1 Bitrus 1:15 - Dadiya NT

¹⁵ Kanga nʊ nɨ a jo jeni n nǝ sagsagɨɨ, jen tʌjen bɛ jǝ́ yǝlam sagsag a kanjǝl nɨ gwam jǝ́ maa lɛɨ.

1 Bitrus 1:15 ပူးပေါင်းရင်းမြစ်များ

Matta 5:48

Bɛ jǝ́ yǝlam dǝngdǝng, kanga Tɨya jen nɨ a kwamaɨ n nǝ dǝngdǝngɨ.

Roma 9:24

Bǝ nǝb nɨ ga joi, ke bɔ a kʊm Yahudawagɨɨ kwaaji, a jo nǝb nɨ n Bʌtʌbi tʌji.

2 Korinti 7:1

Jǝ́ nǝbɔ mǝ swɨ lɛɨ, Kwaama a kwɛl a maa bǝm swatǝm yaatɨn. Na gǝ na nyɨɨ, bɛ bǝ saalǝm dul bǝnɔ a kanjǝl nɨ dǝg bʊtɔ bǝnɔ lɛ jǝbɔ nǝl bǝnɔ a dutoi. Bɛ bǝ yɨ yɨm sagsag dangǝn a gola nǝtǝm Kwaamaɨ dʊʊn.

Filibii 1:27

Jʊ a laa jǝlɨ, jǝ́ yɨ yɨm nɨ a yɔ dǝngdǝng jǝbɔ fulon kɛl lǝmɨ Kiristii, dɨsɔ na n bɛ sǝ ba n kuwo jeni, na mǝ bɛ bɨɨ, n nyʊwa fulon gɔ yɨm jenɔ a yǝlam win, bʊʊlalɨ jenɔ win. Mǝ nyǝm nyǝm mǝʊ jǝ́ maa maajɨ lɛ dakini nǝlɔ win dangǝn sǝ bǝ kʌshi fulon kɛl lǝmɨgɔ.

Filibii 3:14

Mǝ sɨn nɛ n ja kǝga sǝ n yo lǝma. Lǝma nɨ Kwaama a jo i a dʌbʌl kwamaɨ, a kɛl dul Kiristi Yesui.

Filibii 3:20

A bǝnɔ bǝ na a yɨm dʌbʌl. N daagɔ bǝ yam Nǝbʊʊlɨ Tɛlalɔ Yesu Kiristi bɛm lɛɨ.

1 Tasalonikaɨ 2:12

Nǝn kʊʊ jem nǝl lɛ, nǝn yʌb jem nǝl lɛ, nǝn kel jen nɛ jǝ́ yɨ yɨm nɨ a daa tʌgo a bǝlátǝm Kwaamaɨ, wʊnɨ a jo jen a fɔlɔn gǝnɨ, jǝbɔ dʊʊlǝn gǝnɨ.

1 Timoti 4:12

Ka ń jǝla lɛ nǝl a soga ń gɔ mɔ bwɛsǝn. Bɛ ń yǝlam jǝ mɛlalɨ a daagɔ nǝb nǝtǝm bɨlǝngkɛlɔ woi a gola sʊwatǝm kɛl, jǝbɔ gola yɨm, jǝbɔ swɨtǝm, jǝbɔ nǝtǝm bɨlǝngkɛl, jǝbɔ nǝl sagsag.

2 Timoti 1:9

Nʊ nɨ a bʊʊ nǝn bǝn, a jo bǝn sǝ bǝ yǝlam nǝb sagsagɨ, ke bɔ a dul maajɨ nya nɨ bǝ maaɨ, n fɛkalɨ gǝn jǝbɔ lǝma gǝnɔ a maa bǝmɨ, lǝma nɨ a nǝ bǝn a mʊgɔ Kiristi Yesui na lǝga bɔ ja fwal yooligɔ.

Titus 3:14

Bɛ nǝbam bǝnɔ a mɛla kwaan maatǝm maajɨ nya a tɨkalɨ komtǝm nǝbɨɨ, kage ja yɨ bwɨlang yɨm nǝn kwan.

Titus 3:8

Kɛl nɨ n bɨlǝngǝn. Mǝ swɨ lɛ ń tɨ kwaan kanjǝl nɨ dangǝn, sǝ nǝb nɨ a nǝ bɨlǝngkɛl a daa Kwaama woi ja nǝ dul jinɔ a maatǝm maajɨ nyantɨn. Kanjǝl nɨ na a nyan. Nǝn gɔ kanjǝl tɨkalɨ a daagɔ nǝbɔ woi.

Ibranii 12:14

Jǝ́ yɨ yɨm kwamɨgǝn jǝbɔ nǝbɔ pʌd. Bɛ jǝ́ yɨ yɨm sagsag. Na mɨ nyɨɨ, mɨ nʊ nɨ wo kuwo Tɛlalɔ lɛɨ.

