1 Bitrus 1:17 - Dadiya NT

¹⁷ Jǝ́ jo gǝn gɔ Tɛtɛ a daa maatǝm keli. Nǝn gɔ maa nǝbɔ gǝm gwam borang lɛ a jʊtǝb nɨ ja maaɨ, mɨ nǝn swɨtǝm dul. A kɛl dul jʊ nɨɨ, bɛ jǝ́ nyʊwa taal gǝnɔ nǝn kwama nɨ jǝ́ faabǝm a yooli nɨɨ.

1 Bitrus 1:17 ပူးပေါင်းရင်းမြစ်များ

Matta 16:27

Bʊla Nǝlɨ bɛ bɛ nǝn dʊʊlǝn Tɛtɛ gɨɨ jǝbɔ bɛtɔ twama gǝnɔ. Ywa ywa nǝbɔ win win a jʊ ja maaɨ.

Matta 22:16

Nǝngɔ ja twam bɛtɔ mɛlalɨ jinɔ jǝbɔ kaam nǝbam Hiridusi a daa gǝ woi gɔ, “Nǝ mɛlalɨ, nǝn nyǝm mʊ nǝ bɨlǝngkɛl, mʊ mɛla gola Kwaamaɨ lɛ nǝn bɨlǝngǝn, nǝbɔ pʌd win a daa mʊ woi, mʊ do bɔ kaa nǝl a laa a wini.

Matta 6:9

Na jǝ́ kel keli lɛɨ, bɛ jǝ́ sʊwa nyɔ: “ ‘Tɨya bǝn nɨ a kwamaɨ, bɛ dun mʊnɔ a nya dʊʊltǝm.

Roma 11:20

N bɨlǝngǝn dangǝn. Ja nǝ bɔ bɨlǝngkɛl n jʊ a bwɨ ja kǝlam jii. Mɔ n kɛl nǝtǝm bɨlǝngkɛl mʊnɔ ja bǝla ń woi. Bɛ ka ń gung lɛ dul. Bɛ ń nyʊwa taal Kwaamaɨ.

2 Korinti 1:2

Bɛ lǝmagɔ jǝbɔ yɨm kwamɨgǝn a Kwaama Tɛtɛ bǝnɨ jǝbɔ a Tɛlalɔ Yesu Kiristii a ta tʌgo gwanggwang a daa jen woi.

2 Korinti 5:6

Gǝ na nyɔ kwangkwang nǝn nǝn kwamǝn nǝl. Nǝ nyǝm na nǝn nǝn bʊtɔ nɨɨ, nǝn kʊtaka jǝbɔ Tɛlalɔ.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

2 Korinti 7:11

Bɛ jǝ́ dʌng kaltǝm nǝl nɨ Kwaama a dǝg a mʊgɔ nǝl jeni, a maa jemi. Jǝ́ swɨ lɛ jǝ́ maa jʊ nɨ dǝngdǝngɨ. Jǝ́ swɨ lɛ jǝ́ nʊng jǝ́ maa bɔ bwɨlangkɛl. Jǝ́ nyʊwa nabwɨl a bwɨlangkɛlɔ ga maaɨ. Jǝ́ ta kang a nyiyo a jʊ ga maaɨ. Jǝ́ swɨ lɛ jǝ́ kuwo nǝn. Jǝ́ swɨ lɛ jǝ́ maa jʊ mǝ sʊwa jeni. Jǝ́ mwɛ nǝb bwɨlangkɛlɔ dangǝn. A golantɨn nɨ, jǝ́ nʊng mɨ jen nǝn bwɨlangkɛl.

Galatiya 2:6

Nǝb nɨ jǝ nǝb dʊʊmɨ, ja sʊ bɔ kaa jǝl a mɛlalɨ nɨ mǝ maaɨ. (A kuwotǝm mɨ na na bǝ woi, gwam jǝ win a daa mɨ woi, jʊ a bwɨɨ Kwaama mɨ gǝ nʊng swɨtǝm dul lɛ).

Afisa 1:17

N tɨtǝn keltǝm Kwaama Tɛlalɔ bǝn Yesu Kiristii, Tɛtɛ Nǝ dʊʊlǝn, a nǝ jen Yʊwa nɨ nǝ yʊlan nɛ jǝbɔ nʊngtǝm a nyǝmtǝm Kwaamaɨ.

Afisa 3:14

N dul kɛl nɨ mǝ jʊng a kǝga Tɛtɛɨ mǝ maa kelii,

Afisa 6:9

Jǝ́ tɛlalɔtɨnɔ, jǝ́ maa nyɔ tʌjen. Ka jǝ́ nǝ ji lɛ gaalan. Jǝ́ nyǝm nʊ nɨ nǝn Tɛlalɔ ji jǝbɔ jen a dʌbʌl kwamaɨ, mɨ gǝ maa swɨtǝm dul lɛ.

Filibii 2:12

Jǝ́ nǝbɔ mǝ swɨ lɛɨ, kwangkwang jǝ́ bwangtǝn diil mǝndɨ lɛ kwama bǝ dakinii. Kǝngkǝnɨ mɨ bǝ dakini, bɛ maajɨ jenɔ a laa nyɔ. Bɛ jǝ́ maa maajɨ nɨ bʊʊ lɛ nǝn jeni nǝn taal jǝbɔ katǝm bʊtɔ.

Kolosii 3:25

Nʊ nɨ maa jʊ nɨ lɛ a bʊm bɨɨ, nya nya ywatǝm gǝnɔ a jʊ nɨ a bʊm bɔ ga maaɨ. Kwaama mɨ gǝ nʊng swɨtǝm dul lɛ.

Ibranii 12:28

A dul kɛl nɨ, bɛ bǝ buu kang, jʊ a bwɨɨ bǝ nya nya fɔlɔn nɨ mɨ mǝgatǝm woi. A na nyɔ tag bǝ maa Kwaama gǝm bǝlátǝm, jǝ yotǝm, nǝn taal jǝbɔ nǝtǝm dʊʊn nyan.

Ibranii 4:1

Kanga nɨ swatǝm yaa dɔtǝm daa fǝbtǝm gǝnɔ woi, bɛ bǝ maa dʌngtǝm dangǝn, kage kaa a kʊm jen a gaa dɔtǝmɔ.

1 Bitrus 2:11

Fatǝm nyan mǝndɨ, jǝ́ faabǝm, jǝ́ Bʌtʌb a yooli nɨ. Mǝ kela jen nɛ, jǝ́ bǝla swɨtǝm bʊʊlalɨ mʊgɔ nǝl nǝfilii wo, wʊnɨ ta kun nɛ jǝbɔ nǝl jeni.

1 Bitrus 3:15

A mʊgɔ nǝl jen, jǝ́ nǝ Kiristi dʊʊn na Tɛlalɔ. Kwangkwang jǝ́ yɨ nǝn fɛkalɨ, jǝ́ sʊwa nǝb nɨ gwam a bʌ jen yatǝm nǝlɔ jǝ́ nǝnɨ. Bɛ jǝ́ sʊwa ji nǝn yʌbtǝm dul jǝbɔ nǝtǝm dʊʊn.