɨ, tɨ tɨ, mɨ dɨtǝm wo.” Nǝn gɔ fulon kɛl lǝmɨ nɨ ja kiyo jemi.

1 Bitrus 1:3

Bɛ bǝlátǝmɔ a ta tʌgo gwanggwang a daagɔ Kwaama woi, jǝbɔ Tɛtɛ Tɛlalɔ bǝn Yesu Kiristi! A nǝ bǝn bʌtʌm fɨ a mʊgɔ bʊnan gǝnɔ gǝm, n jʊ a bwɨ bǝ yɨm nǝn yatǝm nǝl jʊ nɨ bwɨ bwɨ a gola guntǝm Yesu Kiristii a bwaaɨ.

1 Yohana 3:9

Nʊ nɨ gwam n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl, jʊ a bwɨɨ, kʊlɨ Kwaamaɨ yǝm a mʊgɔ gǝn. Mɨsɔ dwal lɛ a ja kǝga nǝn maatǝm bwɨlangkɛl, jʊ a bwɨɨ gɔ n bʌtʌm Kwaamaɨ.

1 Yohana 5:18

Bǝ nyǝm nʊ nɨ n bʌtʌm Kwaamaɨ, mɨsɔ ja kǝga lɛ nǝn maatǝm bwɨlangkɛl. Bʊla Kwaamaɨ nǝn gɔ kɨla gǝn nɛɨ. Nǝ bwɨla nɨ mɨsɔ ke gǝn nɛ.