Ibranii 13:5

Bɛ ka bʊʊlalɨ jenɔ ya yǝlam lɛ na swɨtǝm kemʌn. Bɛ jǝ́ maa fulotǝm nǝl nǝn jʊ jǝ́ nǝnɨ, jʊ a bwɨɨ Kwaama a sʊwa gɔ, “Mɨsɔ mǝ bǝla ń nɛ wo. Mɨsɔ mǝ kɔ ń nɛ wo.”

Yakubu 3:13

Nʊ nɨ nǝn yʊlan jǝbɔ nyǝmtǝm a kʊm jeni, bɛ ga nʊng a gola yɨm nyan jǝbɔ maajɨ nyan. Bɛ ga maa nǝn yʌbtǝm dul, wʊnɨ jǝ nya lɛ a mʊgɔ yʊlanɨ.

1 Bitrus 2:12

Bɛ jǝ́ yɨ yɨm nyan a kʊm Bʌtʌbiɨ, sǝ na jǝ tuwo jen nɛɨ gɔ jǝ́ nǝb bwɨlamɨ, jǝ kuwo kuwo maajɨ nyantɨn jenɔ, jǝ dʊʊl dʊʊl Kwaama nǝn kum nɨ bɛm lɛɨ.

1 Bitrus 2:9

A jenɔ jǝ́ dʊʊm jǝgamtǝm, jǝbɔ nya nǝbkǝlam fɔlɔgɨɨ, jǝbɔ nǝbɔ sagsagɨɨ, jǝbɔ nǝbam Kwaamaɨ, sǝ jǝ́ kiyo maajɨ nya a nʊ nɨ a jo jeni nǝn kwama jen a kumtojilii, jǝ́ dɔ bǝlátǝm nyalǝm nyan gǝnɨ.

1 Bitrus 3:16

Ka jǝ́ maa lɛ jʊ nɨ bɛ jem lɛ nǝn guniduli, sǝ na ja tuwo jen a kɛl dul maatǝm jǝ nyan jenɔ a bwangtǝm Kiristii, jǝ nyʊwa nyʊwa gunidul.

1 Bitrus 5:10

Na nǝn kwama nɨ jǝ́ nɔɔm gaalan nǝn dǝm nyɨɨ, Kwaama nǝ nǝtǝm lǝma pʌd, wʊnɨ a jo jen a gola Yesu Kiristii a yɔ nǝn a yɨm dʊʊn gǝnɔ jǝbɔ gɔ, mɨ dɨtǝm woi, nǝn gɔ dǝg jen nɛ jǝ́ yii dǝngdǝngɨ, nǝn gɔ fǝka jen nɛɨ, sǝ a sʊ jem kʊʊtǝm nǝl tag.

1 Yohana 3:3

Gwam nʊ nɨ a ya nǝl a daa gǝ woi, a saalǝm dul gǝnɔ a yǝlam sagsag, kanga gǝ sagsagɨ.

Dʊgam Nyangnyang 3:7

“Bɛ ń mʊla bwɛ twama Kwaamaɨ nɨ gǝm a mʊrkalɨ nǝb bwangtǝm Kwaamaɨ nɨ a Filadalfiyaɨ gǝm nyɔ, “Kɛl nɨ nǝn gɔ n twamagɔ a daagɔ Nǝ Sagsag nɨ woi, Nǝ bɨlǝngkɛl, wʊnɨ nǝn jǝ wumtǝm nyanga kan Daudaɨ, wʊnɨ na a wumi, mɨ nʊ nɨ wo kubʌl lɛɨ, na a kubʌl tagɨ, mɨ nʊ nɨ wo wum lɛɨ.

Dʊgam Nyangnyang 4:8

Pʌd kanjǝl nɨ naal nǝn kʊlɨɨ, gwam jǝ nǝngǝn nǝn bɨlǝntɨnɔ nukun, bʊtɔ jinɔ n nutɨn gwam mʊgɔ jǝbɔ yooli, kum jǝbɔ kɔkɔ mɨ jǝ bǝla sʊwatǝmɔ lɛ gɔ, “Nǝ Sagsag, Nǝ Sagsag, Nǝ Sagsag Tɛlalɔ Kwaama, Nǝ Kwaan! Nǝn gɔ galɨgǝnɨ, nǝn gɔ kǝngkɨɨ, nǝn gɔ tag a kǝgaɨ.”

Dʊgam Nyangnyang 6:10

Nǝngɔ ja gung diilɔ nǝn kwaan ja sʊwa gɔ, “Nǝ dʊʊ Tɛlalɔ, nǝ sagsag, nǝ bɨlǝngkɛl, n fɨyang mʊ mwatɨ nǝbɔ yoolii nɨ gǝm borangɔ lɛɨ? N fɨyang tag mʊ ywa naan tʊʊm nǝnɔ lɛ a daagɔ nǝb nɨ a jʌ nǝnɨ?”