1 Bitrus 1:22 - Dadiya NT

²² Jǝ́ saalǝm dul jenɔ, a gola nǝtǝm bɨlǝngkɛl. N jʊ a bwɨ kǝngkǝnɨ jǝ́ nʊng swɨkan nyan nɛ a kɛtǝlam jenɔ gǝm nǝlɔ wini. A kɛl dul jʊ nɨɨ, bɛ jǝ́ ja kǝga nǝn swɨkan nɨ a kʊm jen nǝn sʊtǝm kwaan.

1 Bitrus 1:22 ပူးပေါင်းရင်းမြစ်များ

Yohana 15:17

Diilɔ mǝ nǝ jen nɛɨ, bɛ jǝ́ swɨka.

Yohana 15:3

Jʊ mǝ sʊwa jeni, nǝn gɔ a dǝg jen jǝ́ yǝlam nǝb sagsagɨ.

Yohana 17:17

Kɛl mʊnɔ n bɨlǝngkɛlɨ. Bɛ ń saal ji sagsag a gola bɨlǝngkɛl.

Yohana 17:19

N kɛl dul jin, mǝ dǝg dul mǝndɨɨ, sǝ ji tʌji ja dǝg dul jinɔ a gola bɨlǝngkɛl.

Maajɨ Bɛtɔ Twamagɨɨ 15:9

A nʊng bɔ gɔ bǝn nǝn dʌmʌn jǝbɔ ji. A saalǝm nǝl jinɔ a dul nǝtǝm bɨlǝngkɛl jinɔ gǝm.

Maajɨ Bɛtɔ Twamagɨɨ 6:7

Kɛl Kwaamaɨ ja kǝga lɛ. Nǝb bwangtǝmɔ a mʊgɔ Urushalimaɨ jǝ sʊ lɛ nǝn bɨlǝngǝn. Nǝbkǝlam Yahudawagɨɨ a lada a yǝlam nǝb nǝtǝm bɨlǝngkɛl.

Roma 1:5

N daa gǝ woi bǝ yo lǝma, bǝ yǝlam bɛtɔ twama gǝnɨ, dɨsɔ bǝlǝntǝmɔ gwam a nǝ bɨlǝngkɛl nǝn shigtǝm dul, a kɛl dʊʊlǝn dun gǝn.

Roma 2:8

A nǝb nɨ swɨ dul jinɔ lɛ jǝbɔ nǝb nɨ a kɔ bwangtǝm bɨlǝngkɛlɔ jǝ maa bwɨlan nɛɨ, ywa ywa nǝn nabwɨl jǝbɔ kaltǝm nǝl.

Roma 8:13

Na jǝ́ yɨ yɨm bwangtǝm bʊtɔɨ, jǝ́ bʊla bʊla. Na jǝ́ yɨ yɨm a kwaan Yʊwa jǝ́ jʌm maajɨ bwangtǝm bʊtɔgɨɨ, jǝ́ yɨ yɨ nǝn kʊlɨ mɨ dɨtǝm wo.

2 Korinti 6:6

Nǝn nʊng nǝn bɛtɔ jwaalɛn Kwaamaɨ a gola sagsag, jǝbɔ nyǝmtǝm, jǝbɔ kʊtǝm nǝl, jǝbɔ maatǝm jǝ nya, nǝn maa a gola Yʊwa Kwaamaɨ, jǝbɔ swɨkan nya.

Galatiya 3:1

Jǝ́ nǝbɔ Galatiyaɨ, jǝ́ swɛla swɛla ka? Na kaa nǝl a swag jeni ka? N nʊng jen kanga ja kʊʊm Yesu Kiristi wʊnɨ a bʊla a dʌbʌl tɨya kʊʊtǝmɨ.

Galatiya 5:5

Bǝ yam lɛ, bǝ ya nǝl lɛ a gola kwaan Yʊwa Kwaamaɨ, Kwaama dǝg bǝn dǝg bǝ yǝlam nǝb dǝngdǝng, a kɛl dul nǝtǝm bɨlǝngkɛl.

Galatiya 5:7

Galɨgǝn, jǝ́ ja kǝga lɛ nyangǝn. Nuwo a kaa jen a bwangtǝm bɨlǝngkɛlɨ?

Afisa 4:3

Jǝ́ sʊtǝn kwaan kɨlatǝm yǝlamtǝmɔ wini, kanga Yʊwagɔ nʊng lɛɨ, a gola lǝma nɨ a mʊr jeni.

Filibii 1:9

Keli mǝndɨ nǝn gɔ bɛ swɨtǝm jenɔ a ja kǝga, nǝn nyǝmtǝm jǝbɔ yʊlan dangǝn,

1 Tasalonikaɨ 3:12

Bɛ Tɛlalɔ a dǝg jǝ́ nya sʊtǝm a mʊgɔ swɨkan a lada a kʊm jen jǝbɔ nǝbɔ gwam, kanga nǝn maa jem lɛɨ.

2 Tasalonikaɨ 1:3

A yǝlam nyɔ kwangkwang nǝn buu Kwaama gǝm kang a kɛl dul jen gwam kambɔ, a bʊm nyɔ, jʊ a bwɨɨ nǝtǝm bɨlǝngkɛl jenɔ sʊ lɛ sʊɨ nǝn bɨlǝngǝn, jʊ a bwɨɨ swɨkatǝmɔ a kʊm jeni sʊ lɛ sʊɨ.

2 Tasalonikaɨ 2:13

Jǝ́ kɛtǝlam mɨɨ, nǝbɔ Tɛlalɔ swɨ lɛɨ, a yǝlam nyɔ nǝn buu Kwaama gǝm kang a dul jen, jʊ a bwɨɨ Kwaama a jǝgam jen nǝn tɨkǝga sǝ jǝ́ nya bʊʊtǝm a gola butitǝm Yʊwa Kwaamaɨ, a gola nǝtǝm bɨlǝngkɛl bɨlǝngǝn.

1 Timoti 1:3

Kanga mǝ kela ń kwama mǝ shum a Makidoniyaɨ, mǝʊ ń yɨ a Afisaɨ, bɛ ń maa nyɔ, sǝ ń mwɛ kaam nǝb nɨ maa mɛlalɨ gabakɛl lɛɨ ja bǝla wo.

1 Timoti 1:5

Diil nɨ gǝ nʊng kɛl swɨkan, wʊnɨ jel lɛ a nǝl sagsagɨɨ, jǝbɔ bʊʊlalɨ nyan a mʊgɔ nǝl nɨ mɨ komtǝm woi, jǝbɔ nǝl nǝtǝm bɨlǝngkɛl dangǝn.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

1 Timoti 5:2

Nɔɔtǝm dʊʊmɔ bɛ ń do ji na nɛtǝlam mʊn, bɛtǝnɔɔtǝnɔ na kɛtǝlam mʊn nǝn nǝl sagsag.

2 Timoti 1:14

Jǝ bʊmɨ nɨ Kwaama a nǝ ńɨ, bɛ ń tɔɔ gǝn a gola tɨkalɨ Yʊwa Kwaamaɨ, a wʊnɨ yǝm a mʊgɔ nǝl bǝnɨ.

Ibranii 11:8

N gola nǝtǝm bɨlǝngkɛl, Ibrahim a maa shigtǝm dul nǝn kwama ja jo gǝn gɔ a jel a tǝm gǝnɨ sǝ ga shu a kaa tǝm wʊnɨ gǝ yo kʊla gǝnɔ lɛɨ. Nǝngɔ a jeli, a nyǝm bɔ daagɔ yilom woi.

Ibranii 13:1

Bɛ jǝ́ ja kǝga a swɨtǝm kambɨɨ gǝm.

Ibranii 5:9

A yii dǝngdǝngɨ, nǝngɔ a yǝlam jʌng bʊʊlɨ nɨ mɨ dɨltǝm woi, a nǝb nɨ gwam maa gǝm shigtǝm dul lɛɨ.

Ibranii 6:10

Kwaama n ke bɔ nʊ nɨ mɨ dǝngdǝngɨ, wʊnɨ kɔ dʌngtǝm maajɨ jenɔ lɛɨ, jǝbɔ swɨtǝm gǝnɔ nɨ jǝ́ nʊng lɛɨ, kanga jǝ́ tɨka nǝbam gǝnɔ lɛ ba la nǝn a di dwiyeni.

Ibranii 9:14

Na nyǝn a tʊʊm Kiristii wʊnɨ a nǝ dul gǝnɔ nɨ mɨ nǝn duto a daa Kwaama woi, a gola Yʊwa Kwaamaɨ nɨ mɨ dɨltǝm woi. A saalǝm nǝl bǝnɔ a maatǝm kanjǝl jǝfʊlǝn nɨ yɔ lɛ nǝn bǝn a bwaaɨ. Sǝ bǝ bǝlá Kwaama nɨ nǝn kʊlɨɨ.

Yakubu 1:21

Bɛ jǝ́ tǝlam bʊʊlalɨ bwɨla nɨ n bwɨlangkɛl jǝbɔ kanjǝl shili. Jǝ́ yo kɛl nɨ ja kwal a nǝl jeni a mʊgɔ shigtǝm dul, wʊnɨ yɔ lɛ nǝn jen a nyatǝm bʊʊtǝmɨ.

Yakubu 4:8

Jǝ́ bɨtǝn a daagɔ Kwaama woi. Gǝ tǝgǝn bɨtǝn bɨ tʌgo a jen gǝm. Jǝ́ nǝb bwɨlangkɛlɔ, jǝ́ saalǝm kang jenɔ. Jǝ́ nǝb fentogɔ, jǝ́ saalǝm nǝl jenɔ.

1 Bitrus 1:2

Kwaama Tɛtɛ a nyǝm jen galɨgǝn, a jǝgam jeni. Yʊwa Kwaamaɨ a dǝg jen jǝ́ yǝlam nǝb sagsagɨ. A maa jʊ nɨ sǝ jǝ́ yǝlam nǝb bwangtǝm Yesu Kiristii. A maa nyɔ tag sǝ tʊʊm gǝnɔ a saal jen. Bɛ lǝmagɔ jǝbɔ yʌbtǝm nǝlɔ a yɨ a mʊgɔ jen a lada.

1 Bitrus 2:17

Bɛ jǝ́ nɨ nǝbɔ pʌd dʊʊn. Jǝ́ swɨ kɛtǝlam nǝb bwangtǝmɔ. Jǝ́ nyʊwa taal Kwaamaɨ. Jǝ́ nǝ fɔlɔgɔ dʊʊn.

1 Bitrus 3:1

Jǝ́ nɔɔtǝm naatǝmɔ, a dul kɛl nɨɨ, jǝ́ nǝ batǝlam jenɔ shigtǝm dul, sǝ na kaam batǝlam jenɔ nɨ mɨ bwangtǝn kɛl Kwaamaɨ lɛɨ, nɔɔtǝlam jinɔ a sʊwa ji bɔ kɛl Kwaamaɨ sul, shigtǝm dul jinɔ gʊ ji gʊ.

1 Bitrus 3:20

Nǝb nɨ galɨgǝn a bwangtǝn bɔ Kwaama a joltɨn Nuhui, Kwaama a kʊ nǝl nǝn ji nǝn kwama Nuhu swiyom tɨyamwɛng dʊʊnɔ lɛɨ. Nǝn kwama gɔ, nǝbɔ nǝn dǝm nyɔ a bʊʊɨ, nǝbɔ naalǝb a bʊʊ a gola mwɛɨ.

1 Bitrus 3:8

A dɨltǝmɔ gǝm, gwam jenɔ, jǝ́ yɨ yɨm mʊrkatǝm dul a kʊm jen. Jǝ́ yǝlam nǝb jikokatǝm bʊnǝn. Jǝ́ yǝlam nǝb swɨkatǝm, jǝbɔ nʊngtǝm nǝl lǝmǝn, jǝbɔ yʌbtǝm dul.

1 Bitrus 4:17

Kwamagɔ a la, jǝ tǝl maatǝm borangɔ a dul nǝb Kwaamaɨ. Na jǝ tǝl nǝn bǝnɨ, n wɛ bwɨ lɛ a dɨltǝmɔ gǝm a nǝb nɨ a kɔ bwangtǝm fulon kɛl lǝmɨ Kwaamaɨ?

1 Bitrus 4:8

Jʊ a laa bʊmǝnɨ, bɛ jǝ́ maa swɨkatǝm a kʊm jen nǝn nǝlɔ win, jʊ a bwɨɨ, swɨkanɔ gǝ kǝlǝm kǝlǝm bwɨlangkɛl a lada.

2 Bitrus 1:7

A dul nǝl a Kwaamaɨ, jǝ́ sʊtǝn nǝn swɨtǝm kambɨɨ. A dul swɨtǝm kambɨɨ, jǝ́ sʊtǝn nǝn swɨkan tag.

1 Yohana 3:11

Wʊnɨ nǝn gɔ kɛlɔ jǝ́ nyʊwa nǝn tɨkǝgaɨ gɔ, bɛ bǝ swɨka.

1 Yohana 3:23

Diil gǝnɔ gɔ, bǝ nǝ bɨlǝngkɛl a mʊgɔ dun bʊla gɔ Yesu Kiristii, bǝ swɨka kanga a sʊwa bǝnɨ.

1 Yohana 4:12

Mɨ nʊ nɨ a kuwo Kwaama woi. Na bǝ swɨka lɛɨ, na Kwaama wo a kʊm bǝnɨ, swɨtǝm gǝnɔ a yii dǝngdǝng a mʊgɔ bǝn.

1 Yohana 4:20

Gwam nʊ nɨ a sʊwa gɔ, “Mǝ swɨ Kwaama lɛ,” kɔ kɨla gǝ lɛɨ, n nǝ gabakɛl. Jʊ a bwɨɨ nʊ nɨ mɨ swɨ kɨla gǝ nɨ lɛ gǝ kuwo lɛɨ, mɨsɔ dwal lɛ a swɨ Kwaama, wʊnɨ mɨ gǝ kuwo gǝn nɛɨ.

1 Yohana 4:7

Jǝ́ fatǝm nyan mǝndɨ, bɛ bǝ swɨka, jʊ a bwɨɨ swɨtǝmɔ na a Kwaamaɨ. Gwam nʊ nɨ maa swɨtǝm lɛɨ, n bʌtʌm Kwaamaɨ, a nyǝm Kwaama tag.

Dʊgam Nyangnyang 2:4

“Jʊ mʊ maa bɔ dǝngdǝngɨ n wɔ, ń mǝlam swɨkan nɨ mʊ maa nǝn tɨkǝgaɨ.